麻酸樂米線專門店 @ 九龍灣 ( 31-JUL-2018 )

大漢雞翼



香酥春卷



香茅骨米線 (麻辣肉碎湯底)

順德魚腐上海拉麵 (麻辣肉碎湯底)

( 31-JUL-2018  TUE )

又一覺瞓天光呀   真係爽 ~

早餐食醬占多   尋日食完腿蛋治真係勁辛苦   所以今朝都係輕盈餐算喇   咁我晏晝就可以食嘢呢 ~



菇場忙咗陣就可以 Hea   拿拿聲揀相喇   襯阿 A 唔喺度嘛 ~

Lunch Time 出去買水餃米   真係好鍾意食水餃   爽爽脆脆   搵機會自己包水餃先   最緊要有木耳絲   因為我唔係咁鍾意就咁食木耳   但一絲絲又 OK 喎   麻鬼煩   哈哈 ~

里奧大人今晚 7 點半去灣仔聽講座   本來話唔同佢食   費事大家都咁趕   同埋我仲嬲緊   之後佢又無啦啦話同我食   咁是但啦   去九龍灣食囉 ~

放工即走   我仲早過佢到麻酸樂   哈哈 ~

食到差唔多 6 點半走喇   諗住睇中醫   點知無開   咁之得唔駛咁趕啦 ~

抖到 7 點 10 分就去徑步   徑半個鐘就番屋企   拖埋地就開機洗衫   搞掂哂就即沖涼喇   勁鬼熱 ~

睇下電視   里奧大人 9 點 50 分先走人   番到嚟差唔多 10 點半   傾多陣偈   我 11 點幾都自己瞓先 lu ~ 

豬柳漢堡炒油麵 + 白菜仔 + 炸魚皮 (外賣) ( 30-JUL-2018 )

( 30-JUL-2018  ( MON )

雖然一覺瞓天光   但因為隻腳痛   要就住黎瞓   所以瞓到膊頭都痛埋添 @@

早餐食腿蛋治   飽到上頭殼頂 ~



菇場忙呀   所有大粒唔喺度   諗住全日 load 相   但人算不如天算   嘩哈哈哈 ~

Lunch time 未餓   咁出去行陣啦   買咗魚肉燒賣 + 炒米粉番菇場食   但差唔多 1 點 15 分先想食嘢   無計   早餐未落格 ~



仍然忙啦   樣樣煩嘢   人都顛 ~

放工即走   今餐好簡單   所以 7 點都有得食喇 ~

是日懶餐 - 豬柳漢堡炒油麵 + 白菜仔 + 炸魚皮 (外賣)

豬柳漢堡炒油麵 - 諗唔到用咩嘢炒   求其用豬柳漢堡啦   仲剩 3 塊   要快快手清埋去呢 ~

白菜仔 - 買咗 1 份 ($5) 嘅   不過唔係咁甜嘅 ~

炸魚皮 (外賣) - 好想食呀   但又係食剩一半   咁留番聽晚啦   雖則香口嘢   但夾硬食會好漏囉 ~

洗埋碗都差唔多 8 點   抖 10 分鐘就同里奧大人去徑步 ~

我隻腳有少少痛㗎   不過我想做運動囉   做 20 分鐘都好   難得天氣唔焗又無落雨嘛 ~

徑完就番屋企沖涼   之後開機洗衫   搞掂哂就休息 ~

里奧大人又鬼上身   所以頂唔順同家姐同阿 mi 呻   好在呻完又舒服好多   真係好想燒佢數簿   他媽的   唔好再挑戰我嘅底線   容忍有限度   我唔出聲   唔代表無嘢   係要你自己反醒下呀   他媽的 ~

咁我 10 點 45 分都自己瞓先喇   佢又同我祈禱   因為我隻腳仲痛   佢好擔心   我搽咗喜療妥都仲係痛   話好少會咁痛法喎   嗰下我覺得佢係嚴重精神分裂 ~

豉油雞 (外賣) + 芥蘭 + 芫茜皮蛋魚片湯 ( 29-JUL-2018 )

( 29-JUL-2018  SUN )

感恩一覺瞓天光呀   鬧鐘 9 點 45 分響   但我 9 點 43 分起身去廁所   終於早過里奧大人起身   哈 ~

搞掂哂就去食早餐   依家有好多時間食早餐   因為我唔要咁趕頭趕命呢   我寧願早起身呀 ~

好鍾意個漱口盅   哈哈



呢個大衣夾又係好鬼正   





食完就番教會   崇拜完畢諗住行快啲   點知撞親隻腳   痛鬼到我要坐低抖呀   變相仲慢咗   哈哈 ~

我去買餸   里奧大人就約咗姑奶傾嘢   之後再去舖頭整嘢 ~

咁我買完餸都 2 點   飲包紙包奶茶同食 3 件杏仁酥   再抖陣就煲冬瓜袪濕水 ~

今日勁喇   出動全力抹嘢所有嘢   之前真係好攰   無哂動力做家務咁   但又成日知道自己無抹嘢   瞓唔着架真係   始終有嘢未做嘛   所以今日做哂大清潔   今晚應該有覺好瞓   哈哈 ~    

里奧大人 4 點幾番到嚟   叫佢即飲冬瓜水   佢就好緊張咁話:   係呀   要早啲飲   唔係成晚去廁所 ~

6 點開始滾湯   今晚非常之簡單   所以 7 點唔夠就可以開餐呢 ~

是日懶餐 - 豉油雞 (外賣) + 芥蘭 + 芫茜皮蛋魚片湯 

豉油雞 (外賣) - 呢排成日都好想食豉油雞   好奇怪 ~      

芥蘭 - 倒咗滾水喺鑊   但唔記得開火   奇怪點解啲芥蘭瞓喺度唔郁   咁好啦   再開火   因為我唔想食好腍嘅芥蘭   所以好快又熄火   但其實我唔記得淥咗幾耐   咁里奧大人一咬就話係咪未熟 ?!   我心諗係咪唔想食呀 ?!   之後我咬啦   真係未熟   又要再淥過   哈哈 ~

芫茜皮蛋魚片湯 - 係時候要飲番啖湯喇 ~

洗埋碗再開機洗衫   之後就大清潔廁所   勁攰呀 ~

唉   隻腳仲係痛添   好在唔係第日去旅行咋   唔係就慘了 ~

今晚 11 點唔夠都自己瞓先喇   依家一有睡意都即瞓   話知佢係 10 點半   哈哈 ~  

愛文生 @ 深水埗 ( 28-JUL-2018 )

阿 mi 同阿喂啲動作好似猜枚咁   哈哈



豉椒炒蜆 ($88) - 加辣真係惹味好多呢   哈哈

家鄉小炒皇 ($108) - 味道 OK 呀   我最鍾意食腰果



潮式炸蠔餅 ($88) - 呢個真係好味道   熱辣辣脆卜卜   



避風塘三寶 ($98) - 無咩特別   但就好油呢



( 28-JUL-2018  SAT )

家姐呢兩個星期六都唔駛番工   所以今朝同 8 卦食早餐   佢都好出奇   我點解同佢食早餐 ~



菇場忙啦又   之後做完諗住 load 相   點知老闆喺我隔離房開會   咁我做其他嘢啦 ~

放工即走   今日去深水埗   但里奧大人就早啲出去幫阿 mi 睇 Flash Card   我去到深水埗都 1 點 40 分   咁里奧大人去阿明印尼餐廳拎位先   我就自己行過去喇 ~

加多加多飯團 - 我話要辣   但完全係無辣味   得沙爹醬味 @@



啲蔬菜唔夠乾身   所以撈埋個沙爹汁 (=沙嗲汁 + 水)   無哂味咁囉   之前食都唔係咁嘅   今次我真係覺得好難食呀 @@      



黃薑飯 (巴東牛肉 / 青瓜 / 花生 / 魚乾仔 / 茄子 ) ($58)



個黃薑飯好腍    連里奧大人都覺腍   真係好唔得囉   估唔到雞蛋上面嘅橙色辣醬   係超級勁辣呀 @@



我其實之前都諗唔到食咩   估唔到里奧大人話去阿明食   知我想食好耐   但好多時都要等位   所以食唔到   不過今次真係希望越大   失望越大   連對面嘅印尼華僑都話今次啲食物整得好差呀   咁我應該唔會再黎 lu ~

食完就去姑奶嘅教會   今日有個感恩聚會   2 點半開始   完畢就有個聚餐   我同里奧大人差唔多 5 點都走喇   咁我地都直接去愛文生 lu ~

我食少少嘢   因為好想食呀   樣樣都好味道



今晚約咗阿 mi 喂去愛文生食飯   事緣上次去完新興之後   阿喂話下次去愛文生   咁啱我地今日會出深水埗   所以再約佢地去愛文生食飯呢 ~

我地 5 點 40 分到咗   已經差唔多 full 哂   好在我地先到先等咋   過咗無耐   阿 mi 佢地都黎埋 lu ~

食下傾下   我飲咗半杯酒之後   突然間好眼瞓呀  直頭 wing wing 地咁   可能頭先太熱   加上我其實唔多飲酒   所以好快上腦   哈哈哈哈   所以要即飲可樂提提神呀 ~

阿 mi 好開心咁同里奧大人講   今晚有人斟酒比佢飲喇   因為酒桶喺里奧大人隔離   阿喂真係唔會斟比阿 mi 架喎   但就會斟比里奧大人   正路同時會斟比左右隔離家嘛   下次酒桶應該擺阿 mi 隔離   等佢配給   同埋唔斟比阿喂   哈哈 ~

今晚飲咗 10 支大啤呀   如果我都飲得就好啦   佢地唔駛就住就住   哈哈 ~   

眨下眼又 10 點幾   係時侯走人喇 ~

一齊行去搭地鐵   千其唔好問我點行   因為頭先都搵咗好耐 @@

番到屋企都即沖涼喇   差唔多 12 點先瞓呢 ~

泰串 @ 官塘 ( 27-JUL-2018 )

泰式脆肉炒椰菜苗 ($78) - 我最期待嘅餸   但見佢賣相真係極度失望了   鹹肉啲皮完全唔脆   同埋我食開嘅係一個個好細嘅椰菜苗   唔係咁囉    



泰式串燒 ( 雞腎 / 雞肉 / 牛肉) - $12/串   味道唔錯呀



特色蝦醬炒飯 ($68) - 呢個炒飯好味呀   但食完真係飽哂



個飯都好多料   所以咬到牙都軟   哈哈
 


陪里奧大人飲啦   但我最多飲 1 杯㗎咋



侍應姐姐強調啲辣椒粉好辣好辣   真係好辣   但我話無問題   之後再比埋另一碟辣汁比我哋   辣椒粉嘅辣度   其實同平時食開嘅一樣   可能佢唔太食得辣   所以驚我辣親呢



( 27-JUL-2018  FRI )

又 Happy Friday 喇   7 月又就快過完 lu ~

早餐食芝腿治   好飽呀 ~



菇場忙呀   時間過得好快 ~

Lunch Time 食 K 餐   今次就好飽喇   可能本身唔餓   哈哈 ~   

忙呀忙   終於等到放工   即走喇 ~

約咗里奧大人喺官塘熟食街市問口等   之後先一齊上去搵間食店啦   但兜咗 2 次都搵唔到   最後又行番去新興門口   阿姐問我搵邊間 ?!   我話 XX   佢話 XX 執咗幾年啦   所以我哋即轉去泰串囉   因為得佢係唯一一間食泰菜   哈哈哈哈 ~

但我睇食評係上年寫架喎   點會執咗幾年呀   唔好嚇我好噃 ~   

呢間味道都 OK   但環境真係唔太接受到   所以唔會再嚟   哈哈 ~

番到屋企都即沖涼   之後休息喇 ~

11 點幾先瞓   好在聽日番半日 ~

粟米炒豚肉 + 蠔油芥蘭 ( 26-JUL-2018 )

( 26-JUL-2018  THU )

尋晚半夜發惡夢呀   好記得個夢係阿 mi 用間尺指住邊啲方向有鬼   之後就指住我間房   咁我瞓喺床度嘛   之後我張被開始被拉開   所以大叫啦   咁最恐怖係隻鬼已經喺我膊頭郁緊   我完全係真實 Feel 到咁喎   所以叫得更加大聲啦   但原來係里奧大人拍醒我   佢比我嚇親呀   話聽見我好大聲叫呀   佢帶咗耳塞都聽到呀   不過我都聽到自己好大聲叫呢   哈哈 ~

咁驚完一輪又瞓番   點知再發鬼夢   個夢係老闆生日   半夜三更所有同事去酒樓同佢慶祝   好記得個牌仲寫住 "大老闆生日快樂"   咁食完飯就送大陸同事搭 Lift   咁應該 7 樓停   但 4 樓開咗門   有隻幾鬼入咗嚟   之後唔記得點樣佢哋又走咗   咁好喇   之後到 8 卦老婆同個女鬼上身   變咗男人聲   仲叫我唔好講比 8 卦知   勁驚囉   唉   尋晚好似無瞓過咁 ~

今日里奧大人有嘢要搞   所以早咗起身   咁叫佢陪我食早餐呢 ~





菇場忙下停下   但我想抖下   哈哈 ~

Lunch Time 出去行陣   再買嘢食番菇場慢慢食 ~



仍然忙下停下   所以都好快放工了 ~

番到屋企即預備   里奧大人差唔多 6 點半番到嚟   但 7 點先有得食呢 ~

是日懶餐 - 粟米炒豚肉  + 蠔油芥蘭

粟米炒豚肉 - 呢個餸幾好味㗎   鹹鹹甜甜咁   最衰我加咗 1 條香腸   係德國舅父買比我哋   但太重肉味   好難頂 ~

蠔油芥蘭 - 買過幾次芥蘭   硬係有幾條係苦咁   唔鬼再買喇   其實我好鍾意食芥蘭㗎 ~

洗埋碗就拖地   沖埋涼就再開機洗衫   比里奧大人激死   床邊有件底衫又無洗   咁我再揭開張被又有件底衫   所以我話怪不得你日日開機洗衫   啲衫洗極都有咁   嘥水嘥電嘥時間 ~        

今晚都攰   所以 11 點都瞓喇 ~

焗腐皮蝦卷 & 魚肉燒賣 + 蕃茄南瓜粟米湯 ( 25-JUL-2018 )

( 25-JUL-2018  WED )

尋晚一覺瞓天光   但都仲係有啲唔舒服   所以今朝食火腿通粉餐   狂落胡椒粉呀 ~



菇場忙呀   所以時間過得好快 ~

Lunch Time 出去買煲湯料   之後再買牛什麵番菇場食 ~



仍然唔舒服   次次一到 4 點幾就係咁打噴嚏   真係好奇怪 ~

放工即走   番到屋企都要預備晚餐   7 點可以食得 ~   

是日懶餐 - 焗腐皮蝦卷 & 魚肉燒賣 + 蕃茄南瓜粟米湯

焗腐皮蝦卷 & 魚肉燒賣 - 焗燒賣原來係非常之乾   個皮焗到卜卜脆   好在魚肉唔乾咋 ~

蕃茄南瓜粟米湯 - 5 個蕃茄 + $5 南瓜 + 2 條粟米   好味道呀   但今晚半夜一定要去廁所   哈哈 ~

洗埋碗就即沖涼   之後食埋生果就休息喇 ~

里奧大人又熨衫   我叫佢唔駛成日幫我洗衫熨衫㗎   好好休息啦   不過佢話大家要分工合作喎 ~

佢熨咗今晚 1 機衫   但我話尋晚果 1 機衫未熨喎   之後佢即刻話你頭先叫我留番比妳做家嘛   依家就可以比妳做啦 ~

我咪話佢囉   成日甩甩漏漏   攏衣架又唔同方向   咁我又要嘥時間擺番同一方向   所以喺屋企好易發脾氣就係咁解  ~

今晚好攰   所以 11 點都自己瞓先喇  ~

銀咖哩 @ 九龍灣 ( 24-JUL-2018 )

佢明明整緊唔知咩   我話妳唔分一半呀 ?!   衰得佢立即分呀   想比多啲飯比我吖嘛   睇住佢撩咗啲比我 (匙更指住嘅位置)   條友話以為我玩緊電話睇唔到佢呢個動作呀   衰



咁少嘅飯   佢都要分比我   黐鬼線   哈哈

( 24-JUL-2018  TUE )

感恩一覺瞓天光   雖然精神   但個人都好浮咁   唔知係咪作病 ~

早餐食奶醬多   真係好乾爭爭呀   哈哈 ~

菇場忙咗陣   之後抖喇   難得所有大粒唔喺度   呵呵 ~

Lunch Time 出去買酸辣米線   又係食完好眼瞓   怪不得我好耐無食佢啦   我覺得係有原因   但當下唔記得   依家就記得啦 ~



放工去九龍灣   因為仲有張爆谷劵喺後日到期   所以今晚食完嘢就去拎喇 ~

里奧大人唔想我食壽司   咁我話去銀咖哩啦   我想食飯 ~

食完就行陣   拎埋爆谷就番屋企喇 ~

番到屋企即洗衫   之後沖涼 ~

一齊睇戲食爆谷   差唔多 11 點幾就瞓喇 ~



臨瞓前我話好凍   要蓋埋佢張被   佢話好少聽我話凍   所以即刻拎粒感冒必利痛比我食   我叫佢順便拎多兩包 Hot Lemon 比我帶番公司飲呢 ~