濛濛濛 ♡ 黃山 5 天豪華團 DAY 2 (PART 2/3) ( 18-NOV-2015 )

( 18-NOV-2015  WED ) - PART 2/3

12 點半去到餐廳   我哋一枱 10 人   包括我哋 4 個啦   白頭佬兩公婆   "習咁平" 表弟兩公婆   兩個唔識嘅男性團友   咁我都話唔好意思   我要影相做紀錄   不過白頭佬兩公婆真係勁心急   啲餸一放低就即夾   比我感覺係驚死蝕底咁   因為碟碟都係即放低即夾   仲要係明明食緊都會即夾咁喎   仲要夾幾次添   咁 CC 一見到有新菜放低   就會叫我影   不過我話今次有啲難度   因為有人搶食囉   咁我又無理由係都要影先嘛   始終跟團就要顧及人呢   如果佢哋覺得我影相阻住佢哋食嘢   我都唔會影㗎   之後白頭佬話唔緊要   最緊要大家開心   不過佢都係一見餸就夾   完全係口不對心啦   哈哈 ~

海帶湯   睇見都涼   哈哈

唔知咩來   見到咁油   所以唔敢食呀

滷水鴨 ?!   都幾好味

呢個幾好味   但完全唔記得係咩來   慘   咁快已經無記性了

唔記得冬瓜定青瓜

蒸魚   佢哋話好味   不過我唔食呢

唔知炒咩

無食呀

炒白菜

我喺大陸   好鍾意食佢哋啲青椒   甜甜辣辣咁好好味

呢餐餸都好多雲耳   哈哈

飯店出面係咁   又幾靚喎   咁影影下相   聽到啪一聲好大聲   原來有團友跣到呀   真係嚇鬼死   始終落雨之後   木地板係超級跣   所以無咩必要都唔會行地板   之後 CC 講番   話有個團友唔知喺邊度跣度   個 Iphone 螢幕爆咗   諗住整啦   不過要 RMB1,500   所以佢唔整呢

行番出去喇   準備上黃山 lu   開始勁驚   哈哈哈哈

又會咁啱係紅男黑女嘅   肥版瘦版   哈哈

1 點 10 分到鮑家花園   睇下以前有錢人嘅花園   種啲咩嘢花咁   棵棵都有專人打理   果然係有錢人家呀下   哈哈 ~

好多紅色葉

相思樹

                          

行入去睇喇

專人打理唔同嘅植物   有啲價值連成添

                     

本身係光脫脫 ?!

其實我覺得棵棵差唔多咁   哈哈

       

簡介

又周圍行   因為呢個花園都好大   以前有錢人家嘅花園   真係超級大呢

吹歪咗嘅植物   呢棵就得意喇   哈哈

呢棵又係好得意   暈低咗咁   哈哈

                   
呢棵榕樹要一千萬㗎

原來咁值錢嘅係個盆囉   好似值八百萬   但呢個係假嘢   因為咁大棵榕樹   實會壓爛個盆呢

又影下呢啲花花草草

又影下人   因為無咩好影   哈哈

左邊

右邊

呢啲都整得好靚

真係好鍾意個鋅盤

好多竹

呢日未完㗎 ^^