叉燒炒麵 ( 23-AUG-2026 )

樂脆雞蘑   再同里奧大人Share 食蘑菇飯

薯條+香芒蜜桃批

( 23-AUG-2026  SUN )

今朝同里奧大人一齊起身   不過我沖完涼就去家姐屋企 lu ~

家姐話已經搞掂咗 Berry   所以可以直接去食早餐   佢話去 Oliver's SUPER SANDWICHES   我當然無問題啦   以前喺九龍灣做嘢都間唔中去食   嗰時做埋會員好似有 9 折   家姐話依家都好似有 ~

低糖高蛋白之選 ($53) - 蘑菇炒蛋 + 低糖日式麻醬沙律 + 無糖奇亞籽高纖高蛋白多士 + 鮮茄濃湯低碳椰菜花   我哋覺得塊多士好味呀   甜甜哋咁

鮮茄濃湯低碳椰菜花超級好味   我下次試下整先

煙肉 蜜味火腿 炒蛋 薯餅 麥包多士 ($45) - 家姐問好唔好食 ?!   我話好食呀   最緊要同妳一齊食   咁就食咩都好食㗎喇

我飲凍即磨咖啡 (+$7)   家姐飲熱咖啡轉豆奶   之後佢話無味嘅   我話豆奶應該無咁濃味啩   因為我一定唔會轉豆漿囉   呵呵

食完去 Panash 買包   之後再去聖安娜買酸種法包比 U 姐   佢又係好鍾意食麵包   仲要係搽好多牛油   家姐話佢買金寶呢個牌子   我話銀寶呀嘛   之後佢喺度大笑   哈哈 ~

家姐話呢個牌子都貴   不過佢都會叫埋 U 姐一齊食   佢話有啲人只買平嘢比工人姐姐食㗎   咁家姐就一定唔會囉   買咩零食都買埋比工人姐姐㗎   當佢妹咁㗎真係 ~

買完即番屋企   Berry 一見我就怪叫尖叫慘叫仲要走音   維持咗半分鐘呀   成個過程真係好似比人拐走要掙扎逃離咁 ~

依家真係肥豬女喇   諗起初初寄養嘅時候得 0.97 Kgs   但依家就要減肥 lu

條豬頸肉都好厚身

唔鍾意我哋咁話佢呀   哈哈

咩角度都係肥

我買咗超熟方包 ($14)   因為我覺得 3 片係最好   因為 1 片唔夠飽   2 片又飽得滯   之後仲買咗糯米小食 ($19) 同藍莓果醬 ($31)

貓貓夫人喺美國買比家姐嘅 Flushable Toilet Seat Covers   佢話 LooREADY 都好用喎   仲有啲係 1 包有 10片嘅

家姐話上次見到有個 60 歲左右嘅職員抹窗   佢話如果嗰個係媽咪   會叫佢即刻唔好做   寧願自己打兩份工   我話可能人哋悶呢   分分鐘可能係老闆都唔定㗎 ~

所以我其實都為媽咪感恩   我哋一出嚟做嘢   佢就可以退休   同埋我哋係好準時比家用   呢啲係天經地義嘛   不過其實媽咪都唔會追我哋嘅 ~

我問家姐記唔記得爸爸買好多零食比我哋食 ?!   佢話記得有珍珍薯片同朱古力  之後個樣好慘咁講話仲有 4 個哈蜜瓜   我話呢樣就完全無印象呀   但好肯定係我哋話鍾意食先咁買法囉   爸爸買任何零食   係買 4 份   只係我同家姐食咋   可惜爸爸走得太早   我覺得自己未盡孝道囉 ~

講開買年金   我話如果買咗之後死咗咁點   家姐話會比另一半囉   我話以為會無哂添   咁其實都無蝕喎   短命買年金都拎得番   之後家姐話咁短命做咩要買年金呀   妳係咪計錯咗數呀阿妹 ?!   笑死我呀   哈哈 ~

家姐話之前買英鎊按多個 0   糟糟話低級錯誤   家姐話如果唔夠錢都好   銀行會通知   但就因為夠錢先比妳買呀   所以我話最驚係咁   我又手殘眼殘   一陣按錯就慘 ~

家姐要出貨   不過佢係可以一路傾偈嘅 ~

佢真係瞓覺㗎   仲會有鼻鼾聲

家姐今日要去何文田   所以 11 點幾就一齊搭地鐘喇   我喺黃埔落車   因為我要去 AEON 買衫呀 ~

我揀緊衫嘅時候   有個男人話上次 7 折都抵   依家半價就真係好抵   咁佢咁講   真係點都要買啦 ~

最後我揀咗 6 條連身裙   但有 2 條係 9 折就唔要喇   所以最後只係買咗 4 條 (1 條係 $259 + 3 條係 $239/條)   半價只係 $488 咋 ~

買完都已經 1 點   要拿拿聲買餸同買午餐去里奧大人公司喇 ~

食完就要幫里奧大人做嘢   做完已經 2 點 15 分   但里奧大人仲有嘢做   咁我都番屋企先 ~

艇仔粥 + 炸兩   好感恩食到脆卜卜嘅油炸鬼呀

諗住沖涼   但最後忍唔住再去多轉 AEON 買裙喇 ~

又係買咗 4 條連身裙 (1 件 $259   其他 3 件就 $239/件)   折咗係 $488 ~

番到屋企又已經 4 點   沖埋涼抖陣就熨 2 機衫 lu ~

果實實感 藍莓果醬 ($31)

我正想買蝦醬   家姐咁啱又有 2 樽勝利香蝦廠嘅幼滑蝦醬   所以比支我喇   佢話姐夫朋友去大澳買嘅手信喎

8 件連身裙   平均每件 $120 咋   之前去花園街 Boutique 買都要 $299 一條喇   真係好難忍手唔買囉   雖然里奧大人話我買太多   但又覺得真係抵   所以無話我喇   哈哈

里奧大人 5 點先番到屋企   叫佢沖埋涼再瞓陣覺啦 ~

我抖到 5 點半都預備晚餐   里奧大人 6 點 15 分起身   不過差唔多 6 點 45 分先開餐 ~

是日晚餐 - 叉燒炒麵

叉燒炒麵 - $50 叉燒 + 2 個炒麵餅 + 1 扎韭菜   炒埋一大鍋呀   所以可以食多 3 餐   不過今次整得好好味呀   所以唔會食厭   哈哈 ~

洗埋碗就沖涼   之後同里奧大人一齊睇 "中年好聲音 4" ~

繼續食埋去   酥皮都有部份唔脆喇

睇多陣 Youtube   今晚 10 點 45 分都瞓覺 lu ~