係咁行呀行 到 9 點半左右又停下 我仲以為 11 點添 因為我覺得好似行咗好耐咁 哈哈 ~
我同里奧大人係着行山鞋嘅 咁行起上嚟都唔會覺得好跣 但我哋唔想成對鞋入哂雨水 所以着埋鞋套啦 但越行就越覺得着咗反而仲跣 所以我哋行到半路都除咗去啦 但因為我哋對鞋係短 Boot 型 會 "猛" 到個鞋套好緊 着嘅時候已經勁難套入去㗎喇 不過除佢都好煩 又無櫈比我坐 我單腳企住真係點除都除唔到 之後 CC 話幫我除呀 我仲要里奧大人扶住我 我先可以單腳企穩 之後里奧大人話係要好 Frd 先會咁做喎 ~
睇番啲相 我 98% 係頭 Dup Dup 咁行路 同埋無咩氣咁 好辛苦呢
沿途有好多迎客松
好似去緊有陽光嘅地方咁 但其實唔係 哈哈
似鰲魚咋嘛 我仲以為要行去洞入面添
咁樣影就似個人樣呀 有個鼻哥窿 同埋戴住頂帽咁
CC 食緊麵包
真係行完都唔知自己行咗邊到 哈哈
里奧大人話拎行山仗仲唔方便 之後問番 CC 佢都話唔慣用行山仗 但我反而無佢唔掂喎 哈哈
我覺得呢啲植物好靚
一大堆人 因為個個去完洗手間就喺呢度集合呢
我真係唔夠膽坐呢啲橋呢
挑夫真係超辛苦 所以我真係十分感激有佢哋 我哋先可以輕輕鬆鬆上路呢
我同里奧大人講話桃紅色衫個女人好勁 佢問我有咩嘢咁勁
我話勁在於佢着高跟鞋行山呀
呢棵生長得好得意呀
咁多指示牌 何想而知黃山幾咁大呢 哈哈
一堆人又行上去影 其實又係白濛濛一片之嘛 唔需要特登行上去囉 但 CC 佢哋都有上去影
呢度好似無咁濛喎
里奧大人企喺嚿石上面影 我話危險 始終地面濕滑嘛
行咗兩個半鐘喇 可能有啲餓 所以覺得好凍
又上上落落 lu 好在戴咗護膝咋 所以膝頭哥唔痛呢 希望真係唔痛啦 哈哈
一串串紅色葉都幾靚
要我企喺度扶住 我都會勁驚
紅泥紅葉
突然覺得好似聖誕樹
我好似生咗棵樹喺頭頂咁 哈哈哈哈
CC 又食包 好恐怖呀 呢兩日見佢不停食包 好似食咗好鬼耐咁 我話依家見到麵包都驚呀 哈哈
其實有時都唔知自己想影啲咩
呢張相好似油墨畫
抖夠又繼續行 lu
想點呢 ?!
如果次次行呢啲梯就好 lu
我第一次見到啡紅色樹幹咋
@ 嘯谷亭
天呀 仍然灰灰的
人影我影人
係時候去洗手間喇 哈哈 呢間唔知係咩來
最緊要包實部相機呢 所以買褸一定要買大件啲 哈哈
全靠挑夫 我哋先有咁好嘅路行呢 所以希望佢哋將來生活安好 身體健康 講真 喺黃山工作真係好辛苦 唔係曬就係濕 我哋用玩嘅心態都覺得辛苦 可況佢哋係為生計呢
好似兜巴星 Logo 哈哈
經過呢啲人造小溪澗
仍然行緊去酒店呀 行行下周圍無哂人 都咪話唔驚 哈哈
成日都濛查查 之後望番清嘅嘢 可能會唔習慣 哈哈
飛哥話今日行程係食完中午飯 去酒店放低行李 之後再行 咁我去到食飯嘅酒店 就同里奧大人講話住呢間 我哋勁開心啦 因為間酒店超勁靚嘛 點知原來只係食飯咋 哈哈 ~
對腳唔太攰 可能戴咗護膝 我覺得 CC 最勁 已經唔方便 仲唔駛戴護膝 但佢話無問題喎 羨慕死我啦 ~
到黃山西海飯店喇
超級勁靚呀
無諗過黃山會有咁 Grand 嘅酒店
大罐裝嘅黃山啤酒
好味呀 不過每人最多 2 件咋
無食
炒脆肉瓜都幾好味
我鍾意食蒜心
無食 賣相唔掂呀 哈哈 不過佢哋話係糯米飯喎
青瓜炒雞柳 ?! 我無食
無飲呀
再食少少椰菜就飽 lu 但點解唔見我瘦咗㗎
我喺室內上樓梯都係頭 Dup Dup
洗手間又乾淨又靚
又見到唔同嘅指示牌 lu 我初初以為同頭先嘅一樣 原來唔係
無胃口食嘢 又要行一大餐 好在無發脾氣咋 哈哈
掛哂水點
行緊去我哋住嘅酒店
咁多行李 應該差唔多到喇啩
每件行李係收費係 RMB120-200 不等 係挑夫公司收咋 挑夫人工係好低 所以見到佢哋咁辛苦 覺得自己真係好幸福 有餘錢去旅行 真心希望扶夫將來有美好日子 好好享受人生
望到家鄉喇
呢日未完㗎 ^^
六笠...跟你行黃山~我好似吸左好多霧水咁..哈哈!
回覆刪除你應該都行到唔多enjoy~覺得咋! 因為上上落落多樓梯
加上天氣真係好大影響~心同感受好攰呀真係
食lunch果間酒店真係好靚呀~如果食完lunch可以上房瞓陣就好啦..呵?! 哈哈
四笠 哈哈~
刪除唔好講笑 行黃山呢幾日真係做咗吸濕大笨象呀 哈~
笠 我enjoy呢個trip架
我雖然唔鍾意上樓梯 不過我行下停下
我係唔好意思要佢地等咋~~~~
今次堅攰 唔知係咪作高山症
唉 真係無鬼用 仲諗住再去第d地方行山添 @@
其實預咗唔好天氣呢 只係唔好落大雨就得架喇~
嘩 食lunch 呢間酒店靚到爆 可惜只係食過 lunch 哈哈~~~~~~~~