住家飯 @ 媽咪屋企 ( 12-NOV-2013 ) + ( 13-NOV-2013 ) + ( 14-NOV-2013 )

蒸龍躉仔

白切雞半隻 (外賣)

西蘭花

西生菜

合桃茨實蓮子山斑魚湯

( 12-NOV-2013  TUE )

里奧大人一上大陸就會早過我出門口   咁我臨走嘅時候就會 Double Check 幾次熄咗冷氣未   熄咗爐未   關好水喉未   關好雪櫃門未   鎖好門未咁   精神有啲緊張呢 ~

早餐食奶油多   其實今朝餓   不過 Lunch 要食好多嘢   所以唔食咁飽 ~   

番到菇場又忙啦   忙到 11 點幾   咁 Receptionist 又請咗假   所以我又要行出行入   所以更加覺得多嘢做   好在佢聽日番   唔駛我做多樣嘢嘛 ~

今日食 Lunch Box 嘅餸同埋叮個超力米粉   下次都係咪搞   又要分開叮   又要洗兩個盒   好辛苦 ~

晏晝可以 Hea 過   無無聊聊又諗起家姐   呢個星期佢開始放大假   咁我 Whatsapp 佢喺邊啦   原來佢去咗惠州浸溫泉   仲話我知添   我只係知佢會去惠州   但唔知邊日   之後用 Viber 打比我   傾咗陣   又話買甜梅菜比我   咁我實要㗎   因為我鍾意食甜梅菜呢 ~

放工即走   又落毛毛雨   所以覺得份外凍咁呀   之後越落越大   真係唔開遮唔得   最慘係超勁大風   幾驚把遮會反呀 ~

今晚唔駛等家姐先開飯   咁 6 點半可以食 lu   想早啲食早啲番屋企休息 ~

買比媽咪嘅帽

買比家姐嘅 Mouse Pad

食完又抖啦   次次喺媽咪屋企   食完飯就勁想瞓   喺自己屋企就唔會啦   食完飯仲要洗碗   嗚嗚 ~

媽咪依家跟足哂營養師吩咐   真係食咩嘢都要用水浸下   可以講話係無油無味   咁見到佢肯戒口都好嘅   因為糖尿病最緊要戒口嘛   同埋做運動   好在佢都有做運動   瘦咗好多呀   但臉色黃哂咁呢   無油水嘅臉色真係差好遠   我同媽咪講   其實可以食下其他嘢嘅   不過就唔好一下子狂食同埋日日食咪得囉   去飲茶都可以食蝦餃燒賣牛肉   每樣食一粒都可以   人嘅身體唔可以無油同鹽份家嘛 ~

差唔多 8 點左右就走喇   今晚自己一個走好唔慣添   掛住家姐之餘又諗起朱仔   又落緊雨   個情境突然有啲悲傷添   哈哈 ~    

番到屋企無耐   聽到門口有人開門聲   望下防盜眼   原來係里奧大人   佢 7 點半話喺上水家嘛   估唔到 8 點幾就番到屋企呢 ~

我又煲中藥再開機洗衫   里奧大人居然話沖涼先   佢好少會一番到屋企就沖涼   仲以為佢超多嘢做   好感恩原來佢唔駛做公司嘢   仲好 Relax 咁上網睇劇添   如果晚晚係咁就好 ~

今晚早瞓喇   10 點 40 分就瞓 lu ~

( 13-NOV-2013  WED )

雖然一覺瞓天光   但起身都係頭暈暈   勁似每月一到咁 ~

好在都餓   因為食多定多啲嘢打底   咁之後無胃口食嘢都唔驚啦   哈哈 ~

菇場忙呀   眨眼又到 Lunch Time   唔想叮麵   所以落樓下買雞翼丁丁番菇場食呢 ~

呵呵   終於每月一到啦   個肚都有啲痛   但就唔係劇痛   好感恩呢   不過有啲暈   同埋有啲作嘔   放工即走去睇醫生   拎埋聽日假紙 ~

睇開個醫生下午唔開診   咁唯有去執死雞度睇啦   我掛咗號   5 點 45 分到啦   不過差唔多 6 點半先有得睇   佢好奇怪   個病人出咗嚟之後   又唔叫人入去   但我聽到有人講緊電話   應該係醫生講電話啦 ~

醫生問我痛嘅程度有幾多   話 0-10   之後話同上次比呢   咁我咪話你想我講依家痛嘅程度   定係同上一次比較嘅程度先    唔同㗎噃   佢講嘢又鬼食泥   聽到我好辛苦   佢叫我食藥   我聽到佢話叫我食嘢   我話要食咩嘢 ~

又等拎藥啦   見到得 2 個人睇    但啲人 Walk-in 嚟睇   話要 9 點先有得睇   奇怪 ~

我無胃口呀   拿拿聲沖個熱水涼再食藥   里奧大人差唔多 8 點番到屋企   佢食車仔麵   我都食咗幾啖   因為佢有辣汁   唔想食啲咁刺激嘢 ~

個肚唔係劇痛   所以都睇下電視   差唔多 10 點就瞓呢 ~   

( 14-NOV-2013  THU )

個肚都係痛痛哋   所以都係請假休息 ~

今次都有嘔   不過肚嘅次數同嘔嘅次數   少過上次好多   感恩感恩 ~

樓上裝修   都瞓得麻麻哋   咁瞓到 11 點就熄冷氣   其實都係瞓下醒下   差唔多 3 點都係開番冷氣瞓   感覺靜啲 ~

瞓到 5 點半就醒啦   但其實唔想醒   拎埋張冷氣被去梳化度   合埋隻眼   感覺到自己想瞓   仲係比我熟睡果隻    瞓咗差唔多 40 分鐘就醒喇   嗰下就真係好精神喇 ~

里奧大人番到嚟都 9 點   佢買熱狗餐   咁我又食啲薯條   熱辣辣又粉糯   超級正呀 ~

今晚 11 點瞓喇   但其實未眼瞓   不過聽日要番工   點都要瞓呢 ~