一覺瞓到 6 點 05 分 之後再繼續瞓到 7 點 15 分都起身 lu ~
早餐食方包搽花生醬同藍莓果醬 Panash 嘅超熟方包同藍莓果醬又幾好味喎 ~
我覺得剪開一塊塊係易食好多
菇場忙下停下 我斟水嘅時候 見到船頭喺 Pantry 抹個地 佢估係阿怪倒灘水落地下 因為頭先得佢喺 Pantry 整嘢 整濕地下最多都係幾滴 但佢係倒咗一杯水嘅份量呀 咁真係超級賤格囉 公家地方唔應該咁做嘛 同埋唔為意踩到係好危險 所以船頭話聽朝跟住阿怪 如果真係佢就當堂鬧爆佢 ~
Lunch Time 蒸完飯就去 DAISO 買煮麵煲 但原來 $60 頭先船頭仲話最多咪三十幾添 之後再去簡簡單單又唔見有 所以都番菇場開餐喇 ~
船頭問買唔買到 ?! 我話六十蚊太貴喇 佢笑住話妳咪咁 HE HE HER HER 去買先得㗎 冷靜啲先啦 再話妳試下用自己煮開嘅煲先 等自己鍾意食蛋先再買啦 佢話今晚快啲開始食公司兩排蛋啦 我話屋企仲有一排喎 佢話整妳個制 三排蛋點食呀 ?! 9 月都就快到啦 ~
我話星期五去 DAISO 可能有買 4 送 1 咁等星期五再去買都未遲 反正我嗰日都要去一田買南瓜呀 船頭同阿齋好大反應話又買南瓜 ?! 我話買比家姐㗎 船頭即刻話咁買比家姐咁孝心就唔阻妳買啦 哈哈 ~
上次船頭買咗 10 支筆 全部都好好寫 所以會再買
放工即走 番到屋企都即刻煮晚餐 里奧大人 7 點番到屋企就可以開飯喇 ~
是日晚餐 - 日本南瓜燜排骨 + 銀川菜心苗
日本南瓜燜排骨 - 里奧大人話唔係咁鍾意食南瓜 所以我真係好少煮 佢話叫我整南瓜餅 我話好提議喎 反正屋企有糯米粉 佢問點解咁多雞蛋 ?! 我話依家有 36 隻雞蛋呀 想快啲清哂呀 ~
銀川菜心苗 - 終於食哂 好在無雪到冰咋 ~
洗埋碗就開機洗衫 之後沖涼休息 里奧大人就熨衫 等佢搞掂就睇 "不眠日" ~
其實放咗工追劇都幾攰 但又好想睇 睇到 10 點半都瞓覺 啱啱好睇到第 8 集 ~
沒有留言:
發佈留言