日本南瓜蒸排骨 + 銀川菜心苗 ( 24-AUG-2026 )

里奧大人話呢個係半半

( 24-AUG-2026  MON )

尋晚隻腳又有啲痛   但感恩瞓得都唔錯嘅 ~

早餐食黑芝麻麻糬   買咗 3 個   所以同里奧大人每人個半   咁嘅份量係最好嘅 ~

菇場忙呀   不過忙到 10 點幾就搞掂 ~

番工望住自己鍾意嘅嘢   個人真係特別開心啲㗎

閃卡

船頭話去一田買洗頭水   我話阿齋都話買喎   之後我話我都一齊去買啦 ~

Lunch Time 即去一田買嘢   船頭無帶電話   我話我比先啦   佢話佢係金會員唔想我哋排隊   所以叫我同阿齋行去一田先啦 ~

船頭買牛肉乾   咁我同阿齋都買   之後佢拎住包牛肉乾   我以為佢驚架車無位   阿齋話佢話呢包最靚呀   所以驚我哋撈亂喎   我哋話佢黐鬼線   哈哈 ~

佢問我做咩買豬肉乾   我話買比我老公食嘅   佢話咁好嘅   咁我話妳老公少食零食啫   如果唔係你都買比佢食啦 ~

好在有戰車   咁樣唔駛拎得咁辛苦   洗頭水又洗潔精又朱古力奶真係好重㗎

阿齋好有心機放好啲嘢

Hotel Therapy 酒店香療沐浴露 ($59//支) - 我哋揀咗 Flower Park 同 Soosunhwa 味道

許記黃金魚肉春卷 (連醬汁) ($54.90) - 好似幾好味咁就買 1 包嚟試下   阿齋話許記啲嘢食唔錯喎

金安記五香牛肉乾 ($35) / 金安記香辣豬肉乾 ($35) - 阿齋問咩叫厚透 ?!   我話厚得嚟又通透啩   妳自己再上網查啦   哈哈

守山乳業香濃可可 ($26.50) - 里奧大人鍾意飲就買 1 支啦   其實大生都好似係 $28

許記黃金魚肉春卷 (連醬汁) ($54.90) - 買嚟做儲備真係唔錯

里奧大人晏晝番工   佢話開咗盒朱古力奶   我話無問題啦   咁啱我又買咗 1 盒新嘅比佢 ~

唔忙又做自己嘢   調咗位啲時間係易過好多   做做下嘢間唔中傾兩句   所以好快放工 ~

放工即走   番到屋企都即刻煮晚餐   里奧大人 6 點 45 分番到屋企都食得 lu ~

是日晚餐 - 日本南瓜蒸排骨 + 銀川菜心苗

日本南瓜蒸排骨 - 日本南瓜口感好粉糯   估唔到真係好食   好在我信阿齋   哈哈 ~

銀川菜心苗 - 我覺得 $15/斤都貴   但我好難見有銀川菜芯苗   所以買嚟食喇 ~

洗埋碗就沖涼   之後同里奧大人一齊睇 "不眠日" 喇 ~

家姐話貓貓夫人比咗 1 樽比佢   但我話要 2 粒就夠   但佢比咗 5 粒   味道同口感好似樂家杏仁糖咁   但呢隻就好食啲呢

睇到 10 點 25 分   我話要瞓覺喇   之後里奧大人話仲有 3 分鐘就完   我即刻退後番坐梳化睇埋   佢都忍唔住笑   不過又整呢樣嗰樣   差唔多 10 點 40 分先瞓 ~