譚仔雲南米線 @ 紅磡 ( 1-AUG-2026 )

過橋米線 - 仍然係重慶 3 小辣湯底   但今次又係辣咗   我就無問題喇   哈哈

檸檬青瓜貴妃木耳 ($14) - 木耳爽爽哋   口感好過食普通木耳呀

( 1-AUG-2026  SAT )

今朝 8 點半醒一醒去廁所   里奧大人問幾點   答完佢就話想瞓多陣   我話我都要瞓多陣呀 ~

瞓到 9 點 50 分先起身   等埋里奧大人沖完涼就出去食早餐 lu ~

食完就番屋企做小清潔   之後就好認真咁執櫃   仲特登寫低哂櫃入面嘅所有嘢   因為真係唔想買咗又唔記得買過啲咩咁囉   執執下仲比我見到支茄汁   我記得好似係買咗但又搵唔到   所以尋日特登再買囉   依家兩支有排用了 ~

終於寫好啲醬料數量   咁樣真係清楚好多   唔駛重覆又重覆咁買呢

里奧大人差唔多 1 點就番工   我就去百佳買嘢喇   因為要用埋張 E-Coupon   同埋家姐比咗好多 Cash Coupon 比我   係時候要用啲喇 ~

金鳳牌純正泰國頂級頂級香米 ($79.90) / 帝王牌泰國急凍無添加激素雞下髀 ($68)

西蘭花 ($11.9/2 棵) / 地們香蕉 ($10.93) / 李錦記蜜汁蒜香骨醬 & 麻辣香鍋醬 X 2 ($17.5/3 包)

雖然落緊毛毛雨   但我都會要推車   因為我拎唔到包米   同埋有車又可以一次過買多啲嘢呢

經過 HKTVmall 又買咗急凍肉   買完再去大生買咖啡   之後就番屋企預備午餐 ~

美國穀飼牛仔骨 ($52) / 泰國無添加激素去骨雞扒 ($68)

日本朝日 WONDA 黑咖啡 X 6 ($21/3 罐) / 片糖 ($9)

SAPORITO 青瓜 ($16) / 地們蕃茄汁 ($22)

唔想啲雞翼又番到星期日   所以特登煮午餐呢   里奧大人以為係買外賣呀   哈哈 ~

同里奧大人 Share 食 1 個咖哩蟹撈麵   再加 9 隻雞翼再加埋今朝嘅煎雙蛋

食完就去剪髮   好難得唔駛等添呀   髮型師第一句就問里奧大人未放工 ?!   我話未啦   如果唔係佢都想嚟剪呀 ~

一入去已經聽到火警鐘響   所以傾唔到偈添   剪咗 25 分鐘就響足咁耐呀 ~

有時間就去埋惠康買嘢   買完就即番屋企沖涼喇 ~

日清咖哩蟹撈麵 X 2 ($18/件) / 嘉頓低糖全麥芝麻包 ($17)

壹品粒粒涼粉 X 3 ($8/件) / 笑牛牌原味多士芝士片 ($48/2 件) / 韓國金菇 ($9/2 件)

新奇士橙汁汽水 4 罐 X 2 ($10/件換購價) - 職員話新出   所以買比里奧大人啲同事試下

抖咗陣就去里奧大人公司   我入咗里奧大人間房同阿妹傾偈   之後里奧大人番嚟見到我話好驚   因為佢頭先睇完訊息就見到我   無諗過我咁快到   阿妹話駛咩咁驚呀   哈哈 ~

阿妹問我買咩   我話買咗西蘭花   佢又買咗   之後佢買咗金菇   我話我都買咗喎   又會咁啱嘅 ~

差唔多 5 點都走喇   因為我要去自己教會事奉喇   咁我同阿妹話聽日見   佢話我講大話   因為我依家唔係成日見到佢呢   哈哈 ~

散會即走   今晚落雨都係番屋企附近食算喇   今次都我想食米線 ~

里奧大人差唔多 8 點到   食完都即刻番屋企喇 ~

沖埋涼就睇培靈會   但今晚遲咗睇   所以 11 點先睇完   之後再睇多陣 Youtube   差唔多 12 點先瞓覺 ~