濛濛濛 ♡ 黃山 5 天豪華團 DAY 1 (PART 2/2) ( 17-NOV-2015 )

( 17-NOV-2015  TUE ) - PART 2/2

塞車呀   7 點半先到酒店   飛哥建議 Last Day 嘅自費午餐改為團餐   今晚就改為自費   因為呢度起碼有幾間食店呢   Last Day 嗰日嘅午餐時間   其實係無地方食嘢喎 ~

入酒店喇

佢哋兩條友一到酒店就即搵 Wifi   我話駛唔駛直擊報導呀 ?!   我唔開機㗎   我實在好驚自己唔小心開咗數據用量囉   所以叫里奧大人幫我同家姐報平安呢   同埋唔想做埋平時喺香港做嘅嘢   唔上網先 Feel 到自己去緊旅行㗎   哈哈

7 點 45 分上房喇   估唔到間酒店幾乾淨喎   呵呵 ~

等埋行李上房都 8 點 15 分喇   要出去食嘢喇 ~

透明玻璃浴室都唔錯   咁樣會光猛啲呢

部電視太細喇

里奧大人   你好悶咩 ?!   搵佢哋出嚟影相   哈哈

仍然落大雨   不過唔緊要   因為我哋都係喺酒店附近食嘢 ~

我覺得大陸有好多食餃子嘅地方   我好鍾意食餃子㗎   里奧大人只係鍾意食煎餃子   反而我覺得油膩   估唔到 CC 都鍾意食餃子   咁見有間餃子店都多人食   其中幾個仲係團友   哈哈   所以我哋都入去食 lu   之後有 2 Pair 團友見到我哋   又入埋嚟   店員問我哋係咪康泰   我估好多康泰團友都應該成日入去食㗎喇   哈哈 ~

食物價錢   平到難以相信

一坐低就比幾杯嘢我哋飲   我初初以為係橙汁   原來係南瓜汁嚟㗎   暖暖哋幾好飲呢

我嘅紅燒大排面 (RMB15)   估唔到咁大碗

里奧大人同兔兔食嘅紅燒牛肉面 (RMB15)

CC 食嘅三鮮面 (RMB15)   佢啲麵條係粗啲㗎

韭菜鮮肉水餃 (RMB10/15個) / 芹菜鮮肉水餃 (RMB10/15個)   一般啦

RMB3/罐   勁抵

唔記係咪炒菜加豆干   呢碟好平   只係 RMB5

兔兔話啲辣椒都幾辣   不過我唔敢食呢   去旅行都係唔好食咁刺激好啲   哈哈

笑哈哈同洽緊眼瞓嘅櫈

其實個樣有啲奸奸咃   哈哈

走人喇

我哋住嘅兩岸國際大酒店

食完就去超市買 "尖叫"   CC 仲買埋生果添   佢話習慣每晚要食生果   不過我好飽   真係食唔落呢 ~

入去睇下先

我覺得啲餅已經係腍哂咁

買咗 1 支尖叫咋   因為諗諗下   如果每日都拎兩支去行山   會好重囉   所以唔買咁多喇

樽裝飲品啲包裝都幾搞笑

里奧大人鍾意嘅奧利奧

好多醃制嘢   仲要全部都好辣咁呢

CC 企喺度望咗好耐   我問佢係咪想買 ?!   佢即同我講話兩樽唔同色   但係同一款飲品嚟   之後我睇下有咩唔同 ?!   望到 Expiry Date 係相差 3 個月   但居然會唔同色   又會咁嘅

勁掛住佢呀   嗰時 MSN 成日用呢個公仔㗎   之後我同里奧大人講   我已經唔記得佢叫咩名   里奧大人居然話係砲兵嘛   勁呀佢   居然記得個名   哈哈

左邊呢個 Icon   我都成日用佢㗎   同埋怕羞個 Icon 都成日用   因為好鬼得意呢

9 點半番到酒店   第一時間要執嘢喇   聽晚同後晚要上山   所以要拎哂呢兩日嘅衫褲   放喺手提袋   執咗成個鐘   無諗過放唔哂入袋囉   所以我要自己揹件厚衫同披肩   加埋零食   好重囉真係   嗚嗚 ~

搞掂哂就即沖涼   11 點幾先瞓   同平時一樣   呵呵 ~

呢日行程完畢 ^^