茄子燜午餐肉 + 佛跳牆 ( 14-AUG-2025 )

( 14-AUG-2025  THU )

感恩一覺瞓天光呀   臨醒之前仲係發緊夢添呀   個夢係我買咗間有泳池嘅屋   不過呢間屋係家姐幫我揀嘅   咁之後有好多人嚟燒嘢食   好記得 3 個燒烤爐都係燒緊好大隻嘅蒜蓉蝦   因為間屋好大嘛   啲人又唔係同時間到喎   所以我要成日去介紹間屋   到我食嘅時候得番好細隻嘅蒜蓉蝦咋   之後鬧鐘響 lu ~

真係日有所思夜有想夢   我呢排真係好想食蝦呀   尋晚仲諗緊買唔買急凍蝦仁添   不過冰格太細   我唔可以買咁多嘢囉 ~

個天其實黑哂但唔大雨   我焗完麵包都照沖涼洗頭 ~

一開電視見到係紅雨   咁放低隻碟就變為黑雨   真係 10 秒唔夠呀 ~

早餐仍然食牛油排包   其實唔搽嘢都好食   不過搽咗就無咁單調咁   哈哈 ~

家姐今日 WFH   所以黑雨唔黑雨都對佢無影響嘅   CC 就話唔似上次咁倒水   只係時大時細就繼續番工喇 ~

9 點幾就報導黑雨維持到 11 點   因為里奧大人要處理緊急嘢   所以食完早餐都番咗公司 ~

咁我就 Youtube 啦   睇睇下突然好想瞓覺   所以都係坐番直   次次灘喺梳化真係好易瞓着   哈哈 ~

唔想瞓就靈修啦   好耐無咁做喇   靈修接近 1 個鐘   之後家姐話 11 點 10 分改為紅雨   咁我去里奧大人公司坐陣都番工 lu ~

感恩唔係好大雨   同埋車程只係 6 分鐘咋   真係快過搭的士   哈哈 ~

番到菇場只係 11 點半   洗埋杯再抹埋枱就去蒸飯   同阿齋喺 Pantry 傾偈   佢話喺屋企睇睇下手機都好眼瞓咁呀   我話我都係啦   可能灘喺梳化係特別想瞓   哈哈 ~

唔忙就上網同做自己嘢   所以好快就 5 點半 lu ~

放工即走   感恩 HKTVmall 啱啱送咗貨   始終今日黑雨嘛   預咗時間耐啲   同埋今日里奧大人放假嘛   咁佢可以喺屋企等呢 ~

是日晚餐 - 茄子燜午餐肉 + 佛跳牆

茄子燜午餐肉 - 都係用用泰式聖羅勒辣椒醬燜嘅   咁無理由齋食茄子一個餸   所以焗午餐肉再放落去燜下   里奧大人話呢個餸好有創意   哈哈 ~

佛跳牆 - 一次過開哂兩罐   不過只係食咗鮑魚同兩隻冬菇   又要留番聽晚 lu   之得唔開啦 ~

洗埋碗就執好啲嘢飲   但買得太多要比啲阿妹呀   哈哈 ~

搞掂就開機洗衫   里奧大人就熨衫   今晚直接睇 "麻雀樂團"   好快又 9 點半了 ~

睇多陣 Youtube   差唔多 10 點 45 分先瞓覺 ~