煎三文魚柳 + 竹笛 + 粟米蛋花湯 ( 4-NOV-2013 )

( 4-NOV-2013  MON )

今朝勁喇   因為要滾熱啲中藥同肉汁   滾完中藥個煲就咁沖一沖都可以   但肉汁個煲就要用洗潔精洗家嘛   又用咗啲時間   所以唔好比自己懶床 ~

早餐食芝腿治喇又   因為想睇報紙   如果食麵就唔可以咁他條咁睇   同埋我最怕彈到啲湯喺報紙度   因為我唔係 Dup 低頭睇家嘛   我喺揸住份報紙嚟睇   所以左手拎報紙右右揸筷子   好似好攰咁   哈哈 ~

番到菇場執埋啲手尾又 Hea 過喇   到 Lunch Time 又未餓   所以出去行陣   再買盒炒麵番菇場食 ~

巨麵   因為真係好巨   個個望到都話超大盒   但我又食得哂喎   因為有好多芽菜   好好食     

諗住都係 Hea 過㗎喇   點知勁多嘢做   放工都做唔哂   不過我唔會 OT 㗎   因為無需要   除咗大粒同老闆   個個都走嘅   我無理由留喺度做嘢囉   同埋如果真係勁急   我一定會喺放工前搞掂呢 ~

放工落毛毛雨   又無帶遮喎   所以覺得陰陰寒   本來諗住去街市買菜   後尾都唔去喇   一陣越落越大仲麻煩   所以去超市買   不過實在唔抵   最後都無買囉 ~       

番到屋企浸完中藥就抖陣   之後就打仗 lu ~

7 點開餐   估唔到里奧大人打嚟話放工   實在太好喇   不過我煮咗米粉   所以食先   唔會等佢囉   等佢番嚟再淥出前一丁比佢   佢最鍾意啦 ~

加咗之前食剩嘅榨菜肉末   鹹到呢   最慘係無哂超力米嘅味道   下次都係唔加任何嘢   就咁齋食米粉算喇

是日懶餐 - 煎三文魚柳 + 竹笛 + 粟米蛋花湯 

煎三文魚柳 - 終於記得落生粉先煎   但太大火   煎燶咗塊皮添 ~  

竹笛 - 我好鍾意食煎嘅竹笛   其實我不嬲叫開係 "獅子狗卷" 嘛   蘸泰式酸甜醬或者茄汁都好好味   我覺得做 Party 小食相當唔錯   煎幾煎就熟 ~

粟米蛋花湯 - 最後一罐喇   無諗過飲得咁快 ~

呢餐煮得勁 Hea 咁   不過星期一多數係煮啲超級勁簡單嘅餸 ~

今晚搞掂哂所有嘢   再沖埋涼   里奧大人又做完公司嘢   我仲以為 10 點半   原來係 9 點半咋   勁鬼開心   因為平時里奧大人好少咁早番嚟嘛 ~

佢 10 點話瞓   估唔到真係瞓   咁我又攰攰哋   我都瞓喇   然後佢話我連瞓都要二仔底死跟    哈哈   痴線 ~