辣豬肉飯 ( 11-AUG-2026 )

特登加 1 條豬肉腸   咁樣無咁悶嘛   同埋仲有炸三文魚皮   不過食剩 4 件   又要留番聽晚食了

( 11-AUG-2026  TUE )

今朝幫里奧大人焗埋麵包先再瞓過   之後再叫佢記得帶呢樣嗰樣   佢即刻高八度話妳瞓啦   唔好咁多心啦 ~

瞓到 9 點 15 分都起身   自然醒真係好正   哈哈 ~

早餐食法國丹麥酥方包   里奧大人同家姐就會搽花生醬   我覺得就咁食都好味道呀 ~

家姐話一陣會過嚟針灸   所以我會去車站接佢   好在今朝我早起身咋 ~

諗落真係好搞笑   又會兩姊妹一齊同時間手腳痛   但又咁先可以突然見下面   哈哈 ~

家姐又拎咗 1 袋嘢比我   原來係糟糟喺日本買比我嘅零食   咁一定要上我屋企坐陣先啦   之後我叫佢幫手食杯乳酪   哈哈 ~

姐夫買嘅五指毛桃 + 海底椰乾 + 龍眼肉

我話減肥唔要戒零食   家姐同船頭就話唔係唔食   可以食少少都得   哈哈

11 點 45 分出發去針灸   咁醫館無人   我可以陪家姐喇 ~

針完都差唔多 12 點半   送埋佢搭巴士就同里奧大人食午餐喇 ~

熱辣辣嘅海帶湯   加上有埋胡椒粒   所以飲完成個人好暖好舒服

砂鍋辣豬肉飯+湯 ($58) - 食完藥有啲反胃   所以食咗好少咋   要里奧大人幫手食呢

韓兄弟半半 (豬肉飯) ($65) - 里奧大人最鍾意半半   不過食剩 3/4 豬肉飯要留番今晚食 lu   咁放入外賣盒嘅時候   我話啲飯要放上面   咁啲汁就唔會整到啲飯腍哂   里奧大人即刻話其實一早已經放哂啲餸係面喇喎   我叫佢收聲唔好再講呀   哈哈

食完就番屋企休息   差唔多 1 點 45 分又靈修 15 分鐘 ~

咁食咗藥比較攰   全日都係睇 Youtube 咁滯 ~

睇睇下都瞓着咗   不過唔知瞓咗幾耐呀   但醒咗之後就好精神   咁就即刻熨衫同整沙律   咁啲時間已過啲   哈哈 ~

蘋果粟米湯律

6 點先醒起要煮晚餐   不過我都只係焗熱條腸同蒸熱啲飯㗎咋   非常之簡單 ~

里奧大人 6 點 45 分番到屋企   可以即刻食得喇 ~

Hippo 嘅台灣手信

洗埋碗就沖涼休息   終於比我喺 Youtube 睇到 "蝸居"   好記得嗰時係等里奧大人接我出院嘅時候睇㗎   已經係 15 年前了   但依家睇番一樣係咁好睇 ~

佢話估唔到我會睇 "蝸居"   不過我揀嚟睇   所以好快會睇哂   不過今晚睇到 11 點都瞓覺喇 ~