終於 2 點就到酒店喇 放低行李又出發去睇乜乜峰 其實我成日行到最後 所以聽唔到飛哥介紹 可惜可惜 里奧大人又要照住我 唔係佢可以行快啲 可以聽到講啲咩呢 ~
本來我話唔去㗎 之後問下飛哥 如果去嘅話 咁要行幾耐 ?! 佢話距離酒店 15 分鐘就到 咁我就行埋啦 喺酒店又無嘢好做 電視節目又唔好睇喎 ~
@ 北海賓館
好舊式嘅燈制 咁又係嘅 呢間酒店係黃山第一間起嘅酒店嚟㗎 可想而知幾有歷史呢 其實有個燈制都已經爛咗 lu
酒店都有暗斜
2 點 40 分
普通套房要 RMB3,800 ?! 去一轉泰國都得喎
白髮仙人
去始信峰喇
濛查查嘅 "夢筆生花"
簡介 不過我都無認真睇哂 只係睇咗身處海拔 1640 米
睇呢張相嘅時候 我極之眼瞓 咁我打橫讀嘛 信而風境 仲奇怪點解點解啲標點咁怪 之後讀到第 3 行 咩海海黃 先知應該係由右至左咁讀呢 哈哈
其實唔係上就係落 可以唔影 不過我係想知道時間 唔係真係幾多點起程 幾多點回程都唔知呢
見到松鼠呀
唔睇尾巴 根本就係一隻老鼠 哈哈
好似係咩 "相思橋" 話一定要兩個人行先得架 咁先可以白頭到老喎 之前見過嘅拱型樓梯仔就好似咁樣 不過底下係懸崖 呢度就唔係囉
抓得好實
行到 5 點 25 分又要上唔知邊度 講真 我驚呀 因為太多人喇 但原來可以唔行上去㗎 因為上去兜一個圈就可以落番嚟 咁我叫里奧大人上去睇啦 最緊要跟住 CC 就得㗎喇 ~
最搞笑兔兔問我食唔食零食 里奧大人又叫我同 O 仔傾下偈 大佬 又唔係企喺度幾個鐘 我可以喺附近影下相家嘛 哈哈 唔駛咁擔心我啦 ~
其實除咗我同 O 仔同飛哥唔行上去之外 其他團友都上哂去呢
無人 因為個個都上哂去 哈哈哈哈哈哈
影下行下 無啦啦有幾個旅行團殺到 嘈鬼到呢 所以我都去另一邊避一避 ~
好多人好熱鬧
次次見到呢個牌 都覺得有啲驚 哈哈
之後行番去等里奧大人啦 佢落樓梯見到我 個樣好愕然咁 佢話無諗過咁快行完喎 同埋佢都唔想行咁耐 想快啲落嚟陪我喎 不過其實佢唔算快啦 之前龍友同我講咗話上面無咩嘢睇 同埋啲路都好跣 都幾危險 但里奧大人話唔危險喎 不過就肯定係無嘢睇囉 哈哈 ~
上到去原來又係得呢啲睇 好在我無上去 呵呵
里奧大人影比我睇 睇佢睇到啲咩 哈哈
好多都打橫生長
咁窄咁嘅
我企喺度默默等里奧大人呢
原來呢度先係始信峰 我仲以為自己頭先行完添
打哂交嘅樹枝
就係呢句說話 所以個個上去影相 ?!
依家好多地方都有呢啲鎖
好掛住你呀
成件褸濕哂
直頭要全個黃山都要嚴禁吸煙啦
個地下又紅又綠幾靚喎 可能成日都白濛濛一片 所以見到啲顏色嘢就覺得好靚呢 哈哈
又要再行喇
直路一條 勁好行呀
衰里奧大人成日話我行山路 係貼到好埋 好似佢咁行喎
行咗去唔知邊度
木紋好靚
行上去影相 到此一遊嘛 但其實都唔知自己遊咗去邊 哈哈
好爽脆咁 哈哈
原來係會有馬騮出沒 唔怪得咁多馬騮牌仔啦 我仲以為係裝飾嚟添
有提示都唔錯 如果肯聽嘅話
我唔再行喇 所以番酒店先 CC 兩公婆就繼續行囉 ~
頭先無認到路 仲以為行錯 所以即打比飛哥 原來條路係啱嘅 最搞笑里奧大人問一個男人點去酒店 因為我無上去樓梯嘛 所以聽唔到佢地講咩 之後我同番個男人講 "些些" 點知原來佢係團友 老實講 今次我都無乜點認人 太多人喇 又唔係同枱 所以見到面真係唔知係邊個呢 ~
跟住指示牌行 都唔肯定啱唔啱
4 點 45 分番到酒店 抖到 6 點就去食飯喇 ~
成日咁濕凍 好在住兩晚咋 我唔想做隻吸濕大笨象呀 哈哈
唔係好長嘅走廊
明明住 5 樓 點解要加個 6 字呢 ?! 我發覺好多大陸酒店都鍾意加個數目字咁呢
喺房入面望出去 望到一個完完全全嘅里奧大人 所以一定唔可以開窗簾 哈哈
原來頭先個白髮先人係喺度畫畫嘅
之後同我講話 "不可以拍照" 唔係呀嘛 好多人都影緊你㗎喎
溫差好大啊
呢個都好味 我鍾意食濃味嘢呢
辣辣哋又係好味 哈哈
佢哋又話好林 所以我唔食喇 其實天氣凍 食碗熱辣辣湯麵真係好正嘛 可惜啦
唔夠分 咁我同里奧大人 Share 啦 反正我無咩胃口 個白頭婆真係驚死蝕底 一話唔夠就即刻起身拎
唔知鴨定鵝 都 OK 好味呀
唔記得炒咩絲 佢哋又話辣辣咃 所以我叫 CC 唔好食 佢唔食辣嘢㗎 同埋炸嘢又唔多食 好在兔兔唔係咁 哈哈
呢個都好味
雖然油 但點都要食啲菜囉
魚呀
食完就番房休息喇 兔兔又拎咗半枝啤酒同花生比我哋 佢真係晚晚飲酒食花生 勁呀 ~
飛哥之後打嚟話依家出面好清 叫我地出去睇下喎 同埋話可能聽朝睇到日出 約定 5 點半出發 但到時落雨嘅話 就唔去㗎喇 ~
沖埋涼就睇下電視 佢哋有幾十個台 但十幾個台都做同一個節目 我仲以為自己按錯制添呀 ~
訓喺度睇電視係最辛苦 因為距離太遠
里奧大人出咗去睇下 不過話無嘢睇 哈哈哈哈 滕嚟滕去得個吉
酒店無冷氣 但都覺得好凍 所以我 10 點幾都瞓喇 喺床暖笠笠好舒服 唔想郁呢 ~
呢日行程完畢 ^^
沒有留言:
發佈留言