尋晚半夜去完廁都好快瞓得番 但今朝 6 點 50 分已經醒醒哋 不過都瞓到鬧鐘響先起身呢 ~
今朝里奧大人去買早餐 之後就去佢公司食喇 ~
菇場唔忙 又可以做自己嘢 ~
今年天氣真係好熱 幾乎每次一出門口已經成臉濕哂 所以依家番到菇場 第一時間係抹臉搽 Cream 呢
船頭身體有點兒狀況 我叫佢唔好再咁夜瞓 之後佢話佢老公又係叫佢唔好咁夜瞓啦 仲要唔好煮飯要休息添呀 ~
阿齋話屋企附近有真嘅 Muffin 買 船頭話乜有假嘅 Mffin 咩 ?! 之後阿齋話係好食嘅 Muffin 船頭話即係有水準嘅 Muffin 啦 聽佢哋對話真係笑死 ~
船頭話公司附近嘅菠蘿包都好好食 仲只係 $4.5 一個咋 我話絕對無可能啦 普通甜餐包都要 $5.5 啦 之後我問佢幾多年前買呀 ?! 佢喺度大笑話都幾耐下 哈哈 ~
Lunch Time 蒸完飯就去 759 同惠康買嘢 買完都即番菇場開餐喇 條街真係熱到不得了 ~
CLEANWRAP 食物保鮮袋 ($21.40)
地們甜粟米捧 2 支 X 2 ($10/件) / 地們粟米蓉 ($27.8/4 件)
船頭買咗菠蘿包 話係八蚊雞 我即刻話貴咗一倍啦 仲話 $4.5 佢都忍唔住喺度笑 ~
因為船頭抽到重覆 所以比我同阿齋喇
唔忙就繼續做自己嘢 所以好快放工 ~
放工即走 里奧大人 6 點 15 分番到屋企 但無咁快食得 所以叫佢沖涼先 ~
是日晚餐 - 蕃茄洋蔥豬扒 + 粟米豆腐蛋花湯
蕃茄洋蔥豬扒 - 今次整得好味呀 我發覺求求其其整就一定好味 哈哈 ~
粟米豆腐蛋花湯 - 為咗清埋盒絹豆腐 所以又煮粟米湯喇 順便加埋包金菇 今星期買嘅嘢終於清哂 ~
洗埋碗就沖涼 里奧大人就要熨 2 機衫 ~
同里奧大人一齊睇培靈會 睇完再睇陣 Youtube 今晚 10 點半都瞓覺 lu ~
沒有留言:
發佈留言