濛濛濛 ♡ 黃山 5 天豪華團 DAY 4 (PART 4/4) ( 20-NOV-2015 )

( 20-NOV-2015  FRI ) - PART 4/4

雖然只係坐一個鐘頭車就到老街   但我都可以瞓咗陣   因為真係好攰呢 ~

4 點 45 分咋   幾咁快天黑黑

唔補光又影唔到   所以有時自己都亂哂   究竟係本身咁光定補光   哈哈

好急咁行呀行

呢架黃色車好得意

有蓬電單車   咁設計幾好喎

到老街喇

佢哋喺度飲茶   我哋 4 個唔飲啦   周圍行好過

行入去喇

成條老街話長唔長   話短唔短咁囉   但其實好多舖頭都買差唔多嘢   所以唔駛行到最盡   哈哈

好多民間小食

家姐話左下角藍色公仔好得意   即係樣衰   無諗過佢會鍾意

佢煎緊豆腐

一見到自拍神棍就即刻拎嚟睇   我同佢真係路不同   哈哈

呢座 Building 都好有特色

好古色古香

再行行行

里奧大人話叫隻狗過嚟   可以影到佢正面   我叫佢毛毛   但越叫越走   之後里奧大人問我點解叫佢做毛毛   我話買毛筆咪毛毛囉   是鬼但啦

好難得無人無車

影完喇   哈哈

另一邊就無車無人

番出去 lu

仍然落雨

喺呢間百年醬菜買咗樽蒜蓉辣椒同辣豆豉

飛哥話好奇燒餅比較脆   另一間救駕燒餅就比較濃味   咁我哋試咗   都係覺得好奇好味啲

無諗過里奧大人會買燒餅   因為我講明唔食

企喺商店門前等   好怪呀   哈哈

有隻乳牛喺面前經過   原來佢哋會襯色嘅

呢架車好 Lady   粉紅襯粉紅   如果係我   就會用迷彩

架架電單車都個蓬

跟住大隊急步行   最衰白頭佬佢哋買嘢買到遲哂啦   我都會買嘢   但唔會好似佢哋咁慢慢揀   要成村人等佢哋囉

6 點 15 分到餐廳   呢間好掂呀   乾乾淨淨 ~

我同里奧大人講話啲飯好食呀   唔係腍 Pat Pat   佢話佢之前都係話好食   不過可能我唔太舒服   所以咩都唔覺好食囉   哈哈 ~

呢幾日因為個胃好脹   我都多數食啲前菜為主嘅   咁今晚碟花生放喺中間   所以我就等哂人拎哂嘢先食   同埋碟花生無人食   我叫里奧大人倒啲比我   之後龍友話花生好食   個白頭婆即刻起身拎碟花生   倒咗好多落自己隻碗度   真係好心啦   頭先又唔食   啲人一話好食就倒哂比自己   所以我成日話團友係好緊要   個個係咁搶食都幾慘   同埋我真係覺得   雖然係團餐   但一定夠食囉   明知食團餐   妳都唔會夾哂自己鍾意食嘅餸呀嘛 ?!

眾人咩呢?!   完全唔知寫咩   哈哈

地方好乾淨

侍應啲制服好得意   但咁樣影到佢有啲似疆屍   哈哈

@ 徽洲廳

有張吸鴉片嘅床

一嚟到就已經見到咁多餸

啲啤酒唔駛雪凍都凍呀   咁咪越飲越凍 ?!

我問團友呢啲係咩嘢菜   佢話係萵筍   我同 CC 聽到之後都話唔食筍   之後佢話係油麥菜嘅唔知咩   街市有得買㗎   一大碌嘅   咁我有印象見過   不過我唔知咩來   所以唔會買   但食過幾次之後   我覺得好好食呀

咁油   一定唔食囉

雲耳   佢哋話辣辣哋

呢個好食呀   肥就肥啦   哈哈

呢碟炸魚仔又好食   又脆又辣   我發覺我哋呢團人唔多食香口嘢   所以次次食到最後   佢哋唔食   我可以包底   嘩哈哈哈哈

蕃茄炒蛋   真係食咗好多餐   哈哈

辣辣哋嘅椰菜   正呀   因為椰菜花實在無味唔好食呢   哈哈

唔記得咩來

好似脆脆哋   但唔記得係咩來 lu

拍青瓜好味道

呢碟花生好食呀   所以白髮婆又唔執輸囉

佢哋話好油

呢碟係筍喇啩 ?!   所以我唔食

碟花生放喺中間   所以我多數等人夾哂   我先拎嚟食囉   同埋呢幾日我發覺佢哋好多都唔食呢啲小食   咁又係   食餸好過啦   哈哈

炒菜   好多時都切到細細塊   其實我覺得咁樣幾好

佢哋話似熱香餅   不過我好飽   所以無食

個公仔幾搞笑

都可以掛好多嘢喎

地方真係算乾淨   無話立立黐黐咁

呢間食店嘅裝潢都幾花心思

食到 7 點就走喇   又坐 10 分鐘車番酒店   我覺得真係無 10 分鐘添呀   好似未坐穩就已經落車咁   哈哈 ~

全景

幅畫係貼紙嚟㗎   我仲以為係雕上去添

想 Snapshot 都無機會   因為成日都話急急急   要快快快   人哋買嘢又唔見咁講

到酒店喇

去到酒店   等埋 Bell Boy 放行李就要即落大堂集合喇   開 Show 時間係 8 點   但我哋 7 點 40 分先開車走呀   好在趕得切咋 ~

坐喺度等派房卡

間房都唔錯

酒店出面   我發覺大陸好多舖頭都叫老媽乜咁   其實好亂   哈哈

8 點睇到 9 點左右   一做完啲人就即刻湧住走  但原來所有演員都會出嚟謝幕   但好多人都已經行緊去出口啦   我見到都替啲演員心蹹   所以我都有向佢哋揮手拍掌㗎   比啲鼓勵都好吖 ~

Load 呢張相   以為左邊個人食煙呀   哈哈

8 點正式開始   有個人喺綠光入面飄緊出嚟

就係佢飄咗出嚟喇

之後陸續有人飄嚟飄去   哈哈

係咪呀    飄完一個又一個   我覺得好似唱緊阿發白咖啡   飲完一杯又一杯   哈哈

我覺得幾好睇

我哋坐喺字幕板隔離   所以睇到好清楚   唔係唔知講咩   捲哂脷呀   真係好難聽到   哈哈

字幕板下面都有嘢睇

9 點 05 分謝幕

飛越黃山 - 5D 影院好似好正咁

9 點半番到酒店   我唔去按摩喇   因為一按就要 2 個鐘   番到去咪成 11 點半   執埋嘢起碼要 1 點先瞓   唔想咁夜囉 ~

我哋間房係對住呢度   咁無冷氣嘛   實要開窗   希望唔好比車聲嘈醒啦   哈哈

唔知點解間酒店好刺鼻   但 CC 又無嘢喎   所以我懷疑係個香薰   因為 CC 要叉電   所以拆咗個香薰出嚟   佢話 Feel 唔到刺鼻感覺喎   佢真好彩呢   哈哈 ~

執嘢都用咗 1 個鐘   之後拿拿聲沖涼喇   酒店燈光實在太柔和   真係好容易令人眼瞓呢 ~

今晚又係開窗瞓覺   其實都凍凍哋   不過無理由唔開窗喇   唔係焗暈都似 ~

11 點幾就瞓喇   呢幾日好似點瞓都唔夠咁嘅 ~

呢日行程完畢 ^^