咖哩豬肉腸 + 日本旺菜 ( 7-AUG-2026 )

 

( 7-AUG-2026  FRI )

尋晚瞓得唔錯   但瞓到半夢半醒就鬧鐘響咗   肯定係里奧大人 Set 錯鬧鐘時間啦 ~

里奧大人一起身就話本來想校 5pm 但校咗 5am   我話我都估到係咁   因為試過幾次喇 ~

今朝同里奧大人出去食早餐   食完就搭車番公司了 ~

菇場唔忙   不過同船頭要搵阿齋幫手淘寶   我 Whatsapp 阿齋話有大生意   回來再傾   佢番到嚟即問咩大生意呀   哈哈 ~

講開零食   船頭話佢老公食麵包當零食   之後就話佢老公點點點   阿齋話妳唔好話人喇   妳自己都唔注重健康啦   呢樣又真   等如我叫人食少啲零食   但我又係咁博命食囉 ~

Lunch Time 蒸完飯就同阿齋 船頭行一田   阿齋叫我做一田友   我話得一田啱睇之嘛   唔通成日去買衫咩 ?!

阿齋講阿怪消失單嘢   之後船頭話阿輸同西瓜係廢嘅   仲話如果佢下屬係咁就即出 Warning 啦   所以里奧大人成日問有無出 Warning 比阿怪   我話無   佢就第一時間話係廢嘅   自己縱容出嚟無嘢好講 ~

船頭外賣到咗   所以佢要走先   咁我同阿齋買完就去扭蛋   好感恩一扭就扭到熱狗呀 ~

我只係買 1 支貝克曼污漬剋星 (去油類 50ml) ($29.90)   其他係船頭同阿齋買嘅

Spicy Tuna Samgak Kimbap ($36) - 阿齋話買番去一齊食   之後我哋話夾份買啦

番到菇場   阿齋即比番 $40 扭蛋錢比我   佢比 $100 我找   但我銀包得 $30   所以我話同佢夾份送比船頭   我找番 $20 比佢啦   佢話夾 $20 吖嘛   妳應該找番 $80 比佢噃 ~

之後佢話咁佢有 1 張 $20 比我   所以佢拎番張 $100   我話每人 $20   點解妳拎番張 $100 ?!   佢話張 $100 係佢㗎   真係笑死我呀   船頭話係世紀大騙案呀   哈哈 ~

唔忙又做自己嘢   之後船頭問我食咩 ?!   我話執好啲零食咋   佢話妳真係好鍾意執嘢   哈哈 ~

去 Pantry 嘅時候   小說話我對拖鞋點解咁乾淨 ?!   我話喺公司着之嘛   又無落過街   同埋我間唔中都會抹過鞋面   始終都有塵呢 ~

里奧大人 6 點 15 分番到屋企   但要等陣一陣先食得呢 ~

是日晚餐 - 咖哩豬肉腸 + 日本旺菜

咖哩豬肉腸 - 唔想得蕃茄豬扒一樣咁悶   所以即開包咖哩醬煮豬肉腸喇   哈哈 ~

日本旺菜 - 終於食哂   下次要買棵細啲   咁樣唔駛食得咁辛苦呀 ~

洗埋碗就開機洗衫   搞掂就沖涼喇 ~

榴槤之前請嘅 Chateraise 橘子果凍   好多果肉呀

同里奧大人一齊睇培靈會   睇完再睇陣 Youtube   今晚 10 點 40 分都瞓覺 lu ~