招牌擔擔麵 ($38) - 里奧大人同叻叻話好食呀
唔係好多湯
叻叻話大餅覺得辣 所以我驚里奧大人覺得辣 咁我叫小辣 之後里奧大人話唔辣呀
西洋菜湯餃 6 粒 ($36) - 剩咗 4 隻 無諗過佢哋食咁少 所以又要拎走喇
酸辣湯韭菜餃 ($48) - 剩咗一大半呀 又要留番聽晚食了
家常蔥油餅 4 件 ($22) - 食剩 1 件
回鍋肉飯 ($58) - 我同里奧大人聽日嘅 Lunch Box
( 19-AUG-2026 TUE )
尋晚半夜去完廁所 之後成日覺得有啲熱 但唔蓋被又覺得凍 所以瞓得唔係咁好 今朝起身隻腳直頭抽筋 我應該無蓋張被落隻腳度呢 ~
早餐食方包搽牛油花生醬 仍然覺得好味道呀 ~
菇場唔忙 可以做自己嘢 ~
Lunch Time 同船頭 阿齋行陣 DAISO 先去牛角 咁大家都鍾意食牛 所以揀 Lv2 燒肉上級者 (米國產 SRF 和牛食放題) 喇 因為有早鳥優惠 所以每人 $394 ~
一坐低就即刻掃 Code 估唔到啲食物都好快上枱 始終時間關係 我哋動作都要快呀 全程真係一路燒一路食一路傾呀 ~
美國 SRF安格斯和牛一口牛 (燒肉汁 & 塩醬 & 炭燒醬 & 黑椒蒜泥 & 三重橘子烤汁) / 美國 SRF安格斯和牛肩脊肉 (塩醬 & 炭燒醬 & 黑椒蒜泥) / 美國 SRF 安格斯和牛牛肋條 / 芥末辣章魚 / 海老牛油果沙律
澳洲 M6+和牛一口牛 & 赤身嫩肩里肌 (燒肉汁 & 塩醬) / 澳洲薄燒M6+和牛赤身 (燒肉汁 & 塩醬)
宮崎手羽先 / 宮崎縣產煙燻黑豚肉腸
專人服侍 哈哈 但其實我都有燒嘅 我哋一食就話好好食呀 最鍾意滿口油香呢
新潟雞腎 (塩醬 & 味噌) - 好快又第 2 Round 之後就燒菠蘿同翠肉瓜 清清個口再燒牛肉喇
炸芝士蜜糖年糕 / 炸日式餃子 / 炸虎蝦 / 炸雞軟骨 / 牛油本菇 / 雞肶菇 / 翠肉瓜
我同阿齋 Share 宮崎辛辣冷麵 船頭就食牛角飯
明太子蕃茄 / 塩味牛油帆立貝 / 日本雞軟骨燒 - 阿齋話試下雞軟骨 但話唔係咁熟 我叫佢吐出嚟啦 之後船頭話一齊食物中毒就死 成個框無哂人 哈哈
骨附牛肋肉 (燒肉汁) & 網燒一口牛 (燒肉汁 & 黑椒蒜泥) / 牛舌 (塩醬 & 味噌) / / 車海老
巨峰活乳酸梳打 / 熱情果活乳酸梳打
阿齋又講大細老闆秘密 之後船頭講阿後裝修啲嘢 講出嚟真係笑爆咀 所以全程係咁食係咁笑 個口好攰呀 哈哈 ~
船頭突然叫我哋快啲食 原來已經 1 點喇 但仲有啲肉未燒呀 所以佢負責燒 我同阿齋負責食呀 ~
食到 1 點半先走 其實放題 2 小時 我哋 Lunch Time 食到個半鐘真係算賺㗎喇 同埋最緊要係西瓜同阿蟲唔喺度咋 ~
菇場唔忙 2 點幾覺得仲係好滯 所以我要飲可樂 咁諗住 1 罐 3 份 點知船頭倒咗兩杯 佢話兩罐 3 份飲吖嘛 不過唔係咁凍囉 好在佢有冰 飲落當堂唔同哂呀 ~
好快又 5 點 可能今日晏咗番工呀 哈哈 ~
放工即走 今晚又係去買上海嘢 所以叫里奧大人問叻叻食唔食紅油炒手 ?! 之後里奧大人叫我直接 Whatsapp 搵佢 哈哈 ~
佢話陪我去買 我本身諗住早一個巴士站落車去買就最方便 不過佢話陪我 咁就去公司一齊出發啦 ~
食住等 但我只能食 1 隻 所以食剩 2 隻要打包
里奧大人同阿妹見到叻叻 第一句就問妳無帶飯咩 ?! 之後里奧大人話平時夜晚叫佢一齊食飯 佢話帶咗飯唔食㗎 今晚其實佢都有帶飯 不過佢留番聽日食 所以話叻叻好鍾意黐住我喎 哈哈 ~
今晚我只係食 1 隻生煎包同飲豆漿就夠哂 因為中午食得太飽呢 ~
食完就番屋企喇 沖埋涼就熨 1 機衫 但開始冒汗要抖下先 抖咗 20 分鐘先再熨埋另 1 機衫 ~
睇下 Youtube 里奧大人 10 點 20 分先番到屋企 我即刻同佢講番今日船頭佢哋講嘅嘢比佢知 好在我記得哂咋 哈哈 ~
睇多陣 Youtube 今晚 11 點半先瞓 ~
沒有留言:
發佈留言