濛濛濛 ♡ 黃山 5 天豪華團 DAY 4 (PART 1/4) ( 20-NOV-2015 )

( 20-NOV-2015  FRI )

今朝 5 點起身   諗住睇日出嘛   咁里奧大人出去視察環境先   不過最後都係睇唔到   因為落緊雨呢 ~

白頭佬住我哋隔離房   啲門唔隔聲家嘛   嘈鬼到呢   真係係人都知你去睇日出喇 ~

6 點 45 分 Morning Call   我哋刷埋牙又沖埋涼   7 點唔夠都可以去食早餐 lu   所以早啲起身係最好   多啲時間用   唔駛咁趕頭趕命呢 ~

今朝勁呀   人生第一次食早餐係團餐   所以 7 點一定要到   7 點 45 分一定要離枱   因為 8 點又會有另一團呢   但我都無咩胃口   食咗啲粥同一個饅頭就番房喇 ~

白頭婆今朝遲咗   CC 話我知   佢一坐低就好緊張同白頭佬講   點解唔 "北" 定碗粥比佢   白頭佬話驚凍咗唔好食   CC 話比佢感覺係驚死無得食咁   但其實粥同飯都可以 Re-fill 囉   駛唔駛咁急呀   同埋我無同 CC 講過佢哋搶食㗎   估唔到 CC 都有同感 ~

炸菜   送粥一流   我發覺自己都好似啲阿婆咁   鍾意白粥加配料   哈哈

蛋糕仔   每人一個啱啱好

榨菜絲毛豆 ?!

豆腐干

青瓜片

花生正呀   不過我無食   因為唔慣一起身就食呢啲呀   哈哈

我哋 10 個人   呢度得 9 杯豆漿   白頭佬就拎定 2 杯㗎喇   之後 CC 話同兔兔 Share   但我話我都唔飲豆漿嘅   佢哋每人 1 杯得啦

咁大兜白粥   妳駛驚無得食咩

食咗 1 件蒸饅頭   剩番呢件蛋糕仔係我嘅   我叫 CC 食埋去

蒸花卷都無食   真係食唔落

蛋就食啦   補充體力嘛

又係唔夠分   所以我同里奧大人都唔食 lu

黃山第一間有電梯嘅酒店

8 點出發   眼前終於唔係白濛濛一片喇   因為落咗場雨嘛 ~

咁喺 Lobby 交房卡期間係好大雨   所以即刻着哂雨褸同鞋套   今次唔着鞋套唔得喇   我唔想醃住對腳成日呀   哈哈 ~

感恩出發嘅時候係只係落毛毛雨   咁就無咁驚喇   其實成日就住就住嚟行   對腳真係好攰囉 ~

團友林雪成日話呢兩日落場雨就好啦   睇景會清好多   但其實落雨係好危險啦   雖然度度都白濛濛一片   但感覺幾特別吖   CC 直頭話白濛濛仲 OK 添呀   因為太清呢   佢睇到啲懸崖   反而會腳軟添呀   哈哈 ~

好清呀

拎住把遮影相真係好鬼娘   哈哈   又見到好多鎖仔

尋日睇唔到嘅 "夢筆生花"

又開始大霧了   天氣真係變幻莫測

我仲諗住落山唔駛上樓梯添   我仲着咗雨褸   覺得好鬼熱呀

仍然係頭 Dup Dup

離遠見到雲海

行呀行

見到啲人行緊嗎 ?!

依山而建嘅樓梯   原來都幾穩陣   因為我哋沿途都係咁行都無嘢喎   哈哈

坐纜車落山喇

雲海

習表弟叫我哋咁企㗎   話咁嘅角度影出嚟好靚喎

有山襯托嘅雲海   真係好有仙境 Feel

行呀行   8 點 40 分到纜車站   終於落山喇 ~

我哋喺車廂入面行嚟行去   兔兔勁驚呀   叫我哋唔好行嚟行去   睇番啲相   得佢一個無郁咋   哈哈   反而我又唔驚喎 ~

坐纜車落山喇

啲石一粒粒好得意   有啲堆埋一齊   就好似個人像咁

唔大霧就望得咁清楚   妳咪話唔驚   哈哈

其實無咩嘢好睇

我覺得啲植物好得意

雖然係光脫脫嘅山   但真係好宏偉嘅

個天仍然係黑黑暗暗呢

今日好多人上黃山呀

要用鐵馬控制人流

真係好在唔係呢日上黃山   唔係我一定每晚都瞓唔着

9 點落到山腳   CC 話之前見到有人着住對粉紅色有拉練嘅鞋套   所以想買   估唔到又買到喎   咁我哋都買埋啦   哈哈  RMB20/對都 OK   因為唔知邊度仲有得買   見到有就好買喇 ~

再見喇黃山   多謝你帶比我好好嘅體驗呀   哈哈

我哋仲係着住雨褸   因為懶得除呀

呢架郵局車都好乾淨喎

我哋 4 個人喺呢啲檔仔買咗對鞋套   好似 RMB20/對

飛哥話上山睇風景   黃山隔離係九華山 (四大佛教名山之一)   又有個唔知 x 雲山 (四大道教名山之一)   咁落山喇喎   就當然睇文化啦 ~

呢日未完㗎 ^^