臘味拚盤 + 瑤柱豆苗 ( 31-DEC-2020 )

( 31-DEC-2020  THU )

話咁快就到 2020 年最後一日   希望疫情快快消失   每個人都可以開開心心   健健康康咁生活 ~

尋晚瞓得唔係咁好   感恩起身都 OK ~

早餐食腿蛋治   真係唔想食奶醬多呀   哈哈 ~

菇場忙呀   今日有 Free Lunch   但 12 點先到   所以繼續做嘢 ~

今日好搞笑   要一齊影完大合照先開餐   但勁開心   哈哈 ~

12 點半食 Lunch   今次真係正常時間食 Lunch 喇 ~

糟糟話好似飛機餐   咁睇又幾似   哈哈

我要牛柳餐   但就咁食牛柳已經好飽   所以食剩薯蓉加麵包   因為真係好頂胃

食完都開工喇   差唔多 2 點幾   西瓜話抽利是   如果抽到 $20 就再拎一封   加埋總數係 $500   因為下年牛年所以派一隻大牛   同埋老闆想員工開心過年 ~

忙到爆炸   3 點 52 分先搞掂哂所有嘢   可以安安心心迎接新年喇   哈哈 ~

話咁快 2020 年就成為過去

放工即走   番到屋企都開機洗衫   之後即沖涼喇 ~

是日懶餐 - 臘味拚盤 + 瑤柱豆苗

臘味拚盤 - 難得天氣咁凍   真係要食臘味呢   但其實係懶   哈哈 ~

瑤柱豆苗 - 好鍾意食呢個餸   真係冬天先有得食㗎 ~

洗埋碗就沖涼   之後休息喇   他他條條迎接新一年 ~

其實好想 12 點之後瞓覺   但睇個倒數節目睇到 11 點 40 分都要瞓   里奧大人都話諗住我點都要睇到 12 點   但我話好悶呀   真係本身唔眼瞓都睇到眼瞓呀   哈哈 ~

豉汁蒸鯧魚 + 旺菜拚蘿蔔 ( 30-DEC-2020 )

里奧大人同事好有心思   每個同事都掛一隻聖誕襪喺枱前   任由每個同事隨意放任何嘢   所以里奧大人就收到咁多嘢喇   哈哈   

( 30-DEC-2020  WED )

基本上如果里奧大人番工   佢鬧鐘響咗   我都已經醒㗎喇   不過就等佢搞掂哂先起身 ~

今朝佢搞掂哂   我仲以為 7 點 20 分   原來已經 7 點 30 分喇 ~

我手機鬧鐘居然無響呀   好肯定尋日自己 Set 其他時間   錯手關咗鬧鐘呀   真係好在里奧大人番工咋   因為本身佢今日係放假㗎   佢真係救咗我一命呀   哈哈 ~

早餐食奶醬多   今次都好好味 ~

菇場超級忙   好似話咁快就 11 點 45 分 ~

佢好似好凍咁   成張梳化佢瞓哂   勁嘆

Lunch Time 出去行陣   買埋香梨同牛筋丸米就番菇場喇   條街好鬼凍 ~

我同家姐都係第一次見佢咁樣瞓   平時多數背向梳化   我話佢覺得家姐好煩   成日影影影   哈哈

仍然勁忙   所以好快就 4 點 ~

放工去大昌買嘢   之後都即番屋企喇 ~

沖埋涼就休息下   里奧大人 5 點半放工   我都預備晚餐 lu ~

今晚 6 點半開餐   呢個時間開餐都唔錯   可以早啲食完早啲休息 ~

是日懶餐 - 豉汁蒸鯧魚 + 旺菜拚蘿蔔

豉汁蒸鯧魚 - 今次呢條只係 $35   仲要好厚肉   食得好滿足呀 ~

旺菜拚蘿蔔 - 又係食呢兩款蔬菜   因為兩件一份係平啲 ~

洗埋碗就休息   今晚開始凍喇   所以唔願郁 ~

今晚 11 點半先瞓   但其實唔眼瞓   不過好鬼凍   要入被竇取暖   哈哈 ~

雲吞拚韭菜餃 (外賣) + 自家制芝麻糊 ( 29-DEC-2020 )

( 29-DEC-2020  TUE )

尋晚番到屋企飲咗包檸檬茶   終於眼光光瞓唔到   唉 ~

喺張床碌來碌去   我都唔敢睇幾點鐘呀   所以今朝起身有難度   好攰呀 ~

今朝早咗落車又有啲餓   咁就去麥記買早餐喇 ~

菇場超級忙   但慢動作做嘢   嘻嘻 ~

Lunch Time 出去買腸粉就番菇場喇   對腳有啲痛   都係唔行咁遠 lu ~

仍然超級忙   最鬼怕做 Report   一定要慢慢做   因為超級煩 ~  

放工去街市買水餃   買埋魚同菜都走喇   今晚狀態唔係咁好   唔買咁多嘢喇 ~

番到屋企都 5 點   沖涼洗頭就煲雪梨茶   之後休息一下 ~

里奧大人 6 點幾放工   我都預備晚餐喇 ~

是日懶餐 - 雲吞拚韭菜餃 (外賣)

雲吞拚韭菜餃 (外賣) - 今晚用白蘿蔔同旺菜做湯底   咁樣都唔錯   湯底甜又有得食菜   真係一舉兩得   哈哈 ~

食完就洗碗   之後開機洗衫   最後都沖多次身   感覺好似想出汗咁 ~

抖陣就食芝麻糊   里奧大人同事整架   勁好味呀   又唔太甜   其實今日我想買芝麻糊做 Lunch   但 Muffin 加芝麻糊好似好怪咁   所以先買腸粉   之後收到里奧大人 Whatsapp 話有芝麻糊食   實在太感恩喇 ~

今晚諗住睇電視睇到 11 點瞓   點知都係睇到 11 點半先瞓   哈哈 ~

馬鞍山郊野公園 --> 西貢 --> 和記餐廳 @ 西貢 ( 28-DEC-2020 )

豬扒福字麵 ($40) - 好耐無食福麵喇   覺得勁好味

XO醬海鮮炒烏冬 ($54) - 賣相就麻麻   但估唔到係熱辣辣   即時加分   哈哈

( 28-DEC-2020  MON )

尋晚好似每月一到咁   但今朝又無嘢   所以食完早餐就決定去行山喇 ~

沖埋涼就出發   感恩去到巴士站有車   咁可以慳番 20 分鐘㗎 ~

我地搭 89C   喺耀安邨站落車   之後再搭的士去馬鞍山郊野公園 ~

12 點 20 分左右到喇   去埋洗手間就正式開始行 lu ~

今次呢個郊野公園   係里奧大人同事介紹   話細路仔都行得喎   哈哈 ~

今日天氣清清涼涼 

又好陽光   實在要感恩呢  

 

@ 馬鞍山郊野公園 

另一邊位置係燒烤場 ?! 

呢邊係洗手間   我次次要里奧大人喺出面等我㗎   因為我實在太無方向感呢 

我影完呢張相   有蜜蜂喺我耳邊嗡嗡嗡   勁驚呀   好在行多兩行   佢飛走咗咋   上次喺曼谷又係自拍完比蜜蜂針

開始行喇 

行山行呢啲路   其實算唔算行山 ?!   哈哈哈哈 

噢 

用行山仗真係好正 

前段路係少少暗斜   但行得都好舒服   因為有樹蔭同埋有風   完全唔熱   哈哈

望下樹葉都好   市區好少機會望到

劏車

去昂平

我差啲向右行   好在里奧大人叫住我

馬鞍山郊遊徑

行呀行

完全唔曬

 

今日都唔少人行山

NR84 小巴站

鞍山探索館   里奧大人話上網睇到係已經 Closed 

行條爛路   見架 7 人車點都向前行唔到   之後幾個人落車   但架車都行唔到   其實唔爆呔已經偷笑   因為有好多碎石呀 ~

架車 Click 住上唔到   點加油都唔得呀   唔知道佢地之後點呢 ?!

露天停車場 

完全係爛路一條

衝上去 

呢條路要好小心行㗎

終於 1 點 10 分開始行去昂平   呢段路就真係辛苦喇   對我嚟講   哈哈哈哈 ~

最期待嘅上樓梯

里奧大人話行馬鞍山郊野公園嘅時候   佢已經比咗類似嘅相比我睇   問我行唔行到 ?!   我話 OK 無問題

佢哋行得好輕鬆

小朋友仲叻過我

連狗仔都叻過我呀   所以覺得里奧大人好慘   成日一路行一路要照顧我

我行前啲   睇住佢哋點行   之後同里奧大人講   話細路仔係唔識驚㗎   哈哈哈哈

有排先上到去

下次再挑戰自己   唔駛捉住里奧大人隻手上樓梯 ~

1 點半去到涼亭   係時候坐低抖下喇 ~

自願人仕清理垃圾   我真係好唔明   點解啲人可以留低垃圾比人清理   

@ 涼亭

里奧大人補充體力   我就唔食住

里奧大人食完就去影相   我就坐一陣   隻狗狗好似望住佢咁

無啦啦變咗隻牛   哈哈

好多人影隻牛

好大隻

好多蒼蠅

其實牛係咪唔驚人㗎 ?!

呢張相好笑之處係我想影埋隻牛   但完全唔見牛頭   哈哈哈哈   諗起以前同里奧大人影相   當時係富士山背境   但哂張相出來   好似 Key 上去咁   睇番真係覺得好好笑

隻牛放低十幾兩金就落山喇

我影唔到咋   隻牛頭先係同呢兩個人平排行㗎

2 點左右再行上去石龍仔   行到 1/4 好驚呀   啲石級又大又斜   里奧大人話上就易   落就比較危險   咁我話唔上喇   因為我驚跣落去整親佢呀 ~

唉   我同里奧大人講對唔住呀   令佢失望   但佢話都係睇啲石之嘛   上網都睇哂啦   但未上去之前呢   佢話想睇石   見佢咁安慰我   真係新嘅一年要對佢更加好呀   哈哈 ~

呢條路係行去石龍仔

好窄嘅石級

到此山腳一遊

同里奧大人影張相先   話哂到過石龍仔嘛   哈哈哈哈

隻鸚鵡好乖

2 點半行到昂平   我以為係一大片平原   但原來地方好細   哈哈哈哈 ~

行緊去昂平

見到滑翔傘

其實唔係好斜   只係里奧大人低炒   哈哈

原來都唔少人玩滑翔傘

喺空中飛翔嘅感覺   肯定好正

望下個海

睇啲頭髮   就知知道好大風   哈哈

金鐘山

睇佢飛   我都覺得好興奮 

隻狗仔好乖呀   但我行去摸佢   佢即走開囉   嗚嗚

右手邊隻狗仔行到好開

如果我好似佢咁   肯定未行到都腳軟   到時要改名換姓   叫做鍾樂山喇   哈哈哈哈

佢坐到好開㗎   我無佢咁大膽

我企喺度咋   唔敢再行前

里奧大人話行上石頭   我話唔可以   因為太危險   哈哈

好多人喺度影相

沿途見有啲人揹好大嘅袋   仲以為諗住露營   原來係滑翔傘

今日都算多人呀

超級大風

再行前啲睇下

原來咁多人玩滑翔傘

里奧大人話好多人喺度野餐同露營   我話唔係嘛   成地牛紙   咩胃口都無啦

地方細   我覺得唔合適開傘同降落

啲傘周圍飛   哈哈

爽呀

玩自拍最安全   哈哈哈哈

其實周圍都好多牛紙

再見昂平

芒草   影到好似雞毛掃   哈哈

影埋呢張就走人 lu

又要行喇

全程行呢啲路都好   起碼夠闊   我成日最驚係抖嘅時候阻住人   不過感恩次次啲人都好好   反而會就住我嚟行呢

呢個位就勁正

繼續行呢啲路

大水井方向就係去西貢的

我好驚   所以一定要拖住里奧大人隻手   咁我又可以行快好多 ~

我覺得里奧大人好慘   成日要就住我   但佢話遊山玩水係咁架啦   又唔係趕住行   最緊要行得舒服   感激佢體諒   哈哈 ~   

終於行石屎樓梯喇

經過竹林

今日有幾次都覺得有蜜蜂喺我頭髮附近   勁驚啦   我覺得係條頭巾問題   之後我又聽到蜜蜂叫   里奧大人都見到隻蜜蜂呀   所以一手扯開我條頭巾   佢都覺得係條頭巾引咗啲蜜蜂過嚟 ~

差唔多到地面

里奧大人話要影低比同事睇   話行完馬鞍山郊野公園喎

里奧大人番到屋企先話行到呢度   隻腳想抽筋   但因為我話可以繼續行   佢先唔抖   真係想嚇死我咩

3 點出發行去西貢   因為見到小巴開咗   咁跟大隊行去市中心喇   接近 4 點先到西貢市中心 ~

有蓋遮住啲垃圾車   咁又好喎   

茅坪村公所

去西貢市中心方向

過去對面等小巴   但啱啱走咗架小巴   不過其實唔知架小巴係去邊   哈哈

野豬

原來有咁多隻

前面所有人   都係行完山呢   因為頭先喺廁所門口都見到佢咃

沿途都好舒服   因為我好肯定係唔駛上樓梯   哈哈哈哈

5 點唔夠食晚餐   因為 6 點無得堂食   如果唔係都想行陣先再食呢 ~

里奧大人無啦啦話我好多白頭髮   話平時唔覺㗎喎   我話可能行樓梯驚得滯   驚到一夜白髮呀   哈哈哈哈 ~

泰國餐廳無開呀

松記都無開   最搞笑頭先我話唔去松記   咁如果無得食泰菜就去松記囉   點知都無開

好多白鴿

呢邊仲多

差唔多日落了

手機又自動變咗咁嘅色

見到和記餐廳有卡位   所以都入去食嘢喇   我見到好多食客都係行山裝束   勁有親切感   哈哈 ~

飲完杯嘢真係成身凍哂   係時侯要走喇 ~

行咗市集之後就諗住走   但見日落又想留多陣 ~   

雀仔叫得好大聲   里奧大人喺度狂笑   佢話有個女仔同男朋友講咁多豬叫聲   個男朋友話係雀仔聲呀   哈哈

@ 西貢碼頭

行近碼頭

我由細到大都好鍾意睇鷹㗎   以前喺婆婆屋企一見到鷹就好興奮   咁依家家姐屋企都間唔中見到鷹   佢都即話阿妹妳最鍾意嘅鷹呀

走人

下次再探你哋   哈哈

巴士站附近都好多鷹

月亮影得唔夠圓呀

巴士站都仍然見到好多鷹

我哋要等第三架小巴先有位   等咗半個鐘呀   但我覺得算快㗎喇 ~

上車無耐都瞓咗   出咗成身汗係比較攰 ~

番到屋企即開機洗衫   之後沖涼 ~

  

今晚真係要按摩   我用錯力呀   所以對腳開始痛 ~

好攰呀   睇多陣電視   11 點都瞓喇 ~