濛濛濛 ♡ 黃山 5 天豪華團 DAY 2 (PART 3/3) ( 18-NOV-2015 )

( 18-NOV-2015  WED ) - PART 3/3

1 點 40 分開車   2 點半左右就到黃山腳喇   勁興奮   但可惜仍然落雨啦 ~

飛哥叫我哋最好買鞋套同雨褸   咁我哋都買咗對鞋套   以防萬一嘛   反正都係十蚊人仔一對   都唔係貴 ~

行呀行

好在呢日無咩人上黃山咋

2 點 40 分開車上山喇

好大霧呀   同埋有啲雨   不過都懶得開遮

真係無人上黃山 ?!

不過呢班人都係等上黃山   好在人數唔多

3 點 12 分坐纜車   大陸叫索道或者吊索   我第一次聽吊索嘅時候   我以為係就咁坐喺張櫈度吊上去   無遮無擋咁㗎   但其實我都坐過   不過路程就好短   同埋同里奧大人一齊坐就無咁驚囉   但如果無遮無檔咁坐上去黃山   就真係頭暈身慶腳仔軟囉 ~

坐纜車上山喇

好多人都着紅衫   因為上山着嘅衫一定要夠 Sharp   但個個都紅衫又好鬼易認錯人   所以我話下次買件螢光綠   唔會咁易撞喇啩

落緊雨呀

到唔知邊喇   仲要坐多程纜車先到黃山酒店附近

望落去係懸崖   咪話唔驚   哈哈

棵樹好得意呀   好似孔雀開屏咁

3 點 29 分就上到山啦   白濛濛一片   我開始驚喇   哈哈哈哈 ~

我哋行程係前山行去後山   咁分開 3 日行係舒服好多   我記得有個團係 4 日團   我真係無本事參加   哈哈 ~

落纜車之後仲要行 800 米先到酒店   飛哥叫我哋唔駛用挑夫住喎   因為路程唔太遠   但要上樓梯囉   辛苦里奧大人了   佢本身背囊都有 1x 磅   加埋個手提袋   應該都有至小 30 磅揹上身呢 ~

講開挑夫   因為上網睇唔到係咩價錢   咁問旅行社啦   個個都唔同答案   一個話 RMB80-160   一個又話 RMB120-200   有兩個直頭話要 RMB700-1300 呀   我同里奧大人都嚇親啦   團費都係 HK$3xxx   如果前後山各挑一次   咁咪要成 RMB2000 ?!   我哋覺得唔合理囉 ~

好感恩我哋比尾數嘅時候   幫我哋整嘢嘅 Staff 係第日就係出發去黃山   佢話挑夫價錢係 RMB80-200 左右   但就要挑夫拎上手先講價囉   所以唔敢肯定   但都係 RMB80-200 左右囉   同埋千其唔好拎喼   一定要拎手提袋或者背囊呢 ~

開始行喇   我最驚上樓梯   不過沿途都好安全   個心定好多   哈哈

影咩呢 ?!   我頭先坐纜車嘅時候同兔兔講   我哋好似坐緊昂平 360   佢話邊度似呀 ?!   黃山高好多   斜好多啦

行呀行   感覺仍然安全   哈哈

又要上樓梯 lu   我死都要扶實㗎

沿途好多迎客松

差唔多 4 點到玉屏樓賓館   即係我哋住嘅地方喇 ~

落雨真係比較麻煩   又要拎遮又要拎行山仗   真係影唔到相囉   大佬   黃山呀   唔會話想去第 2 次家嘛   因為我知會辛苦   哈哈

一大堆垃圾   應該係一把火燒哂去呢   估唔到仲會有間便利店   兔兔見到即刻話今晚落嚟買啤酒飲   咁凍仲飲啤酒

濛到呢

4 點 10 分上房   抖到 4 點 45 分就同埋 CC 佢哋出去行下 ~

@ 酒店   好難想像只靠人力來建築一座酒店

我放鬆唔到喎   哈哈

無冷氣嘅   咁夏天咪好熱 ?!   定山上無咁熱呢 ?!

床頭燈好古典   哈哈

              

綱筋都外露   其實有啲恐怖   咁因為無冷氣   我哋一定要開窗   但好多一隻隻嘢飛入嚟   勁驚

其實出到去都無嘢行   因為唔敢行咁遠啦   唔係唔知行咗去邊就慘喇   同埋白濛濛一片   咩都睇唔到咁   加上地下又滑   要就住就住行   我驚跣落懸崖呀 ~

仍然咁濛    哈哈

有啲人會行上去影相   但我覺得行上去影   同平地影係無分別   因為咩都睇唔到

我就唔敢行上去喇   天雨路滑嘛

同埋無嘢扶住   咪搞我   哈哈   但佢哋行得好輕鬆咁

清番啲咁噃

CC 話落去行下喎

勁驚   哈哈哈哈哈哈

我話扶住行好啲   之後佢哋又話我扶住仲驚啦   唔知穩唔穩陣   係都要嚇人嘅   嗚嗚

里奧大人叫我唔好行住呀   佢知我驚   後尾佢話都安全   所以叫我行落去   哈哈

佢哋最鍾意自拍

有嚿大石 Click 住喺中間

                           

我影嘅時候就點都要捉住條鐵欄   同埋只係行落 3 級咋   因為我望落去係睇唔到盡頭㗎   真係驚囉   我覺得全程講咗幾百次好驚咁   可能佢哋 3 個都好奇怪   都唔知我驚乜鬼   哈哈哈哈

                                 

今晚 5 點半食飯   飛哥話我哋所食嘅嘢   都係由挑夫擔上嚟嘅   所以有乜食乜 ~

佢話有團友話住黃山酒店   食嘅嘢只係 "維持生命"   但其實我都唔會有期望啦   山上物資短缺   唔駛自備杯麵已經好好啦   同埋我預咗多菜小肉   我 OK 㗎   因為大陸啲菜係特別甜嘛 ~

我食食下飯   我同里奧大人講話好凍   要着番件褸   隔離位嘅團友好驚訝   話佢依家仲熱到流緊汗   之後佢摸我手心   話好慶   可能作燒喎   叫我一陣快啲食粒 Panadol   唔係咁快驚到病呀嘛   哈哈 ~

黃山啤酒   不過佢哋話無咩味   我就無飲啦

             

雲耳豆干   完全係零興趣   哈哈

雪菜肉絲 ?!   其實我好多嘢都無食   所以都唔知咩味道

拍青瓜   佢地話辣辣哋

花生呀   呢樣我就食喇   我覺得好好味呀

唔知係咪傳聞中嘅臭魚   因為飛哥之後幾日先講話臭魚好出名   但唔係人人接受到囉   不過我就咁睇個樣都唔敢食   哈哈

一大兜白飯   我食咗 3 啖咋   堅無胃口   不過因為覺得好凍   所以要有啲飯氣咁囉

唔知鴨定鵝 ?! 都 OK 好味

又見到海帶湯   我唔敢飲   好耐之前食綠豆沙   食咗好多海帶  因為唔知海帶咁寒涼嘛   咁第朝起身暈陀陀呀   人生第一次頭暈就係因為食得太多海帶   所以之後唔敢食 lu

蕃茄炒蛋好味   因為濕濕哋   哈哈

好似係炸芋丸   好味喎   咁里奧大人想買番酒店食   佢地話 1 粒要 RMB5   好貴呀   所以唔買啦   不過山上物資供應有限   佢根本唔想做你生意添啦   哈哈

蒸魚

茄汁蝦 ?!   團友話無諗過會有蝦食呀   不過我無食呀   太細隻   拻殼好煩

試下係咩   口感係一 Pat 嘢   超勁難食   但佢哋話係炸嘢嚟喎

其實我覺得真係好多餸   如果嚟齊哂   張枱係唔夠位擺呢

炒青瓜 ?!

啲菜好油咁   我食咗 1 塊都唔敢食 lu

諗住食啖麵暖暖身   但佢哋話啲麵好腍   我即刻唔食啦   哈哈

西瓜   睇見都凍   哈哈

食完飯都番上房休息喇   我即刻飲 Hot Lemon   抖陣再沖勁熱水涼   其實山上資源真係好矜貴   特別係水添   但我真係好鬼凍   所以沖咗 20 分鐘熱水呀   沖完出嚟都覺凍呀   但其實我只係開窗邊一條 Gap   基本上都無咩風入到嚟   所以我真係好驚病呀   大佬   無力行山就慘啦   同埋因為唔會有回頭路   到時真係唔知點咯 ~

今次勁論盡啦   因為尋晚驚唔記得拎沐浴液同洗頭水上山   所以用完即放入密實袋   點知放錯另一個密實袋   好在 CC 有帶咋   不過佢比咗每樣 2 pack 我哋用   佢要慳住用囉   真係唔好意恩喇 ~

睇下電視   又瞓下醒下   不過最後我 9 點都瞓喇   因為好凍呀   同埋個胃好脹   想早啲休息囉 ~

呢日行程完畢 ^^