麻辣手撕雞 (外賣) + 節瓜鹹蛋湯 ( 30-SEP-2020 )

( 30-SEP-2020  WED )

感恩一覺瞓天光   仲無發夢添呀 ~

今朝又係塞車   尋日又係塞   都唔知發生乜事 ~

買埋早餐番到菇場都已經 8 點 40 分   食完先洗杯 ~

忙下停下又到 11 點 45 分 Lunch Time   去買糖比家姐就再買酸辣米線番菇場食 ~

我要小辣   但今次唔辣仲要好酸

做下停下   諗住放工即走   點知臨放工   西瓜召集所有同事入 Showroom ~

原來係加人工呀   真係超級開心   加幅令我非常滿意   好老實講   我都唔記得有加人工呢回事   所以今日份外開心呢   感恩感恩 ~

差唔多 5  點 45 分先走人   買埋手撕雞就即番屋企喇 ~

開信箱收到保險嘅 Loyalty Bonus   今日真係好事成雙 ~

里奧大人 6 點幾先番到屋企   叫佢沖埋涼先食飯   所以要 7 點開餐 ~

是日懶餐 - 麻辣手撕雞 (外賣) + 節瓜鹹蛋湯

麻辣手撕雞 (外賣) - 間唔中就好想食    可能因為係辣嘢   哈哈 ~

節瓜鹹蛋湯 - 呢個湯簡單又好味   又可以下火   真係唔錯 ~

洗埋碗就沖涼   之後就食生果   呢排好多生果輪住食呢 ~

仍然重覆睇 "反黑路人甲"   里奧大人話係 ATV 重現   哈哈哈哈哈哈 ~

睇到 11 點幾都瞓喇   今晚都有啲攰呢 ~

炸雞 + 薄餅 + 肉醬意粉 ( 29-SEP-2020 )

今晚無煮菜   所以食多啲生果

( 29-SEP-2020  TUE )

今朝里奧大人起身   我仲以為已經 7 點 10 分   之後佢出門口   我望個鐘原來只係 7 點   咁我都瞓到 7 點半先起身 ~

早餐食奶醬多   以前堂食乾爭爭   反而外賣就比較多奶醬 ~

菇場忙下停下   都好快到 Lunch Time ~

要幫妹妹睇下軟糖嘅價錢   咁順便買比佢同家姐食啦   之後買埋炒麵就番菇場喇 ~

買比家姐 & 妹妹   佢哋見到實好開心

一路食一路整相   其實我唔可以一心二用   所以食到 12 點 50 分呀 ~

又係忙下停下   今日啲時間都好易過   4 點幾又食月餅   我同 8 卦講話食埋呢次唔食喇 ~

富臨嘅紅豆月餅   我唔係咁慣食呢啲味道嘅月餅

放工即走   原來里奧大人遲我一班車   咁即係要快快手煮晚餐 lu ~

不過今晚只係焗熱同炒熱過意粉   非常之方便 ~

洗埋碗就開機洗衫   之後沖涼   抖陣再食生果 ~

好鍾意食好大個嘅蕃鬼荔枝   啖啖肉又少核   不過食完就真係會好飽好飽   

里奧大人無啦啦同我講我部手機套爛咗   我即刻話係佢整爛   唔係點解會知道爛咗 ?!   佢話尋晚幫我放好手機見到爛咗呀   仲話係 Berry 整爛   叫家姐賠番比我   其實我哋兩公婆都好鍾意老屈   哈哈

里奧大人 10 點半開會   好在開到 11 點咋 ~

睇多陣電視   11 點幾都瞓 lu ~

CHUBBY'S PIZZA (外賣) @ 屋企 ( 28-SEP-2020 )

星期一套餐 ($165) - 環球世界薄批 (普通批) & 招牌肉醬意粉 & 炸雞 2 件 & 飲品 2 罐   里奧大人幫我再加多 2 件炸雞   今晚食剩 2 件 pizza & 2 件炸雞 & 肉醬意粉   聽晚又唔駛煮   發達喇

( 28-SEP-2020  MON )

感恩一覺瞓天光呀   之後里奧大人都起咗身話同我食早餐   佢話佢都一覺瞓天光   感恩感恩 ~

我沖埋涼就食得早餐   勁似 WFH 咁   哈哈 ~

菇場唔太忙   但個肚成日搞搞下咁   好鬼煩 ~

今日又派口罩   Admin 話以為拎錯粉紅色比我   但其實佢無拎錯   之後問我好唔好用 ?!   我話好用但質地厚咗啲   所以用哂藍色再用粉紅色   佢話老闆要求口罩要 Level 3 保障員工安全   但其實派比我哋所有口罩都係 Level 3   所以真係好感動 ~

之後收到公司群組訊息   星期六全公司放假   真係又感恩又開心呢 ~

里奧大人去咗姑奶屋企拎嘢   之後就陪我食 Lunch   勁開心呀   哈哈 ~

黑椒牛肉飯 ($59) - 好耐無食喇   覺得好味道

菇場唔忙   又係咁同 8 卦傾偈   依家多數係咁   但今日成日打錯字   明明想打 TKS 但打錯 KTS   8 卦話係咩 ?!   佢話諗咗好耐都諗唔到係咩   哈哈   傾得太多偈   完全無為意自己打錯 ~

4 點幾食月餅   其實都幾好㗎   食下嘢啲時間好易過嘛   哈哈哈哈 ~

用紙巾包住件月餅   係咪勁似垃圾 ?!

雖然我之前食咗奇華白蓮蓉月餅   但可能大同迷你都有分別嘛   咁我一切開   我同 8 卦一齊扁哂咀   因為美心一切就聞到好香   但呢個無

放工即走   里奧大人話外賣 Pizza   咁好呀   我可以唔駛煮   哈哈 ~

番到屋企即開機洗衫   之後沖埋涼就等食   但等咗個半鐘覺得唔對路   我同里奧大人講話凍哂好難食呀   之後里奧大人打去追啦   佢地話出咗車好耐   里奧大人叫佢地幫手跟跟   凍哂好難食㗎 ~

我覺得好搞笑   里奧大人會講凍哂好難食   佢話因為個老婆咁講佢咪咁講囉   哈哈 ~

   

終於等咗 2 個鐘先到   真係好離譜 ~

7 點半開餐   仲遲過平時開餐時間    哈哈 ~

食完唔駛洗嘅感覺真係十分之好   抖陣就食提子   依家要好積極食生果   因為樣樣都要趕住食   好驚壞呀 ~

睇多陣電視   我 10 點半都瞓喇   其實 10 點睇睇下電視都好想瞓   今日其實都無咩點郁   反而咁快眼瞓 ~

香煎三文魚柳 + 節瓜鹹蛋湯 ( 27-SEP-2020 )

蘸他他醬好正架   其實係我想清埋啲酸青瓜   哈哈

( 27-SEP-2020  SUN )

今朝里奧大人出咗門口   其實我都醒醒哋   但又覺得太早起身   所以又瞓下   不過瞓得唔好   臨起身前仲發惡夢   屋企有好多鬼   啲鬼仲 "捐" 入我張被入面   個畫面好真實   我感覺都張被係郁咁架   之後好在鬧鐘響   唔係仲有排驚   哈哈 ~

我校 9 點半起身   如果今朝咁發夢之後再瞓番   分分鐘瞓到 11 點㗎 ~

食埋早餐已經 10 點   之後大清潔屋企   星期五特登清潔廚房同廁所   所以今日好快搞掂   拖埋地就即沖涼 ~

抖陣就出發   買埋 Market O 芝士餅就同里奧大人食 Lunch 喇 ~

今日其實涼咗   因為家姐叫我着多件衫   但我話超級熱呀   真係行到我出哂汗   呢排講嘢又好緊張咁   因為我反應好大   里奧大人話驚我甲狀腺翻發   咁尋晚又覺得雙手比較震   真係好煩添   如果再係咁就去驗血   之後睇番中醫調理一下 ~

12 點 45 分同里奧大人一齊食 Lunch   真係好耐無試過喇   勁開心 ~

1 點半食完   里奧大人番公司開會   我就去剪髮   師傅話要等 20 分鐘   咁照等啦   因為我實在太想剪頭髮   8 個月無剪喇 ~

3 點剪完就即番屋企   沖埋涼就執衫   今次到我掉咗一袋冬天衫   因為所有衫都令我諗起媽咪   其實媽咪走咗之後   我着過邊件衫見媽咪   我都會掉   已經掉咗八八九九   我唔想一拎起就諗番唔開心嘅嘢 ~

執完之後   心情好低落   但點都好過每次見到都唔開心 ~

里奧大人 7 點開完會   所以今晚差唔多 8 點先開餐 ~

是日晚餐 - 香煎三文魚柳 + 節瓜鹹蛋湯

香煎三文魚柳 - 落鑊煎真係香口好多   因為我實煎到個皮脆卜卜   其實煎唔係問題   不過我真係唔想大清潔廚房啫   哈哈 ~

節瓜鹹蛋湯 - 本身諗住蠔油燜節瓜   但得兩個節瓜仔   所以都係滾湯算喇 ~

洗埋碗再大清潔廚房   沖埋涼就食生果同月餅 ~

奇華迷你白蓮蓉月餅   我諗緊點解有個白字   因為我只諗起中發白   之後先諗到係白蓬蓉呀   

蓮蓉同蛋黃比較乾

里奧大人 11 點都瞓   我就睇多陣電視   11 點 15 分先瞓 ~

黑椒牛柳絲炒意粉 + 清甜小旺菜 + 自家制曲奇 & 啫喱 ( 26-SEP-2020 )

( 26-SEP-2020  SAT )

感恩尋晚瞓得好好呀   雖然都有發夢 ~

里奧大人話陪我食早餐   但我叫佢瞓啦   今晚夜放工   瞓多陣好過 ~

咁我沖完涼   佢話佢已經醒咗   想陪我食早餐 ~

我其實前晚講笑話依家好少時間陪我   因為依家好少出去食飯   即係唔駛接佢放工   見面時間少咗   估唔到佢今朝陪我食早餐   我話佢夠瞓緊要過陪我食早餐啦 ~

食完抖陣就番工   呢兩日開始涼涼地   但行得急都會出汗 ~

菇場唔忙啦   家姐 Whatsapp 話買咗金奇異果比我   我呃佢話買咗   果然係唔信我   叫我打比佢   哈哈 ~

其實上星期我話想買嘅   但唔靚嘛   佢今朝又特登去買 ~

里奧大人同家姐今日做埋啲嘢都差唔多   感恩佢地對我咁好   所以第時我講嘢都要小心啲   哈哈 ~

   

放工即走   今次家姐仍然係會去沙爹王   但今次終於食到沙爹王喇   等咗好似 10 分鐘就有位   感恩感恩 ~

我話今次主要食小食   因為我仲好飽呀 ~

我睇咗時光倒流二十年   我心諗廿年前鬼記得咩   家姐就睇咗十二點前價   但我又好奇怪點解餐牌有兩個價錢   但係又同一個價 ?!   之後我舉手問問職員   好在無人理我   因為家姐話原來係十二年前價呀   哈哈   大佬   我哋兩姊妹都唔知睇咗啲咩 ~

時光倒流十二年

十二年前價

越南豬肉春卷 ($33/4件) - 個皮好煙韌

避風塘軟殼蟹 ($62) - 好惹味但超級熱氣   家姐話食完之後   個鼻哥窿好慶

蒜香牛油烤餅 ($15/3件) -  無諗過咁細件   哈哈   但好香蒜蓉味

芝士條 ($5/5條) - 怪不得一蚊一條咁平啦   原來咁細條

我手指尾都大隻過佢   哈哈

凍奶茶 ($9) - 凍同熱嘅奶茶咖啡   我都一定要少奶   否則我會好反胃   家姐最初唔慣   依家都慢慢接受   無計啦   唔係無得飲   嘻嘻

食完就去廣良興買豬肉乾   之後 Join 埋姐夫就番屋企喇 ~

我行最後   Berry 繞過家姐同姐夫   係咁撲我   但我除緊鞋摸唔到佢   之後佢行開又再嚟揍我   完全無揍家姐同姐夫   入到屋都只係跟住我   家姐話佢女生外向   哈哈 ~

佢跟埋我入廁所洗手   但我想關門嘅時候   佢無啦啦又轉身走   塊臉撞到牆呀   勁心痛   好在無事咋   佢真係成日四圍衝無時停 ~

一路咬手指 一路眼超超

靜靜咃咪幾乖囉   哈哈 

同家姐傾傾下偈   Berry 喺度吠   果種吠法係好似叫我哋開門咁   果然係妹妹嚟咗 ~

佢請我同家姐飲新鮮椰青水   知家姐喉嚨痛   又話我上次請佢食韓國嘢   我話無喎   之後佢話家姐比咗盒 Market O 芝士餅比佢   咁應該家姐話係我買 ~

新鮮椰青水

妹妹尋日都特登拎水晶梨比家姐   咁今日一齊食   家姐比 Berry 唔食  我同妹妹比就食   好在之後都食家姐比嘅   如果佢唔食家姐比嘅   真係覺得 Berry 係咪痴咗線   哈哈 ~

妹妹拎嘅時候話好大嚿   但我睇唔到   之後家姐拎比我   我又好自然話咁大嚿   家姐話尋晚姐夫又係講好大嚿

家姐又用咗接近 $800 買咗 20 個水晶梨   咁比咗 2 個妹妹   佢細路女覺得好貴嘛   之後叫家姐唔好成日用咁多錢買嘢   好搞笑呀   同工人講嘅一樣   不過家姐真係鍾意買買買   所以我都同里奧大人講   千奇唔好話自己鍾意食啲咩買啲咩   唔係家姐實買 ~

妹妹坐到 5 點幾就走   家姐比個貓山王月餅比佢媽咪   佢係都話唔要   但家姐話妳媽咪鍾意食   佢咁先要   哈哈 ~

佢走之後   我就幫家姐執衣櫃   又掉咗 1 個大嘅黑色袋   咁姐夫喺廳   問家姐有無掉到嘢 ?!   哈哈 ~

馬來西亞出品   應該好味嘅

家姐話姐夫好鍾意我嚟屋企   因為成日幫佢掉嘢   姐夫唔敢掉家姐啲衫褲鞋襪   我就乜都同佢掉   有咩想要着就同我講   我會買比佢呢 ~

今日又幫佢執咗起碼 50 對新襪   全部係上次去韓國同日本買嘅   即係買完又買   我話咁唔係辦法   下次幫妳執埋底衫褲同襪嘅櫃桶   將妳啲舊嘢掉哂   唔係妳唔會知道自己有新嘢 ~

不過今日執咗 2 個櫃就唔執喇   我話好攰   點知家姐話因為我今日番工   笑死我   因為我上星期係咁講 ~

差唔多 6 點半走人   又拎一大袋食物番屋企 ~

番到屋企放低哂所有嘢就即沖涼   抖陣就煮晚餐喇 ~

里奧大人 8 點左右放工   今晚接近 9 點先開餐呀 ~

是日晚餐 - 黑椒牛柳絲炒意粉 + 清甜小旺菜 + 自家制曲奇 & 啫喱

黑椒牛柳絲炒意粉 - 星期六太夜食   所以多數煮麵   咁今晚都係清埋兩塊牛扒   咁炒意粉就最好   今晚都係清埋少少意粉   里奧大人話肉多過意粉呀 ~

清甜小旺菜 - 食埋最後半棵   唔想再見佢住喇 ~

自家制曲奇 & 啫喱 - 好開心又有甜品食呀   今日真係勁多收鑊呀 ~

洗完碗就大清潔廚房   其實聽晚都會煎嘢   但都忍唔住要大清潔   好唔鍾意啲油彈到周圍都係   我寧願辛苦啲   試過有次就係煎到無清潔   真係瞓得唔係咁好架   硬係差咁啲嘢無做咁 ~

沖埋涼就休息   終於睇埋 "反黑路人甲" 大結局   咁之後我又可以循環再當新劇睇喇   哈哈哈哈 ~

不過今晚我都係 11 點幾瞓   反而里奧大人話睇多一陣書   遲啲先瞓 ~

三色椒炒牛柳粒 + 泡菜旺菜炒豚肉 ( 25-SEP-2020 )

( 25-SEP-2020  FRI )

感恩一覺瞓天光呀   起身都好精神 ~

早餐食奶醬多  本來想飲凍咖啡   但帶咗雪梨水就唔飲咁多凍嘢喇 ~

菇場又無雪種   好在今朝唔係話太熱咋 ~

忙下停下又 10 點半   好快又到 Lunch Time ~

又未餓   所以去萬寧買精華素   今次體溫係 37 度   好在無 "BIBI" 聲   依家真係好驚入去萬寧呀   哈哈 ~

買埋燒賣 + 炒麵就番菇場喇   行行下都有啲熱咁 ~

無啦啦又忙一大輪   之後又可以等放工 lu ~

又食月餅   美心月餅真係好好食

放工即走   今日等好耐車   番到屋企都 6 點幾   要快快沖涼再預備晚餐 ~

里奧大人 7 點幾番到嚟   等佢沖埋涼就可以開餐喇 ~

是日晚餐 - 三色椒炒牛柳粒 + 泡菜旺菜炒豚肉

三色椒炒牛柳粒 - 星期二解凍咗牛柳   今晚點都要煮喇   三色椒+洋蔥炒埋已經咁大碟   勁驚睇唔到啲牛柳粒   哈哈 ~

泡菜旺菜炒豚肉 - 豚肉又係星期二解凍   咁我又唔知想點煮好   又切咗半個旺菜   所以最後加啲泡菜一齊炒   煮埋又一大碟   里奧大人話今日做咩咁多餸   我話因為解凍咗啲肉   唔食唔得囉 ~

洗埋碗就大清潔廚房   之後再大清潔廁所   咁星期日唔駛做咁多嘢 ~

沖埋涼就食生果   咁繼續睇 "反黑路人甲"   我同里奧大人講話快啲睇哂   又可以從頭再睇   佢話知道我真係會咁做   哈哈哈哈 ~

睇到 12 點幾呀   其實想再睇   但都係瞓覺喇   聽日要番工 ~

韭菜餃拼水餃 & 炸魚皮 (外賣) + 清甜小旺菜 ( 24-SEP-2020 )

呢期鍾意食多水份嘅生果   所以買咗波子提子 3 磅幾 ($82) & 美國扁桃 ($30/8 個)

( 24-SEP-2020  THU )

尋晚瞓到 2 點幾醒咗   真係幾難先瞓得番呀   唔知係咪飲咗茶呢 ~

早餐食芝腿治烘底   好想食鹹嘢呀 ~

菇場唔忙   所以感覺更加攰   最邪係 8 卦又話瞓得唔好   咁我哋唯有不斷傾偈消磨時間 ~

Lunch Time 無出去呀   食 Flakes + 乳酪 ~

仍然傾偈打發時間   所以一到放工就即走喇   哈哈 ~

去街市買餸   今晚唔係買好多嘢   但個人好攰   真係慢慢咁行 ~

想買水魷但居然無   因為間舖頭無開   我仲以為自己行過龍   之後再行多一次   真係無開 ~

番到屋企即放低哂所有嘢入廚房   之後里奧大人就番到屋企   佢見到我流哂汗   個樣好驚咁   我話次次去完街市就係咁   但今次佢親眼見到我流咁多汗   我成個背脊係濕哂   塊面又滴緊汗   所以肯定佢覺得我好辛苦 ~

沖埋涼就預備晚餐   接近 7 點先開餐呀 ~

平時我飲汽水   要叫佢先會拎飲管比我   今次主動拎飲管仲放入汽水罐入面   梗係仲記得頭先我咁辛苦嘅場面   嘩哈哈哈哈 ~

是日懶餐 - 韭菜餃拚水餃 & 炸魚皮 (外賣) + 清甜小旺菜

韭菜餃拚水餃 & 炸魚皮 (外賣) - 呢期好想打邊爐   但唔敢出去打啦   依家搵緊 1 人火鍋爐   咁幾時打都得   哈哈 ~

清甜小旺菜 - $12/2 個好抵呀   最緊要係留得   聽晚或者後晚再食都可以 ~

洗埋碗就沖涼   食埋生果就休息 ~

今晚繼續睇 "反黑路人甲"   睇到 10 點半就再睇 "你還好嗎" ~

11 點唔夠都瞓先喇   今日真係好攰呀 ~

蠔汁牛肉炒菜心 + 滑蛋粟米魚塊 + 燒鴨 & 油雞 (外賣) @ 屋企 ( 23-SEP-2020 )

我最鍾意食香芋紫米露同燒味嘅花生

( 23-SEP-2020  WED )

好似好快又星期三咁   不過咁都好   好過渡日如年嘛   哈哈 ~

早餐食奶醬多   都係覺得食奶醬多好啲   唔駛咁飽   午餐可以正正常常咁食嘢 ~

菇場忙下停下   好快又到  11 點 45 分 ~

Lunch Time 出去幫里奧大人買咖啡   之後再買水餃米番菇場食 ~

一定要少米   咁啲米粉先唔會索哂啲湯

忙咗一陣可以抖下   8 卦話 3 點半食月餅   我話早得滯   之後佢話 4 點   最後話 5 點   不過最後我都無食   因為阿姐已經洗咗杯   食完無得漱口   佢話呢幾日番工   月餅係必食的   其實都係得我同佢食咋 ~

5 點半即走   咁啱里奧大人坐嘅巴士差唔多到我公司   所以一齊番屋企 ~

本來諗住去街市買水餃同生果   但難得佢咁早   咁就外賣番屋企食啦 ~

沖埋涼先食飯真係好爽   食完就開機洗衫同煲雪梨水 ~

里奧大人熨衫   咁可以一齊睇 "反黑路人甲" 喇 ~

今晚睇電視睇到 11 點   我都瞓先喇   里奧大人就繼續睇書 ~