住家飯 @ 媽咪屋企 ( 30-nov-2010 )

煎鯧魚麵豉蒸排骨炒椰菜滷水乳鴿 ( 外賣 )菜干瑤柱皮蛋鴨腎豬骨粥









( 30-nov-2010 tue )
尋晚瞓得好差呀   無乜胃口食嘢   只想飲杯咖啡   所以去 KFC 喇   食鬆餅 + 薯餅 + 咖啡都係 $11 咋   不過薯餅都唔好食嘅 ~
番到菇場忙咗成朝   好快到咗 lunch time   叮番之前食剩嘅 Pizza   好彩仲食得啫   如果加埋黑椒 + Tabasco + 芝士粉就好啦 ~ 
里奧大人又上咗大陸   我又驚過兩日會每月一到   所以即興去媽咪屋企食飯 lu ~

創發茶餐廳 @ 深水埗 ( 29-nov-2010 )

( 29-nov-2010 mon )
星期一喇   今朝好想食辣嘢呀   所以食燒賣粉果   好好味呀 ~
菇場都一般忙咁啦   呢朝都係 hea 住咁等 lunch time   有 lunch box   咁就唔駛諗食乜 ~
食完飯之後就忙咯   差唔多 5 點先搞掂 ~

今晚同里奧大人去醫院探佢嘅親戚   之後就同埋大姑奶一齊食飯   都無乜胃口   所以食粉麵算喇   因為好想快 d 番屋企休息呀 ~ 

鰻魚汁煎豬扒 + 大眼雞 + 蒜蓉炒西蘭花 + 黃薑炒飯 ( 28-nov-2010 )

( 28-nov-2010 sun )
今朝同里奧人 9 點 15 分就醒咗 lu   佢去沖涼   我都唔懶床 lu   早起 d 時間好用好多呢   同埋又約咗大食表妹同朋友一齊番教會   都唔想太遲先出門口呢 ~


崇拜完之後里奧大人就陪朋友買相機   我就去睇護膚品   之後再一齊去 Pizza Hut  食 lunch   叫咗個二人餐   根本份量多到 4 個人都食唔哂   都唔明點解叫 2 人餐 ~




食完番屋企 lu   熨埋幾件衫就比自己 hea 喇   坐喺梳化睇下電視   又涼涼地   都不經意瞓咗陣   之後就有氣有力煮飯喇 ~

是日晚餐 - 鰻魚汁煎豬扒 + 大眼雞 + 蒜蓉炒西蘭花 + 黃薑炒飯
鰻魚汁煎豬扒 - 唔知食乜好   所以又用鰻魚汁做醬汁   甜甜地唔錯架 ~  
大眼雞 - 又係媽咪比架   不過食埋呢條就食完 lu   今晚唔記得整豉油胡椒粉   但記得嘅時候已經太遲喇   因為差唔多食完   里奧大人就話佢都覺得奇怪   點解無嘢點   哎 yo   咁你可以開聲問家嘛   真係 ~
蒜蓉炒西蘭花 - 其實我想食菜心苗架   不過費事里奧大人話又食   所以就整西蘭花喇   同埋 $8.8/3 個又好抵呢 ~
黃薑炒飯 - 懶得切蒜粒   所以加黃薑粉炒   都幾好味架 ~ 
食完飯抖 1 個鐘就同里奧大人出發去跑步   好耐無一齊做運動喇 ~   

沙爹王 @ 官塘 ( 27-nov-2010 )

牛油雞翼

豉椒炒蜆

避風塘賴尿蝦

印度薄餅配咖哩汁

沙爹西生菜

青檸柑梅蜜

( 27-nov-2010 sat )

今朝自己一個人食早餐呢   本來想食燒賣   點知有個同事喺門買外賣   我都唔好意思入去食啦   果時已經 850 嘛   所以我即轉場食扒芝腿治 lu ~
菇場都忙喎   忙到差唔多 12 點   點都要比小小私人時間自己 relax 嘛 ~ 
晏晝快快口食完個 lunch 就去針灸   早去早回   我實在好怕好怕一個人等嘅感覺呢 ~
今晚好想出街食飯   所以同里奧大人就近近地去官塘沙爹王喇   真係好感恩   因為之前同影子食過一次沙爹王   所以有 $24 Cash Coupon   即係等如唔駛加一喎   同埋我以為上次無拎到   原來係比咗里奧大人   感覺好似又無變有咁   真係份外開心架 ~
食到爆肚   一定要行下呀   去 APM Logon 睇嘢   比錢嘅時候又記得自己有 City'super 卡    原來又有 Discount 架喎   所以又好似慳咗咁   實在太好喇 ~ 
我仲諗住行埋 Jusco 十蚊店家嘛   點知里奧大人話睇時間喎   仲有嘢未做   唉   真係無癮呀 ~ 
今晚無無聊聊玩個唔知乜嘢心理測驗   我睇完個結果真係好爆笑呀   哈哈 ~

鰻魚汁炒日本蟹餅 + 大眼雞 + 蒜蓉炒豆苗 ( 26-nov-2010 )

(26-nov-2010 fri )Yohoho   Happy Friday 喇   所以就去椰林閣 hea 住黎食早餐   仲有卡位坐   真係好 relax 咁呀   但係坐坐下有陣 "up" 味   諗住轉位   點知都係 "up" 味   如果唔係飲咗啖咖啡先發現   我就走架喇   好難頂呀 ~
呢朝無咁忙喇   但搞 d 搞 lu   都差唔多 lunch time   尋晚去媽咪屋企食飯   所以順便帶埋 lunch box   又可以慳番一餐 ~ 

無嘢做就諗下今晚煮乜啦   不過其實諗唔諗都一樣   煮黎煮去咪又係果 d   噢 ~  

是日晚餐 - 鰻魚汁炒日本蟹餅 + 大眼雞 + 蒜蓉炒豆苗鰻魚汁炒日本蟹餅 - 比我就咁煎呢   一係燶   一係就唔香咁   所以我加埋鰻魚汁一齊炒   又好似一樣新餸咁   唔錯丫   最緊要個腦識急轉彎   嘩哈哈 ~

大眼雞 - 媽咪比我架   好大條呀   我好鍾意食大眼雞架   但煲湯果 d 就食唔到喇   因為好細條好多骨呢 ~ 

蒜蓉炒豆苗 - 今次係第 2 次整   記得第一次整得唔好食   所以唔敢整   但依家覺得自己都應該會整得幾好味   所以就整喇   同埋我真係好鍾意食豆苗   如果整得好   咁多過選擇嘛 ~   今晚食完飯就要好快咁熨衫加拖地   因為里奧大人話今晚唔駛做公司嘢   可以陪我睇戲喎   揀咗之前錄咗嘅 "禮儀師"   估唔到都幾好睇   同埋最尾好感人   喊到我呢   最驚臨瞓前喊架    第朝對眼會好腫呢 ~ 

住家飯 @ 媽咪屋企 ( 25-nov-2010 )

( 原來寶寶都鍾意睇義海豪情架 )






( 25-nov-2010 thu )
尋晚涼涼地   真係瞓到唔願起身呀   雖然飲埋咖啡   但都覺得好攰咁囉 ~
菇場超得閒   成日上網有 d 唔慣呀   因為實在太傷神喇   所以仲更加攰   更加想瞓呀 ~ 
晏晝有 lunch box   諗住食完瞓陣   但又瞓唔到喎   唯有又上網睇嘢啦 ~  
終於等到放工   今晚里奧大人又要上大陸   所以我又去媽咪屋企食飯喇   又可以拎埋湯   買嘢又可以 share   但其實以前住大埔都可以咁   但點解又唔會咁做嘅呢   可能唔想拎咁遠啦 ~ 
食完飯傾下計   差唔多 8 點半就走人 lu   唔駛急急腳走嘅感覺實在太好喇 ~