銀蝦 XO 醬炒蝦仁茄子 ( 21-AUG-2026 )

( 21-AUG-2026  FRI )

感恩一覺瞓到 6 點   但就一定唔會咁早起身啦   之後再瞓到 7 點半就鬧鐘響要起身喇 ~

里奧大人話我成晚係咁郁   但我話一覺瞓到天光喎   咁其實我自己郁咗都唔知嘅   哈哈 ~

今朝同里奧大人出去食早餐   食完就去佢公司坐陣先番工 ~

里奧大人話阿笑都好關心阿消   我話真係對佢另眼相看呀   我要買嘢比佢食   里奧大人笑咗出嚟呀   話無諗過接住嗰句係講買嘢比佢食   哈哈 ~

菇場唔忙   今日好少人番呀   感覺好似星期六咁 ~

船頭話同事肚屙   應該唔同我哋 Lunch   隔咗一陣阿齋打嚟話同我哋食 Lunch   我即刻同船頭講啦   真係好邪呀   哈哈 ~

因為阿齋幫我哋叫嘢食   所以 Lunch Time 一到就要即走喇 ~

小食就由阿齋話事   咁仲有土匪雞翼 (大) 嘅   呢餐 $240   船頭話點計好 ?!   因為佢哋叫 3 個餸同飲嘢   我叫兩個餸同無飲嘢喎   我話齊頭 $80 咪得囉

食完即去一田血拚   今日唔算多人   因為優惠做得太密   同埋唔係好似幾年前咁平囉 ~

我話想買 2 個日本南瓜   阿齋話黐啦 1 個都夠啦   船頭話如果蒸就半個都夠食   我話驚 1 個唔夠嘛   之後無氣話買啦買啦買 1 個啦   再同阿齋講話由得佢買啦買啦   阿齋話覺得好食   下星期先再買啦小姐 ~

船頭係金會員   所以唔駛排隊   感恩前面又無人   咁樣真係快好多㗎

阿齋放哂啲嘢入戰車   買完都只係 12 點 45 分   可以慢慢行番菇場喇 ~

船頭架戰車   佢話養兵千日 用在一時   我話好在我記得妳有架戰車咋

日本甘筍+日本洋蔥 ($23.90) - 阿齋同我都有買   之後船頭好激氣話尋日買洋蔥都要 $19.90 呀日本南瓜 ($23.90) - 阿齋尋日買要 $39.90 呀   所以佢今日幫我揀個靚嘅

百益意大利黑醋 500 毫升 ($35) - 我話好平   阿齋又話要 1 支

潔麗兒柑橘芳香泡泡潔手液套裝 ($59.90) / 獅球嘜初榨濃香花生油 900 毫升 (換購價 $28)

阿齋買盒土耳奇無花果只係 $61.90 咋   我尋日買係 $75 呀   今次我哋每人都買咗貴嘢   不過就唔會再買溝淡囉   我話食唔到咁多呀   船頭好串話咩妳知㗎 ?!   哈哈

文件櫃長期都唔係用嚟放文件   哈哈

Watts 餐具 ($16/件) - 我買咗 2 黃 1 桃紅 1 藍色

唔忙又做自己嘢   不過我成日覺得星期五啲時間係過得特別快啲咁㗎 ~

我同阿齋叫船頭訂 Tiffany Blue 嘅錶   如果有嘅話   佢今個月幫錶舖買咗 6 隻錶呀   我話好似帶貨咁   但我哋覺得阿齋戴金色真係好睇   我話最主要佢係土豪級數   我哋平民戴唔掂呀   哈哈 ~

放工即走   里奧大人今日 5 點已經番咗屋企   咁我都快手快腳煮嘢喇   不過都要 6 點 40 分先開餐 ~

今晚煮王子麵   係無味粉但又唔係零食   家姐大包圍買哂王子麵比我   呢隻應該係打邊爐嘅   因為我記得阿花話次次打邊爐都要食包王子麵呢 ~

是日晚餐 - 銀蝦 XO 醬炒蝦仁茄子

銀蝦 XO 醬炒蝦仁茄子 - 最主要想清包蝦仁   因為聽日唔駛帶飯就清咁啲喇 ~

洗埋碗就沖涼   里奧大人就去做機   所以等埋佢先食蕃薯糖水 ~

同里奧大人一齊睇 Youtube   因為我叫佢睇個女仔行絕壁天梯同埋懸崖村呀   睇到 10 點 45 分都瞓覺 lu ~