( 23-may-2010 sun )
呢朝瞓到 11 點 諗食乜早餐 但來來去去都係果 d 都有 d 悶 但又真係諗唔到食乜好喎 ~
尋晚 3 點幾起身去洗手間 對眼超痛 仲以為係攰 點知食完早餐仲痛 最後都係睇醫生 原來係生眼瘡 話對手唔乾淨摔眼 噢 我成日摔眼架喎 依家唔敢喇 ~
里奧大人去跑步 我又熨衫 一個人喺屋企做家務感覺真係幾舒服呢 ~
今日突然好想食麥當勞 估唔到無位喎 不過唔緊要 買上屋企食 最緊要有得食薯條 ~
家姐喉嚨唔舒服 咁我又再煲羅漢果茶比家姐 之後里奧大人無啦啦話我冷酷無情 我話咩冷酷無情呀 佢話佢家姐咳又唔煲比佢家姐 我話你都曉講你家姐啦 係咪你煲呀 又話我有事就搵佢地祈禱 都痴痴地 我得今次叫佢地為媽咪祈禱咋 白痴 真係唔知邊個教到佢個格咁衰 樣樣都要比 低能 ~
之後佢話要整電腦 唔探媽咪 我心諗 唔探仲好 都費事見到佢個衰格樣呀 所以我食完坐陣就出發探媽咪 感謝神 媽咪 4 點開始做手術 5 點做完 我 6 點到就啱啱好喇 不過佢都攰 所以我就同家姐傾計 媽咪就醒下聽下咁 坐到夠鐘就走人喇 ~
個巨無霸餐都好漏 所以我買車仔餸番屋企食算 lu ~