上海粗炒 + 酸辣湯西洋菜餃 + 酸辣湯韭菜餃 + 四川紅油抄手 + 鍋貼大王 (外賣) ( 14-AUG-2026 )

上海粗炒 ($58) - 好味呀   下次會再買嚟食

酸辣湯西洋菜餃 ($48) + 酸辣湯韭菜餃 ($48) - 食剩 3 隻餃同埋啲酸辣湯   好在黑珍珠要 1 碗   另外 1 碗就我拎走   之後叻叻話下次要 1 碗湯再加兩樣餃就可以㗎喇

四川紅油抄手 ($36) - 叻叻話食   咁當然要買啦

鍋貼大王 ($38) - 黑珍珠話想食 1 隻鍋貼   所以我就買喇

凍豆漿 ($5/杯) - 叻叻話黑珍珠都鍾意飲   咁一定買埋比佢啦

叻叻媽咪整咗炒米粉   我食咗一半先記得影相添

( 14-AUG-2026  FRI )

尋晚瞓得麻麻哋   想起身嘅時候就睇下個鐘   原來已經 7 點 20 分   咁我都起身 lu ~

早餐食 Flakes + 藍莓乳酪   其實真係好方便   不過我唔會日日食囉 ~

懶人食法   咁就可以就咁用水洗隻碗就搞掂   唔駛用洗潔精喇

菇場忙下停下   船頭戴咗隻銀色 CASIO 比我睇   咁我戴上手都覺得幾好睇   所以搵日去買   但我同佢戴金色就真係唔好睇喇   但阿齋戴金色真係好睇   因為佢型得起呀   之後船頭叫阿齋做土豪   哈哈 ~

阿齋無啦啦問易烊有無開藥 ?!   船頭話好認真諗緊易烊做咩開藥比佢 ?!   之後先醒起尋日個醫生   哈哈 ~

船頭比嘅 DoDoME 洗潔精

Lunch Time 蒸完飯就去一田買嘢   咁行多一陣就番菇場開餐 lu ~

北海道哈蜜瓜千層蛋糕 ($25.50/盒) - 幫里奧大人買比嘈嘈同阿女

方型樽 600ml ($8) - 之前買咗 Refill 裝護髮素   所以一定買個樽裝住

突然好想食潮州粉果   所以去英記買喇

菇場忙呀   老闆 3 點半番嚟   之後阿後話有蛋糕食呀   我同船頭仲諗住請食下午茶   等我頭先仲同話要飲番杯凍奶茶添   衰船頭叫我自己沖啦   哈哈 ~

釆蝶軒嘅蛋糕都幾好味

放工去里奧大人公司   因為約咗叻叻一齊去買晚餐呀 ~

食住等   新鮮熱辣嘅生煎包真係超級好食呀

里奧大人話做咩買咁多 ?!   我話我想買啲咩   叻叻都話會食   所以咪買咁多囉   哈哈 ~

一路食一路傾   不過里奧大人 7 點都要去做嘢   所以我同叻叻就食到 7 點半先走喇 ~

食完就去大生買 2 盒韓國雪條比里奧大人   因為 1 盒只係 $21 真係好抵呀 ~

番到屋企即開機洗衫   之後沖涼   抖陣就熨衫 ~

里奧大人每次收到同事啲手信   就會 Whatsapp 比我   之後叫我提佢記得比我食   佢話放咗背囊實唔記得拎出嚟呢

里奧大人 10 點 15 分番到屋企   佢呢排真係忙到不得了   好在我買咗雪條等佢開心下   哈哈 ~

睇多陣 Youtube   今晚 11 點先瞓呀 ~