鳳城水餃拚鮮蝦雲吞 (外賣) ( 28-FEB-2023 )

( 28-FEB-2023  TUE )

尋晚瞓得都唔錯   不過起身都有啲攰 ~

早餐食合桃包 + 提子麥包   其實一至五多數食包同蛋糕   始終早食午飯   朝早唔會太豐富囉 ~

菇場唔忙呀   今日勁 3D ~

Lunch Time 都唔出去喇   所以食杯麵   肥仔豪見到就話我無辣不歡   因為佢次次見我食嘅嘢   都係紅噹噹咁呢   哈哈 ~

唔忙就上網啦   今日可以全程上網呀 ~

放工去買餸   番到屋企都見到里奧大人了   所以要快啲煮晚餐   但都要接近 7 點先開餐 ~

是日懶餐 - 鳳城水餃拚招牌雲吞

鳳城水餃拚招牌雲吞 - 小旺菜墊底再加 $25 蝦滑   感覺豐富啲 ~

洗埋碗就開機洗衫   之後做下小清潔就沖涼喇 ~

9 點幾就同里奧大人睇 "模範出租車 2"   再睇埋 "沖遊泰國" ~

今晚 11 點幾先瞓   因為石頭退團唔係咁開心   唉 ~

雜錦併盤 & 炒飯 + 酸薑皮蛋 ( 27-FEB-2023 )

依家都開始鍾意食泰式咖哩

飯後甜品   之得尋日唔買咁多啦  哈哈哈哈

( 27-FEB-2023  MON )

感恩一覺瞓天光呀   年紀大真係要瞓多啲先精神   哈哈哈哈 ~

早餐食紅豆包 & 合桃包   尋晚我叫里奧大人買㗎   因為有 7 折   佢就揀呢兩款喇 ~

菇場忙咗陣   又可以做自己嘢了 ~

Lunch Time 出去行陣   今日都好凍下   所以行埋一田即去買韭菜餃米粉喇 ~

一路睇 Youtube 一路食   食到 12 點 45 分都未食完   8 卦都忍唔住話食 10 年都未食完咁   哈哈 ~

唔忙就做自己嘢啦   咁樣時間會過得快啲囉 ~

放工買埋麵包就番屋企   上次教咗里奧大人預熱焗爐   咁番到屋企可以即刻焗嘢   慳番 10 分鐘㗎 ~

是日懶餐 - 雜錦併盤 & 炒飯 + 酸薑皮蛋

雜錦併盤 & 炒飯 - 尋晚食剩㗎   所以今晚只係焗熱都好方便   始終一陣番學唔想搞咁多嘢 ~

酸薑皮蛋 - 突然好想食呀   不過皮蛋唔多靚仔   下次都係去雜貨店買好啲 ~

洗埋碗抖下就番學喇   其實有啲攰   好在課程內容吸引   咁就當堂精神了 ~

9 點半放學   番到屋企都即沖涼喇 ~

睇咗半集 "模範出租車2" 就再睇沖遊泰國   所以今晚 11 點幾先瞓 ~

金坊泰國美食 @ 紅磡 ( 26-FEB-2023 )

第一碟上菜係併盤   之後到咖哩蟹肉   再等咗 15 分鐘先嚟個炒飯   所以可以嚟張全家福了

發霉木筷子   哈哈哈哈

雜錦併盤 (蝦餅 / 魚餅 / 春卷各 2 件 / 香茅雞翼 3 隻) ($128) - 我真係好鍾意食併盤   每樣小小可以咩都試下咁嘛   但今次食剩好多呀

咖哩炒蟹肉 $168) - 里奧大人話好鹹   我又唔覺喎   不過我呢排真係成日食辣   食到無哂味雷了   哈哈

撈勻咗   就完全唔見蟹肉

菠蘿海鮮炒飯 ($88) - 好味喎   我覺得啲飯有啲煙韌嘅口感

( 26-FEB-2023  SUN )

今朝好早起身   但仲想瞓呀   可能太耐無咁夜番屋企   所以有啲攰   哈哈 ~

同里奧大人食完早餐就即去幫手   咁樣反而精神好多 ~

佢話對手好凍   我話我成日個身係滾熱辣   之後佢話我熱血   不過我話呢幾年身體好咗啲   同埋公司真係好凍   所以叫做識凍咋 ~

番完學就去崇拜   諗住走啦   見到阿妹就諗住打聲招呼就走   但比佢捉住傾咗 10 分鐘 ~

去街市買豬腰芒   再買埋午餐就番屋企 lu ~

我話食兩餸飯   因為鎮江骨真係好好味   下次齋買餸都可以

個煎堆勁新鮮   同埋都煙韌呀   真係好難得係咁   哈哈

頂爺送比我㗎   最搞笑里奧大人問係咪狗食 ?!

家姐食完話覺得好好食   所以特登再買比我呢   $3.1 只得 10g   所以佢話都貴㗎   真係好少聽佢咁講   呢包接近 $80   真係食一次就夠了

天然有機純素軟糖   真係好味道噃   口感同平時買嘅軟糖完全唔同   不過咁貴我就唔會買啦   好在我食哂之前買嘅軟糖   唔係就會唔想再食呢   哈哈

里奧大人 3 點幾就瞓晏覺   我 4 點幾先瞓到   不過都瞓咗半個鐘   里奧大人就 5 點幾起身   之後都換衫出去食晚餐喇 ~

好在 6 點左右到咋   因為坐埋我哋就無卡位了 ~

行 AEON 買麵包   再買芝麻糊同泰式甜酸醬就番屋企喇 ~

里奧大人突然大叫車銀優呀   仲以為佢整鬼我   原來真係有車銀優   所以即影比阿花睇   哈哈   

沖埋涼就食生日蛋糕喇   本身里奧大人諗住買個細細嘅生日蛋糕   不過我反而想買雜錦款   樣樣食啲更加好呢 ~

十全十美   哈哈哈哈   食剩 6 件呀   聽晚又要再食了

芒果拿破崙味 ($20) - 味道都唔錯   咁價錢唔好有要求嘛

餅底好脆又唔油   家姐下次嚟就買比佢試下先

未食呀   因為真係好飽

食完就睇 "模範計程車 2"   睇咗 1 集多啲啲都瞓   雖然只係 10 點 45 分   但都好眼瞓喇 ~

亞泰 A HAYA @ 將軍澳 ( 25-FEB-2023 )

二人套餐 ($388)

金柚子沙律 - 呢個都好味   可能太耐無食柚子   哈哈

馬拉盞炒通菜 - 味道唔錯   份量都多   家姐話好少見里奧大人夾菜食   我話佢鍾意食呢個菜咋   屋企烚菜唔多夾㗎   仲要食好耐添呀

泰式小食拚盤 - 一般啦

招牌蛋咖哩蟹肉枕頭包 - 都幾好味   個包又烘到脆卜卜    里奧大人係咁叫我哋快啲食   

泰人大頭蝦冬蔭湯 - 呢個連家姐都話辣辣哋   同埋好熱   呢下好飲   飲嘅感覺唔似例湯   哈哈

菠蘿沙冰 ($28 買一送一) - 味道比較淡

泰式甜品 (4件) - 千層糕都煙韌   我唔食椰汁西米糕   唔知點解好唔鍾意食囉

( 25-FEB-2023  SAT )

感恩一覺瞓到 7 點半   不過覺得好早咁   所以再瞓下   又瞓到 8 點半都起身   里奧大人都話想起身呢 ~

梳洗就出去食早餐   之後里奧大人要番公司一陣   我就番屋企做大清潔喇 ~

今次認真執柜同個零食柜   成日買完就咁擺   如果唔執就好似無位擺咁㗎 ~

搞掂哂就熨衫   對手無停過呀   不過難得 Off 喺屋企   我都係想做下家務呢 ~

沖埋涼就溫書   再望個鐘原來已經接近 2 點幾   我要去買午餐喇 ~

我同家姐都鍾意食粗粒花生醬   所以我話買大樽啦   我本身都食剩半樽都諗住買嘛   依家可以 Share   不過我只係要咗 1/5 咋   不過佢都好快食得哂   唔會浪費呢    

差唔多 4 點就出發去家姐屋企   不過家姐未番到屋企   所以我咃上去坐下先 ~

Berry 一開門就勁吠仲呢埋枱底   里奧大人話佢做咩咁驚 ?!   我話不嬲係咁㗎   用把聲來嚇人   哈哈哈哈 ~

里奧大人睇說明書   我就同 Berry 影相   難得佢坐定定 ~

望住我部手機

佢係咁望住里奧大人   係咪以為里奧大人係賊呀   哈哈哈哈

佢係咁巡房   唔攰先奇   哈哈哈哈

又用對衰眼望我   哈哈

好攰咁噃

Berry 女嘅零食

5 點幾同里奧大人出去搵食   咁我問家姐工人一陣食咩 ?!   佢話家姐今日買印尼飯比佢食   所以依家仲好飽 ~

之後話家姐自己食包好慘   又話家姐朝早食方包   佢會烘熱比家姐食   但佢自己就唔食方包   只食綠茶紅豆包   我話妳食個早餐仲貴過我呀   再計條數比佢睇   之後佢就大笑   話知道太太對佢好好   真係勁識講嘢啦 ~

我話咁夜晚一齊食蛋糕啦   工人即刻祝我生日快樂 身體健康 恭喜發財   之後話恭喜發財唔係喎   哈哈 ~

去到商場都睇下有咩好食先   但一定唔會食中菜同上海菜   因為家姐唔鍾意食   咁 Pizza 又啱啱食過   所以里奧大人話要食我嘅家鄉菜   哈哈 ~

咁家姐都話好   所以都即入去攞位   我睇多陣餐牌   家姐都到咗 lu ~

家姐係都要坐出面   我知佢想比錢之嘛   最搞笑佢坐入面   個袋點都要拎住   我話根本妳無機會比到錢   因為我坐出面   去埋單都快過妳囉 ~

今次猜輸請   最後家姐輸咗   不過我請啦   我張信用卡仲有好多錢呀   想快啲用埋去就 Cut 卡   哈哈哈哈 ~ 

我話工人頭先話好飽唔食飯呀   咁駛唔駛都買啲嘢佢食 ?!   家姐話尋晚工人話好想好想食印尼飯   但今朝又話放假都係唔想出街   家姐話乜唔係想食印尼飯咩?!   工人話尋晚肚餓就想食   今朝唔想食 lu   不過家姐都特登去另一個村買比佢   等佢開心下 ~

食完就去拎蛋糕   之後番屋企喇   今晚超級超級凍   我短袖 One Piece 加件薄外套   其實好鬼凍啦   不過費事佢哋擔心我   所以我話唔凍囉   等佢哋仲話我好勁   哈哈 ~

呢個枕頭都好用   因為我用完之後   起身無腰痛呀   所以買個比家姐喇

里奧大人幫家姐整 Router   差唔多由 8 點半整到 9 點 ~

Berry 個美臀挨住里奧大人   其實又唔係怕里奧大人㗎喎

好安靜咁   哈哈

慘慘樣

搞掂就食生日蛋糕喇   佢哋唱完生日歌就拍手   Berry 聽到係咁吠呀   哈哈哈哈 ~

榛榛繽紛 ($198) 

家姐屋企無打火機   我話無蠟燭都無問題啦   之後佢入廚房開煤氣爐點蠟燭   仲好開心出嚟問我哋係咪好叻呀 ?!   哈哈   不過我真係無諗過咁喎   哈哈

家姐叫我同里奧大人揀㗎   之後我話生日牌唔好寫我英文名   因為好生外   家姐話本身真係諗住寫英文名㗎   但感覺好怪咁   所以寫靚靚妹妹   呢個名牌好搞笑   我話你寫阿妹   就肯定係妳送   因為無人叫我阿妹家嘛   哈哈

家姐喺呢間餅店訂蛋糕

食完就到里奧大人教工人點樣幫家姐按摩   Berry 黐到佢哋實一實   佢今晚真係好黐人喎   係咪仍然覺得里奧大人係賊啫   哈哈哈哈 ~

坐到邊都係望向住里奧大人方向

里奧大人無講嘢   就會唔望佢

但里奧大人一講嘢   佢就即刻望住   真係好搞笑呀

對眼咁大咁嘅   同埋好似縐眉頭咁   哈哈

家姐同工人加 Berry 送我哋搭車   其實 Berry 係超級細膽   之前家姐同工人一齊放佢啦   佢見到另一隻狗行埋去   佢即縮去家姐同工人後面呀  但今晚4個人護住佢   佢就吠其他狗呀   真係呢

差唔多 9 點 45 分上車   番到屋企都接近 10 點 35 分   所以要即沖涼喇 ~

睇下新聞   今晚 11 點半先瞓 ~