滿小廚 @ 九龍灣 ( 24-NOV-2013 )

咕嚕班塊 - 都幾多班塊  

京式回鍋肉 - 菜就好多喇

金銀蛋菜心 - 得白菜仔同菜心   不過我唔鍾意食白菜仔   所以叫菜心   不過配金銀蛋好怪

味菜牛柳絲炒麵 - 水姑話想食   所以就叫啦   已經第 3 餐食炒麵喇

( 24-NOV-2013  SUN )

今朝 10 點起身   不過就唔番教會喇   因為食完早餐要幫水姑買嘢   晏啲要去佢屋企整嘢呢 ~

番到屋企都差唔多 12 點   里奧大人就去剪髮   我就執零食櫃都執咗 1 個鐘   真係唔再買嘢喇 ~

約咗家姐 2 點喺停車場交收   佢拎番啲扎肉同腸比我呀   仲買咗包夾糖比我   話我成日買比佢食   今次到佢買番比我食喎   哈哈 ~

里奧大人番嚟就即沖涼   再做公司嘢   差唔多 3 點半就出門口   餓到我呢   所以一去到就買魚肉燒賣 + 咖哩魚蛋醫肚喇 ~

好味呀   啲燒賣好煙韌   咖哩汁又香   下次再買嚟食

同水姑一齊去食 Tea   但呢間嘢啲服務態度真係好差 ~

事緣水姑叫奶醬豬仔包   不過就奶醬分開上   唔好直接倒落包度   因為啲奶醬索哂啲包度會好甜   咁想食嘅時候先搽囉 ~ 

之後個侍應就話要加 $2   我哋問點解 ?!   佢話我哋要多奶醬   但其實我哋都無咁要求   之後又話水吧師傅話要分開 2 個碗上   所以要加 $2   都黐黐哋   完全唔合情合理   簡直天下第一奇聞   咁叫佢哋個經理嚟啦   等咗好耐先嚟   咁水姑喺將中嗰間食奶醬豬仔包都係分開上   都無額外收費   點解呢間會有   佢話間間唔同   我哋咪話點會 Policy 間間唔同   解釋完全唔合理   難度我哋要碗仔又要收 $3   離哂大譜   之後水姑話根本係妳哋呢間服務態度差   唔駛講咁多嘢   咁叫佢走啦    佢隔咗陣又走埋嚟嬲爆爆話想知邊區翠河唔額外收費   我話妳知嚟做咩呀   任何一間食肆都唔會咁樣收人 $2 啦 ~       

初初叫吉列豬扒薯條嘅時候   有個男侍應就好好   Remind 我哋呢個唔係下午茶餐   所以無嘢飲   咁我再睇下有咩其他餐啦   咁佢就好有禮貌叫我哋諗諗先   之後我都係想食吉列豬扒薯條   叫另一個女侍應嚟加單啦   我叫完之後   佢問我飲咩 ?!   大佬   呢個餐唔包嘢飲嘛   佢咁問人   好似有埋嘢飲咁   條友仲懵盛盛咁   佢根本係錄音帶咁   人哋講完咩都會問人哋飲咩 ~ 

廈門炒米 - 呢碟唔係餐   味道 OK   不過份量好少

肉絲炒麵 - 啲麵唔脆

吉列豬扒薯條 - 香口嘢實好味  不過就超熱氣   

食完就去配鎖匙   之後又上水姑屋企   不過佢有嘢整   所以出咗去   我就同里奧大人努力努力 ~   
我就黐窗門   搞掂就執佢間房啲嘢   里奧大人負責固定網架位置   一執就執到 8 點   唔怪得腰骨痛啦 ~

8 點幾 Call 水姑番屋企喇   因為要教佢點掛個架上去   所以 9 點幾先開餐 ~

食完都 10 點幾   所以又打的番屋企喇   真係好攰呢   幫人執完屋   但自己間屋就唔得閒執 ~

沖完涼睇陣電視   11 點半瞓喇 ~