日式咖哩燜雞下髀 ( 26-AUG-2026 )

( 26-AUG-2026  WED )

尋晚瞓得唔錯   但半夜熱醒咗   直頭條頸都出哂汗   之後抹完汗再去埋廁所   感恩好快瞓得番   但差唔多天光又覺得成個身好凍喎 ~

里奧大人話今朝唔係咁舒服   所以晏啲先番工   咁我自己喺屋企食早餐算 lu ~

早餐食烚蛋+桃味乳酪   感覺自己懶係健康   哈哈 ~

我鍾意食乳酪   但里奧大人就麻麻哋

等車嘅時候   家姐 Whatsapp 話同同事食早餐   搞到我好想食窩夫   哈哈

菇場唔忙   阿齋一坐低就問我啲雞蛋食咗未 ?!   我話清咗 5 隻啦   已經好勁㗎喇   唔好再迫我呀   哈哈 ~

唔記得傾開啲咩   我話就咁蒸節瓜粒都好好食   船頭問我有無爆下啲節瓜 ?!   我話無喎   佢話我煮嘢真係異於常人   哈哈   之後佢話新鮮豬脷好食   阿齋話牛尾又係好好食   我話呢兩樣嘢好恐怖呀 ~

我話試咗牛豬肉乾都好食   所以一陣會去一田買   順便買埋淋浴露   船頭話唔落雨就一齊去買   之後阿齋又話要去買豬肉乾 ~

Lunch Time 一到就即去一田掃貨   今次幾乎日日都有嘢買咁呀 ~

芝士辣椒煙燻腸 + 麥蘆卡蜜糖腸 ($82/2 包) - 我只要煙燻腸   所以船頭同我 Share

壹品X一田特濃低糖豆乳 X 4 ($18/2 件) - 好感恩終於番貨呀   所以我哋每人買 4 支

金安記五蜜汁豬肉乾 X 2 五香牛肉乾 X 2 ($35/包) - 船頭同我都試咗覺得好食   所以我哋再買喇

阿齋又話要再買   所以我哋每次邊個話好食好用就會跟住買   唔係點會成日買到嘢吖   哈哈

許記環保鱈魚魚肉燒賣 (連醬汁) ($41.90) / 許記黃金魚肉春卷 ($54.90) - 阿齋都跟我買魚肉春卷呀   船頭問我係咪試咗 ?!   我話唔係   佢即刻反白眼   哈哈   佢哋成日話試咗先買都未遲呀

芝士辣椒煙燻腸 ($82/2 件) - 我同船頭 Share   之後佢買 1 Pack 三養麵好似 $29   阿齋話 $55/2 包喎   佢話一陣難食咪死 ?!   但阿齋覺得 2 包抵啲呀   咁同佢 Share 買 2 包呀

最後買埋潔麗兒柑橘芳香泡泡濕手液套裝 ($59.90) 就走人喇   阿齋要按住嚟推   因為驚啲嘢跌落嚟呀   我哋無諗過買咁多   如果唔係會放多一個購物籃呢

番到菇場已經 12 點 40 分   再叮埋飯   12 點 50 分先食   但呢個時間食飯真係唔錯   哈哈 ~

日本南瓜 X 2 ($23.90/個) - 我買一個比家姐   佢以為我將會買   話咁重唔好買啦   我話我已經買咗㗎喇   我食唔到兩個咁多呀

船頭買嘅綠茶蕨餅   我哋覺得好食呀

忙下停下   好快又放工 ~

船頭掂我隻手   我話做咩咁凍 ?!   佢話啱啱洗完手   之後我掂佢隻手啦   佢喺度大笑再話我隻手好似火捧咁   同埋喺冷氣地方出嚟   點會咁熱呀 ~

番到屋企即煮晚餐   里奧大人 7 點番到屋企都可以即刻食得喇 ~

是日晚餐 - 日式咖哩燜雞下髀

日式咖哩燜雞下髀 - 終於清哂洋蔥同 4 條日本甘筍   本身諗住用柱侯醬做汁   但又覺得好怪咁   最後醒起屋企有日式咖哩   咁就即刻煮埋去喇 ~

洗埋碗就開機洗衫   搞掂就沖涼   里奧大人就熨衫   再等佢沖埋涼就一齊睇 "不眠日" ~

話咁快睇到第 9 集   但睇到 10 點 45 分都瞓覺 lu ~