今朝里奧大人 9 點醒咗就沖涼 之後我都醒咗啦 不過就懶下床咁囉 里奧大人出嚟之後就裝下我 睇我醒未 我特登唔郁 佢真係以為我仲瞓緊 呵呵 佢裝又裝得耐喎 大佬 忍笑好辛苦家嘛 真係呢 ~
去麻酸樂食早餐 之後里奧大人就去中銀過數比飛哥 我就番屋企沖涼喇 ~
11 點出門口 搭地鐵去筲箕灣 之後再坐 9 號巴士 架巴士 Full 哂又唔開 之後等咗 2 分鐘左右就有車開 算快呀 所以我哋 12 點到土地灣呢 ~
好多人等車 個個都運動裝束 所以里奧大人話唔駛驚唔識落車 哈哈
呢座 Building 好有特色 應該都有番咁上下歷史 同埋應該係一梯一伙 我覺得圓碌碌應該係樓梯嘅氣窗 咁即係可能無電梯
呢啲天氣唔出去行山 真係嘥哂呢
好多人落車呢
阿奧第一時間睇 Map
有警告係好 但唔係個個知驚呢
去埋廁所就上山喇 其實我最驚最驚係去流動廁所 好在乾淨咋 ~~~~
里奧大人話龍脊灣係三星 同埋條路都幾易行 咁我信佢啦 但其實我一開始行啲石樓梯 我已經開始好驚啦 ~
希望你係條細龍啦 唔駛我行咁耐 哈哈
呢啲叫做好行㗎喇
留個念先
行咗 10 分鐘仲係呢啲喎 阿奧大人 我好驚喎
里奧大人自己行落去影相
影咗呢棵嘢
有好多唔同型狀嘅石頭
里奧大人話等佢行快啲 睇下有無嘢好影
之後佢叫我行入去喇 原來已經有幾個人喺度影相呢
里奧大人仲着長袖衫 好在佢入面係件短 Tee 無耐佢都要除件長袖衫 lu
喺度野餐都唔錯 因為無人行到入嚟 我可以當係自己後花園開餐咁 爽呀
全景都係咁 哈哈
行喇喂
我覺得好難行喎 爛路都算 但又要上又要落 又多碎石喎 我又論盡 驚阻住後面啲人行嘛 搞到我地緊張 隻手濕哂呀 所以係咁依依哦哦 里奧大人都幾慘 行過山啫 比人哦足半個山頭 哈哈 ~
我覺得呢級樓梯好似墓地
仲係呢啲爛路 開始發脾氣 lu
樹枝好特別
又要上樓梯喇
我覺得呢啲樓梯最好行 夠闊同夠扁 同埋有啲爛路 可以比人企喺度抖下 又唔會阻住人上落
又落喇
呢條路好似好好行 但中間位置又凸咗一嚿出嚟 所以我同里奧大人沿途都好少傾偈 要專心睇路呀
行呢啲路真係要扭嚟扭去
又有幾間獨立屋
右邊係龍脊灣方向
呢度好大風 吹到頭都暈 里奧大人話差啲連頭巾都吹走埋呀 可想而知幾咁大風呢
我唔敢企喺兩嚿石中間影相 我唔想跌落山
里奧大人就行出去邊邊影相 之後仲話我唔知驚乜
如果有人唔小心推跌我 我就成個碌落山㗎喇 有個男人都話最危險其實係呢個位置
又要撐上去喇
12 點半到 085 1 點先到 086 我實在太驚 要停下抖下 所以行得好慢 又影下相 如果唔驚唔影相 其實真係好快行到呢
呢兩個島 好似兩隻動物伏喺度咁 幾得意 哈哈
唔知係咪高球場呢 ?!
繼續行
影咩呢 ?!
好似望嚟望去都差唔多咁 哈哈哈哈
好在唔係喺度落去咋 唔係發顛都似 實在太驚喇我
對於我嚟講 行呢啲路真係算勁喇 我成日講所謂嘅行山 係行下家樂徑咁㗎咋 我覺得呢度算係一個挑戰嚟㗎 阿奧話上網話龍脊灣係 3 星 以我嚟講係 5 星㗎喇
好舒服 索多兩啖新鮮空氣先
佢哋好似喺個山洞行出嚟咁
里奧大人話我用錯行山仗方法 因為我次次上樓梯 都會將支仗撐到好遠 所以其實借唔到力 之後佢教我應該點點點 我識借力之後就行得快過佢 佢反而有啲驚 因為完全係兩個人咁喎 哈哈
阿龍大哥 幾時先可以行完你個背脊呀
真係唔好講笑 望咗幾分鐘之後 對眼都好似無咁濛咁
啲排屋越嚟越細間 即係代表我越行越高 呵呵
里奧大人話有狗呀 所以我即刻同佢講 你唔好話隻狗叻過我呀 我會堅嬲 以後唔再行山 哈哈
離遠望到仲有人不斷向上行
隻直昇機好似啲會飛嘅昆蟲
我行平路真係行得快過里奧大人
呢度好多碎石 同埋好多石頭都唔穩陣 所以真係要好小心行呢
我叫里奧大人幫我影相留念 但要影到我好似行到好高咁喎 呵呵 我覺得里奧大人真係好慘 我真係依依哦哦咗成個半鐘 一見要上啲爛樓梯就話佢 但佢就只會叫我慢慢行 唔急嘅 抖多幾分鐘先行 唔急嘅 好有耐性 但之後佢同家姐講 話我鬧足佢成日 哈哈 不過我都覺得自己好衰咁呢
踩單車 ?! 越野單車嗎 ?!
望番後面 我估應該行咗一半喇啩
仲以為有咩大海洋生物游過添 哈哈
個島似大烏龜
行下抖下 其實真係唔係好辛苦 但最搞笑係里奧大人教我點樣踩啲石頭會安全啲 之後我識喇 就行得快過佢 佢都覺好怪 因為好似完全係另一個人咁呀 所以佢話我其實能力係做到 只係心理上仲係驚呢 ~
又要上喇
我哋去大潭峽 如果去咗土地灣就大鑊 行番轉頭事小 無得去安利食片頭河事大
呢日未完㗎 ^^
wah，救命啊！d路好崎岖好难行啊！
回覆刪除對我黎講簡直係挑戰啦 打令 ~~~~
刪除给我简直要我的命啊！你好劲阿！
刪除其實唔係好難行 因為我都行到呢 ~~
刪除