Saizeriya ( 薩莉亞意式餐廳 ) @ 紅磡 ( 7-JUN-2025 )

蕃茄煙肉意大利粉 ($30)

原味雞翼 4 隻 ($20)

莎樂美腸薄餅 ($36) - 里奧大人話餓   所以叫埋薄餅啦   點知食剩 3 塊   咁留番聽日做 Lunch 啦

中華沙律 (隻倍) ($18)

( 7-JUN-2025  SAT )

又係一覺瞓天光呀   鬧鐘未響都醒醒哋   不過等到鬧鐘響先起身呢 ~

同里奧大人出去食早餐   食完就去佢公司坐陣先番工 ~

菇場唔忙啦   無咩人番工真係好鬼凍 ~

放工即走   我用咗 21 分鐘先成功解凍   菇場真係凍到唔係人咁品㗎   連我咁怕熱都覺得菇場超級凍呀 ~

今日約埋姑奶一齊食午餐   里奧大人話揀我嘅飯堂   哈哈 ~

回鍋肉飯 ($50)

口水雞飯 ($52)

酸菜生魚飯 ($58) - 啲魚肉好 "鞋"

食完就番屋企抖陣   佢哋就去掃墓喇 ~

抖咗一陣就去去參加 LA 活動   差唔多 4 點 45 分先完畢 ~

搞掂就要去里奧大人公司   幫佢拎番隻焗杯   咁順便又搵阿妹傾陣偈喇 ~

里奧大人同我差唔多時間番到屋企   佢都話今日好熱   雖然的士來回   但都要行嚟行去   連佢話熱都真係熱㗎喇   哈哈 ~

我諗唔到食咩   里奧大人就話去食 Pizza 喎 ~

里奧大人如果今晚我比埋就比番 $500 比我   我話我唔貪   今朝早餐收番 $150 就夠喇   里奧大人話呢咁樣叫做唔貪 ?!   呢句真係笑死我呀   哈哈 ~

食完要行陣啦   所以去超市買 4 Packs 鯖魚   之後再買個 8424 西瓜   因為難得里奧大人幫手拎呀 ~

番到屋企即開機洗衫   之後沖涼休息喇 ~

$38 一個都好抵呀   食落都多汁

今晚一齊睇 "血謎拚圖"   因為我幾鍾意金多美呢 ~

睇咗 2 集都已經 10 點 50 分   係時候要瞓喇 ~

三文魚柳 + 菜心苗 ( 6-JUN-2025 )

( 6-JUN-2025  FRI )

感恩一覺瞓天光呀   真係瞓到 7 點 25 分就醒咗 ~

早餐食芝麻餐包   里奧大人今日放假   所以自己食早餐   咁樣反而會遲咗食早餐   次次都係咁㗎 ~

菇場 3D   做下自己嘢又傾下偈   啲時間就好快過㗎喇 ~

Lunch Time 蒸完飯又出去行下   今日唔駛買菜   所以慢慢周圍行下   行夠半個鐘就番菇場開餐 lu ~

如果無菜就會整粟米   我都係鍾意午餐有啲蔬菜食下   我啲同事成日以為我只係食白飯   其實我係將啲餸放喺飯底   始終有汁   唔想啲飯比啲汁索到腍哂嘛

唔忙就繼續做自己嘢   有時做做下就好快到 5 點 20 分   要即刻去洗杯同去廁所   執埋嘢再熄電腦   搞掂就啱啱好放工呢 ~

放工即走   番到屋企都即刻煮晚餐喇 ~

是日晚餐 - 三文魚柳 + 菜心苗

三文魚柳 - 加埋 2 隻杏鮑菇一齊焗   唔駛齋食三文魚咁悶嘛   哈哈 ~

菜心苗 - 依家 1 斤菜會分兩餐食   其實咁都好㗎   唔駛日日去買菜嘛 ~

洗埋碗就抖陣   之後同里奧大人一齊去做機   太耐無做機   所以做 15 分鐘先 ~

沖埋涼就休息   睇陣 Youtube 又已經 10 點 45 分   係時候瞓覺喇 ~

燜杏鮑菇雞扒 + 菜心苗 ( 5-JUN-2025 )

( 5-JUN-2025  THU )

感恩一覺瞓到 7 點 22 分呀   鬧鐘未響都起身 lu ~

早餐食腿蛋治   其實我買 2 個有餡包都同個餐差唔多價錢   咁我仲要自己沖咖啡同茶呢   我覺得買個餐仲更加抵   乾手淨腳   哈哈 ~

菇場忙咗一陣   之後又做自己嘢喇 ~

Lunch Time 蒸完飯就出去買菜   今日唔係咁熱   所以行多陣先番菇場開餐 lu ~

阿齋一開飯盒就嘆氣話阿媽真係吖   話好多飯呀   我都覺得比平時多呀   佢話要一半但阿媽比咗好多   有時話要 3 粒丸就會比 6 粒   阿齋話食唔哂真係要倒   雖然覺得好浪費但唔想格硬食   同埋話始終都係用錢買   可以自己因住個份量   但係都要煮咁多而食唔哂要倒   佢好激氣囉 ~

唔忙就做自己嘢啦   難得仲係 3D ~

放工即走   番到屋企即預備晚餐喇 ~

是日晚餐 - 燜杏鮑菇雞扒 + 菜心苗

燜杏鮑菇雞扒 - 用蒜粉醃雞扒都幾入味   我唔鍾意落鑊煎雞扒   因為啲油周圍彈   一定要做大清潔要好攰   所以就咁焗熱再落鑊燜幾分鐘   都一樣好味㗎   哈哈 ~

菜心苗 - 好似好耐無食   咁就買嚟食喇 ~

洗埋碗就開機洗衫   之後沖涼休息 ~

睇下 Youtube   睇到差唔多 10 點 45 分先瞓覺 ~

辣肉腸咖哩意粉 + 蒸節瓜粒 ( 4-JUN-2025 )

( 4-JUN-2025  WED )

尋晚半夜起身去廁所   之後里奧大人話我其實無開冷氣   怪不得唔多凍咁啦   哈哈 ~

感恩瞓得都唔錯   今朝起身都好精神呢 ~

早餐食魚肉燒賣   間唔中食呢啲都唔錯 ~

無啦啦又無咗班車   所以食完去里奧大人公司坐陣先番工喇 ~

菇場 3D   全人類最開心   哈哈 ~

Lunch Time 同溫總 阿 B 喺 Pantry 傾偈   原來佢哋又係好唔鍾意 Uber   做嘢唔掂又成日唔番工   但又無請假喎   仲話叫佢話阿怪   佢自己都唔係好啦   下屬點會聽佢講嘢呀 ~

傾到過哂時   所以拿拿聲蒸完飯就出去買菜同雞骨草   之後再行陣就番菇場開餐 lu ~

唔忙就繼續做自己嘢又傾下偈   好快又到 5 點半 ~

放工即走   番到屋企即預備晚餐   之後里奧大人就番到屋企   但未食得住   所以佢話熨衫先喇 ~

是日晚餐 - 辣肉腸咖哩意粉 + 蒸節瓜粒

辣肉腸咖哩意粉 - 之前喺一田買咗辣肉腸   用嚟煮意粉就最好喇 ~

蒸節瓜粒 - 依家帶飯就鍾意煮瓜   咁我又可以帶埋飯呢   一舉兩得 ~

洗埋碗就沖涼   抖陣就食橙同豬肉乾 ~

睇下 Youtube 又打下機   今晚 10 點 15 分都瞓覺喇 ~

奧爾良雞下肶 + 脆肉瓜燜香蔥魚丸 + 八珍豬腳薑 ( 3-JUN-2025 )

4 隻豬腳 + 2 嚿薑 + 2 隻蛋   咁又好喎   每樣留番 1 份聽晚食   我覺得食豬腳薑都幾滯下

( 3-JUN-2025  TUE )

感恩一覺瞓天光呀   里奧大人 7 點 10 分都起身   都知佢會早起身㗎喇   因為佢要去買早餐   咁等埋佢沖完涼   我都起身 lu ~

早餐食腿蛋治   我覺得 Share 食就最好   因為覺得有蛋係好飽咁呢 ~

菇場 3D   個個都忘我境界上網呀   哈哈 ~

Lunch Time 出去買菜   條街好焗熱呀   所以行咗一陣都番菇場開餐喇 ~

御品皇嘅拌麵真係又平又好味   最正係麵身都彈牙呀

唔忙就同阿花 Whatsapp   之後又做下自己嘢 ~

放工去 HKTVmall 買 2 袋甜橙   買完都番屋企預備晚餐   依家煮嘢真係好鬼慢   好在里奧大人 6 點 45 分先番到屋企   真係啱啱先煮好咋 ~

是日晚餐 - 奧爾良雞下肶 + 脆肉瓜燜香蔥魚丸 + 八珍豬腳薑

奧爾良雞下肶 - 唔想成日燒汁   所以用奧爾良粉醃喇 ~

脆肉瓜燜香蔥魚丸 - 用利川花生沙爹醬燜㗎   不過里奧大人唔係咁鍾意咁食法   哈哈 ~

八珍豬腳薑 - 完全唔記得佢存在呀   今晚見到就拿拿聲食埋去喇   我覺得味道一般   依家真係好難搵到好食嘅豬腳薑呀 ~

洗埋碗再做小清潔   之後開機洗衫   搞掂就沖涼   里奧大人就熨衫喇 ~

睇下 Youtube   好快又 10 點 45 分   係時候瞓覺 lu ~

原隻鮑魚瑤柱豚肉裹蒸糭 ( 2-JUN-2025 )

蒸到散哂咁

算係多餡㗎喇   都有雲腿 元貝同鹹蛋黃

( 2-JUN-2025  MON )

感恩一覺瞓天光呀   始終星期一都想精精神神番工家嘛   哈哈 ~

早餐食甜餐包夾芝士   其實唔想食塊芝士   不過驚唔食又擺到過期呢 ~

菇場好忙呀   真係好開心   同埋有嘢做真係精神啲㗎 ~

又到 6 月了

Lunch Time 出去買菜   今日好焗熱都唔行咁耐   咁可以早啲番菇場開餐呢 ~

忙到 3 點幾就可以抖下   唔錯唔錯 ~

放工即走   番到屋企都預備蒸糭   因為要啲時間   所以里奧大人就熨衫喇 ~

本身成隻糭蒸嘅   但蒸咗好似半個鐘   我篤下佢啦   個心仲係凍   所以即刻剪哂啲糭葉再蒸多 20 分鐘   真係無諗過要蒸 50 分鐘呀 ~

是日晚餐 - 原隻鮑魚瑤柱豚肉裹蒸糭

原隻鮑魚瑤柱豚肉裹蒸糭 - 之前家姐比嘅鴻福堂糭劵   我覺得味道唔錯呢 ~

洗埋碗就開機洗衫   之後沖涼休息喇 ~

HKTVmall 買嘅袋裝甜橙 ($23.9/袋)   我鍾意食細細個嘅橙   今次仲買到又甜又多汁添呀   所以聽日會再去買   如果仲有貨嘅話   哈哈

林志源招牌肉乾又食好好味

睇下 Youtube   今晚 10 點半都瞓覺 lu ~

辣子雞 & 椒鹽小酥肉 (外賣) + 燻蹄紅腸拚叉燒 (外賣) + 生菜苗 ( 1-JUN-2025 )

今晚好豐富   但其實食唔哂   不過咁又無咩問題   因為聽日可以再食過   哈哈

我只係拎咗少少叉燒同紅腸出嚟焗熱

( 1-JUN-2025  SUN )

感恩瞓得都唔錯   所以唔想起身住   但今日有事奉   咁點都要起身啦 ~

同里奧大人出去食早餐   今朝好早搞掂   突然多咗好多時間嘆早餐咁呀   開心開心 ~

食完去里奧大人公司幫手   差唔多 10 點幾都要走 lu ~

今日同姊妹 G 事奉有啲甩漏   但又覺得好好笑呢 ~

搞掂都已經 2 點   我買埋燒味就啱啱好有車   之後同里奧大人出去食下午茶喇 ~

里奧大人以為我仲等緊自己份下午茶呀   我話仲係好飽   食少少雞肶就可以   所以唔想買多份下午茶囉

食完就去超市同 HKTVmall 買嘢   里奧大人就番屋企瞓晏覺 ~

番到屋企即開機洗衫同熨 2 機衫   抖陣再做小清潔同埋執零食櫃呀 ~

薜記五谷穗片 (RMB3.02 & RMB3.02) & 薜記鹿角脆 (RMB4.8 & RMB5.4)

薜記小米鍋巴 (RMB2.89 & RMB2.89 & 薜記小麻花 (海苔味) (RMB7.28 & RMB6.9)

薜記香烤肉粒 230g (RMB21.8/盒X3 約HK$72) & 薜記酸奶山楂球 (RMB28.5/盒X2 約 HK$62.86)   今次喺薛記買咗約 HK$156   仲要係買埋比家姐   所以真係好抵   同埋我鍾意呢間舖頭乾乾淨淨呢

吳酥生 (RMB24.37 約 HK$26.83) - 落好香南乳味呀

創意台式風扇 (RMB49.9)   好涼同好靜   擺喺公司用就最好喇

話咁快又 5 點 45 分   咁都要預備晚餐喇   今晚 6 點半有得食 ~

是日晚餐 - 辣子雞 & 椒鹽小酥肉 (外賣) + 燻蹄紅腸拚叉燒 (外賣) + 生菜苗

辣子雞 & 椒鹽小酥肉 (外賣) - 尋晚食唔哂就打包啦   今晚焗熱食一樣咁好味道㗎 ~

燻蹄紅腸拚叉燒 (外賣) - 因為帶飯就買呢個孖寶   我覺得 $88 都抵食 ~

生菜苗 - 想食啲菜又唔想買 1 斤   所以去惠康買 Pack 菜   只係 $ 5 咋 ~

洗埋碗就沖涼休息   之後同里奧大人一齊睇 "中年好聲音 3 紅白大戰" 呀 ~

睇完就睇 Youtube   睇到 10 點 45 分先瞓 ~