酸辣湯西洋菜餃 + 酸辣湯菜肉雲吞 + 酸辣湯韭菜餃 - 樣樣都好味道呀
四川紅油抄手 - 呢個都幾辣 但我鍾意食呀
生煎包 + 鍋貼大王 - 因為要等我哋 所以凍咗無咁好食呢
高力豆沙 - 個個都鍾意食 但食剩 2 個 咁我要喇
凍豆漿 - 好濃豆味呀 飲落有層"衣"咁㗎 好耐無飲過咁好味嘅豆漿
( 9-AUG-2026 SUN )
尋晚半夜對腳好痛呀 真係好驚去唔到家姐屋企囉 感恩起身無咁痛 所以同里奧大人一齊起身喇 ~
我同家姐講話筋膜炎呀 佢話尋日跌親手呀 之後糟糟食完飯都過咗醫院陪家姐睇醫生呀 醫生話好在無跌碎菠蘿蓋 ~
佢話尋日 4 點跌親 我話即打比我吖嘛 真係激死我 佢話就係知我好緊張會飛車過嚟陪佢 所以唔話我知 之後我話今日見到啫 如果唔係我真係咩都唔知囉 ~
糟糟叫家姐去廣華 但家姐話去法院醫院好過 最緊要快吖嘛 同埋政府好似要 $400 法國都係千幾搞掂 我話如果廣華起碼等 8 個鐘都未睇 因為要分流 我個姊妹就係等咗 4 個鐘最後都係睇私家囉 ~
我哋送埋 Berry 番屋企就去食早餐喇 今次仍然係大快活 家姐問我悶唔悶 ?! 我話一個月兩次唔會悶喎 ~
原條炸魚柳+阿活脆邊煎雙蛋+英式多士 ($42)
阿活脆邊煎雙蛋+黑椒牛扒+英式多士 ($40.50)
家姐問可唔可以切開一件件比佢食 我話梗係得啦 仲駛問嘅 ?!
家姐要儲印花 所以食完要去 Panash 同 A1 買麵包 買完就番屋企喇 ~
難得喺廳就即刻影佢 哈哈
家姐一入屋就話有樣好緊要嘅嘢比我 原來係里奧大人封生日大利是
放好利是就要同家姐 Share 麵包 依家無記性 所以一記得就會拿拿聲做㗎喇 ~
特價一口芝士 ($10/5 粒) 咁我再買黑芝麻糯米小食 ($18/3 個) 同埋法國丹麥酥方包 ($22/半條) U 姐以為十蚊咁多 頭先家姐先話咁樣裝埋一袋 啲人會以為 $10 一包咁抵 哈哈
我放隻腳落嚟 點知踩到啲軟腍腍嘅嘢 原來係 Berry 女 佢好乖喺枱底陪我哋呀 哈哈
好少咁嘅角度影佢
大耳朵
上次叫姐夫幫我買嘢 佢又好緊張問再要買啲咩 ?! 之後又比呢樣嗰樣 我話唔要呀 家姐就話要啦 但我話屋企真係有呀 要唔到咁多呀小姐 ~
家姐胃酸倒流要食藥 但佢話有次食錯咗呀 所以叫 U 姐幫手睇下啲時間先食 之後話肥妹有次番工食感冒藥 食完話超級攰 原來佢食咗夜晚食嘅藥呀 嗰啲真係要你食完瞓覺家㗎 ~
咁樣影就好肥
慘慘眼
肥腿
又想瞓覺了
呢個時候點摸都得
X-Ray 片個袋係紫色 真係好邪 哈哈
12 點鬆啲就同家姐一齊出門口 佢要去我屋企附近針灸呀 ~
去到見到架巴士離開咗個站少少 我哋一路跑一路揚手 但如果司機唔開門都無辦法 始終離開咗個站嘛 但非常感恩司機開門 仲叫我哋企定先拍卡 ~
以為家姐直接去針灸 之後佢話想去我屋企去廁所 咁當然無問題啦 ~
我話要五指毛桃 之後姐夫又比埋黃芪同石斛比我 本身仲想比埋南北杏同紅棗同薑添呀
我唔知家姐要針到幾點 咁啱我尋日買咗 3 個合桃酥 所以比 1 個比佢 咁再比多支水 如果唔夠飽就針完再一齊食嘢都得 ~
送埋家姐去針灸就去到里奧大人公司 諗住幫手做嘢 點知佢臨時要開會 咁我去搵阿妹喇 ~
已經 2 點 35 分喇 咁啱秋秋話買咗煎餃 所以比我同阿妹食 我話想留番 3 隻比里奧大人呀
里奧大人 2 點半開完會 所以我即去幫手 點知佢每行一段路都比人捉住 又搞咗 10 分鐘 ~
搞掂都差唔多 3 點鬆啲 咁我話不如同埋阿妹 叻叻一齊食啦 諗住同阿妹一齊睇食咩 但家姐啱啱針灸完 我話想陪佢等車呀 所以叫佢哋話事 ~
咁我打比家姐啦 佢話有隻狗仔好似搵主人咁 所以佢想睇實隻狗 驚佢周圍走呀 我去到仲見到隻狗仔 就即刻睇下係咪食客隻狗仔啦 佢哋話唔係真係仲驚囉 之後食客走出嚟話係另一間店嘅狗仔呢 ~
諗住走嘅時候 家姐望我方向再叫里奧大人 我以為佢整鬼我呀 里奧大人話頭先跟住我行過嚟㗎 ~
家姐左手左腳包到咁呀
本身 10 分鐘後有巴士 但因為頭先看住隻狗仔 所以架巴士 1 分鐘就到 感恩啱啱趕到呀 ~
差唔多 4 點先食午餐呀 我話食完唔駛再食晚餐 lu 我真係無諗過叻叻買咁多嘢食囉 ~
食完就去 AEON 買嘢 其實對腳都仲痛 但唔同里奧大人講啦 因為我好想買月曆呀 ~
$100/3 件超級抵 所以我同家姐每人 3 件 里奧大人話係姊妹裝
我只係買深藍色同黑色
JOGUMAN 2027 年座枱月曆 (9 折 $53.10/件) 里奧大人話估唔到家姐鍾意 JOGUMAN 月曆 之後又話係姊姊月曆 哈哈
買埋糖水都番屋企喇 番到屋企真係第一件事係沖涼 之後就一齊睇培靈會 ~
里奧大人話要食糖水 不過我話買 1 碗就夠喇
睇完就睇 "中年好聲音 4" 依家飛嚟睇 所以好快睇完 哈哈 ~
睇多陣 Youtube 今晚 10 點半都瞓覺 lu ~
沒有留言:
發佈留言