今朝 6 點 45 分 Morning Call 我哋又係早 15 分鐘起身 搞掂哂就落去影下相 天氣都係唔好 地下又濕 不過感恩無落雨呀 ~
影完就入餐廳啦 因為好鬼凍呀 哈哈 不過餐廳啲人仲未搞掂囉 真係要搭正 7 點先有得食呢 ~
@ 6:55am 好大霧呀
@ 玉屏樓
尋晚食晚飯嘅餐廳
我哋係第一個嚟到
團友都陸續入嚟喇
有 3 款唔同嘅粥
炒菜 / 青瓜
鹹鴨蛋
唔知炒咩
糉
粟米
我都鍾意食蒸饅頭㗎 味道甜甜哋咁 不過今朝唔想食
茶葉蛋 ?!
蒸南瓜
蒸花卷
我哋喺呢度食早餐
我只係食咗蛋 + 粟米 之後都唔想再食其他嘢 隔離果碟係里奧大人
我同里奧大人講話要食啲飽肚嘢先得家嘛 咁上山先有氣力 所以我帶咁多零食都係為佢咋
CC 嘅早餐 佢可以食好多嘢 但一定要比時間佢慢慢食囉
食完就番上房抖下 8 點 15 分準備出發喇 ~
今日係正式行黃山 所以着埋護膝 希望有幫助啦 因為膝頭哥痛好慘㗎 ~
間酒店好似彎彎曲曲咁
設計好簡單 都明白嘅 樣樣都係人手堆砌 唔好要咁多花款咯
個個都着哂雨褸同鞋套 我哋都唔例外啦 因為行山拎住把遮仲危險 咁我哋又要影相 我覺得係麻煩多啲 對手都唔知拎得邊樣好 哈哈 ~
大霧又落雨 感恩一出發就無落雨呢
8:15am 出發
啲路又唔係話好危險喎 起碼有扶手 我一定要捉住囉 唔係好驚呢 ~
凍到要帶冷帽
濛查查都好 咁樣就唔知道自己身處有多高 哈哈
團友們都係着紅色褸 真係 Load 相先留意 哈哈
絕壁深崖 注意安全
又行落去喇
不停上上落落 但其實上樓梯係最多
呢條樓梯就超級安全喇 哈哈
如果自由行 我見到咁多指示牌實會頭暈
8 點半咋 已經好多人上上落落 咁樣睇番自己個背囊 真係好脹卜卜 所以次次一放低背囊 覺得係一種解脫 哈哈
真係濛到不能再濛 哈哈
雨褸鞋套不可小 佢哋有啲會着埋條防水褲 不過我唔着啦 因為我驚好熱
地質災害 3 級 ?! 我唔知點區別 但總知行山食煙就好危害環境啦 黃山設有吸煙區 咁如果一路行一路食煙 好似要罰錢 我覺得全個山都唔比食煙就最好囉
行呀行
大石托住小石
個女人行緊果條栱型樓梯仔係空心 而下面就係懸崖 我唔明點解唔封咗去囉 咁危險
里奧大人間唔中都叫我企定定影相 只有咁 我先識笑 哈哈 因為我真係無咩氣力 同埋個人好攰 胃又脹脹咁
係都要我掂隻老鼠耳仔 係都要我行出啲行出啲 大佬 驚家嘛
如我所料 我真係包尾呢 同埋想快都唔得 唔知點解個胃好唔舒服 成日想嘔想嘔咁 但應該唔係高山症啦 海拔 1900 唔係好高之嘛 咁應該係驚得滯 哈哈 ~
9 點喇 大家要抖一抖
里奧大人做咩影佢呢 ?! 因為佢寧願包實背囊都唔包住自己 ?!
行百步雲梯喇 我哋係行落去 好在咋 唔係就真係 "百步暈低" 咯
好大嚿石頭
周圍都無嘢扶手 所以我地都唔敢企喺度影相 因為知道自己身處懸崖 一跌落去就無㗎喇
好似一隻手指公咁
如果行唔到 可以搵挑夫挑妳上去 價錢係 RMB1000-1500 不過聽人講話係超級 "鄧"
里奧大人要我帶帽 話因為太多霧水 唔帶嘅話 頂帽就會兜住哂啲霧水呢
又影下相咁啦
沒有留言:
發佈留言