南乳吊燒雞扒 + 日本旺菜 ( 5-AUG-2026 )

 

( 5-AUG-2026  WED )

感恩瞓得都唔錯   所以起身都好精神 ~

今朝仍然食低糖全麥芝麻包   里奧大人問芝士係咪自己加 ?!   我話係呀   你唔鍾意食 ?!   佢話有芝士好食呀   之後再話我都鍾意食芝士   哈哈 ~

菇場忙下停下   我最鍾意係咁 ~

Lunch Time 蒸完飯同船頭行一田   本身諗住去菜檔買菜   不過船頭話一齊行就陪佢啦 ~

我尋日望佢覺得有問題   點知佢話都成個星期係咁   我話做咩唔睇醫生呀 ?!   佢話好忙費事請假   我話命仔緊要啲呀嘛   同埋妳最多睇完醫生番工咪得囉 ~

我只係買咗日本旺菜 ($29.70) & 玻璃杯 ($16)   其他係船頭買嘅

買完即刻去扭蛋   船頭扭咗 3 隻   其實 5 款扭咗 4 款唔同算好好啦   佢就話就係因為差 1 隻就想儲埋 1 款   哈哈 ~

番到菇場都已經 12 點半   我哋都即刻叮飯喇 ~

阿齋買咗腐皮卷比我同船頭   所以午餐食到好飽   哈哈

唔忙又做自己嘢   船頭 4 點半放工去睇醫生   條友仔肯定開始驚啦   我話一早應該睇啦 ~

放工即走   番到屋企都預備晚餐   里奧大人 6 點半番到屋企   咁都即刻煮冬蔭功丁麵   今晚唔想食飯呀 ~

是日晚餐 - 南乳吊燒雞扒 + 日本旺菜

南乳吊燒雞扒 - 執櫃見到有樽南乳吊燒雞醬就即用啦   我都唔知幾時買   好在下年先到期咋 ~

日本旺菜 - 我覺得日本旺菜真係好食啲   同埋我去買又方便   第時落雨唔想行咁遠就可以去一田買 ~

洗埋碗就開機洗衫   搞掂就即沖涼   之後就同里奧大人一齊睇培靈會 ~

睇完再睇多陣 Youtube   今晚 10 點 20 分都瞓覺喇 ~