酸辣湯韭菜餃 + 上海炒粗 + 高湯鮮竹卷 + 山竹牛肉球 ( 15-AUG-2026 )

酸辣湯韭菜餃

上海炒粗

高湯鮮竹卷 + 山竹牛肉球

蓮藕煎鯪魚餅

( 15-AUG-2026  SAT )

尋晚食咗消炎藥   真係可以一覺瞓天光嘅   但起身嗰下係溫溫燉燉   我估瞓多 3 個鐘會好啲   哈哈 ~

今朝同里奧大人出去食早餐   食完就去佢公司坐陣先番工 ~

菇場唔忙   船頭講開 Hair Mask   阿齋即刻話開個購物團啦   船頭話唔駛啦   日日番工見到   同妳講嘢多過同我老公講嘢呀   哈哈 ~

放工即走   今日同里奧大人去食點心   因為好想食蝦餃呀 ~

里奧大人去攞位先   佢話要等   咁我話我嚟到仲要等就去食其他嘢   感恩我去到之前就有位呢 ~

蓮藕煎鯪魚餅 (大 $29) - 真材實料   真係食一件都有啲飽呀

辣椒油好香

光記蝦餃皇 (2 粒) (中 $26) - 所有食物都係即制   所以樣樣都係熱辣辣好正呀

光記蝦餃皇 (2 粒) (中 $26) -  Size 係同匙天一樣咁大隻   蝦肉嘅份量都唔少呀

銀蘿脆皮腸 (大 $29) - 里奧大人問係咩來 ?!   我話應該係入面係脆嗰啲   但我唔記得叫咩   同埋睇到 Crispy 呢個字   咁肯定無錯啦   哈哈

上網睇黃色係黃絲網皮

里奧大人碌大對眼話我叫咗 7 樣點心   我嗰下好驚呀   我以為 5 樣咋 ~

佢講完就即刻上埋其他點心   真係張枱都唔夠擺   隔離嘅姨姨都話我哋應該第一次嚟呀~

原蝦燒賣皇 (2 粒) (中 $26) - 其實開始飽喇   好在都覺得好食   哈哈

山竹牛肉球 (中 $26) - 隔離姨姨叫我哋依咗 1 粒先   試咗個口感就知道再蒸熱係唔同㗎

高湯鮮竹卷 (小 $23) - 又係食咗 1 條

籠仔馬拉糕 ( 中 $26) - 原封不動拎走

食完就送里奧大人去剪髮   因為我好飽要行下呀 ~

買埋蕃茄薯仔南瓜同金沙骨就番屋企   開埋機洗衫就要沖涼喇 ~

里奧大人 3 點半番到屋企   之後染髮就沖涼瞓覺   我就燜金沙骨同熨衫 ~

本身諗住番崇拜   但里奧大人 5 點半要番公司處理 Urgent 嘢   所以我唔番 lu ~

里奧大人話今晚 7 點半搞掂   點知 7 點半先開始   好在我唔餓同埋晚餐就咁蒸熱嘢咋 ~

差唔多 8 點 50 分就蒸熱嘢   點知蒸咗 20 分鐘都唔熱   所以又要蒸多 20 分鐘 ~

里奧大人 9 點半番到屋企   可以即刻食得喇 ~

洗埋碗就即沖涼休息   不過今晚咁夜食都唔會早瞓   所以睇 Youtube 睇到 12 點先瞓呀 ~