臘味飯 + 雜豆炒蛋 ( 31-JAN-2020 )

蒸臘味飯真係好方便   不過其實我又係想整煲仔飯   可惜又無飯焦啦   哈哈

( 31-JAN-2020  FRI )

今朝里奧大人起身   諗住幫佢搽麵包番公司食   之後佢又話唔駛   咁我都瞓番喇 ~

一瞓瞓到 12 點半   嚇到彈起呀   即刷牙食早餐喇 ~

朱古力奶 + 醬占包

食完睇 Youtube   睇睇下又想瞓   但點都唔會飲咖啡啦   所以即去沖涼   當堂精神哂 ~

執書櫃又執文件 File   執咗三個鐘   其實唔攰   但唔想執住   哈哈 ~

里奧大人 6 點 45 分放工   我都預備煮飯叮 ~

是日懶餐 - 臘味飯 + 雜豆炒蛋

臘味飯 - 1 隻臘鴨肶加 1 條臘腸   再加 1/3 條臘肉   難得天氣凍   想快啲清咁啲臘味呀 ~

雜豆炒蛋 - 炒蛋加忘不了   咁樣無咁淡呀   哈哈 ~

同里奧大人講話瞓得太晏唔好   佢話有咩唔好 ?!   最緊要瞓到   我其實可能失血過多   所以個人成日好攰 ~

洗埋碗就沖涼   睇下 Youtube ~

今晚 11 點幾都眼瞓   所以即瞓喇   難得今晚有睡意呀   話哂今朝咁晏先起身呢 ~

泡菜炒牛肉 + 麻油海蜇皮 + 粟米蛋花湯 ( 30-JAN-2020 )

牛骨湯麥麵   個湯超級濃味   我都有啲頂唔順陣味   但我買咗兩包   仲要頂多一次   嗚嗚

( 30-JAN-2020  THU )

尋晚瞓得唔好呀   好似好熱咁   唔知係咪打邊爐關係呢 ?!   但里奧大人話瞓得好   話無咁凍喎   咁搞笑嘅   一個凍一個熱 ~

早餐食芝腿治烘底   又係唔知食咩好 ~

菇場忙呀   想清埋啲煩嘢 ~

12 點 45 分食開年乳豬   影下相又傾下偈   食完再做下嘢   1 點半可以放工喇 ~

西瓜話今星期都唔駛番工   直到下星期一先番工   無計啦   有好多同事新年期間同大陸番嚟嘅親友食飯   包括我   所以隔離下係好嘅 ~

其實之前喺群組已經問有無同事離港 ?!   我哋有 2 個同事離港   其中一個去廣東呀   咁再問有無同由內地回港嘅人食飯   差唔多 1/3 同事都有囉 ~

難得咁早放工   所以去超市買嘢   估唔到真係無哂米   得番 5 公斤嘅櫻城牌珍珠米   咁就啱我喇   正想買好耐   同埋最吸引係全部都係真空包裝   我買一包就夠   我見好多人係買四包 8 公斤嘅米   同埋一箱出前一丁咁買   我就唔會喇   其一屋企好多糧食   其二香港根本唔會無糧食供應囉 ~

番到屋企就熨兩機衫   之後就抖喇 ~

里奧大人 6 點幾放工   咁我都要預備晚餐喇 ~

是日晚餐 - 泡菜炒牛肉 + 麻油海蜇皮 + 粟米蛋花湯

泡菜炒牛肉 - 牛肉係尋晚喺家姐屋企打邊爐食剩   諗住用燒肉汁炒兩炒   之後我記得有泡菜   所以整呢個餸喇 ~

麻油海蜇皮 - 過期 2 個星期   味粉都硬埋   但麻油又無變味   不過麻油味好淡啦   所以呢個小食係無咩味   哈哈 ~

粟米蛋花湯 - 菜貴   飲粟米湯算喇 ~

洗埋碗就休息   里奧大人 8 點要同同事 Conf Call   一傾就傾咗接近 2 個鐘 ~

聽日唔駛番工   所以睇 Youtube 睇到 12 點幾先瞓 ~

打邊爐 @ 家姐屋企 ( 29-JAN-2020 )

蕃茄芫茜皮蛋湯底   都幾特別   哈哈哈哈



家姐尋日買定㗎   佢話無新鮮牛肉   所以買急凍   特登買多啲比我食   但食唔哂呀   我要拎走呢   又益埋我   呵呵   

外賣水餃雲吞   皮好薄   同埋隻隻都有蝦   唔錯喎

家姐買咗好多   我都好想無食呢啲喇   哈哈

家姐買咗 2 包炸魚皮

唔記得咩菜

皇帝菜 & 唐生菜

王林蘋果

( 29-JAN-2020  WED )

今朝里奧大人都唔放假喇   要番公司處理緊急會議   咁我瞓到 9 點幾都醒醒咃   但好凍呀   所以唔想起身住   點知一瞓就瞓到 11 點 20 分   即刻彈起身   因為聽日要番工嘛   要 7 點半起身喎   變相瞓少 4 個鐘咁   哈哈 ~

刷埋牙就去食早餐   呢排好似成日食麥記咁   開始有啲驚 ~
   

番屋企就熨兩機衫   再大清潔廚房   執番好哂所有杯杯碟碟   搞咗三個鐘   感恩又唔攰喎   不過想比自己抖抖 ~

姑奶買比我哋㗎   用嚟救急最好   一開即食   哈哈

沖埋涼都 4 點   咁出發去家姐屋企喇 ~

家姐屋企擺設一定係有狗   多數係八哥   佢話一世都會鍾意八哥   哈哈

我最鍾意細細隻嘅嘢   哈哈



有存盒確實係有新年氣氛嘅

家姐比佢同事睇   問佢屋企點解會有隻八哥嘅 ?!   佢以為係真狗呀   哈哈

好鍾意個燈籠仔

影完就坐低同 Berry 姐玩啦   但佢當我條頸巾係佢條毛巾咁咬呀   嚇到我都唔敢戴啦   但坐坐下實在好凍   點知我一戴就咬   我要將條頸巾包實條頸   佢就咬唔到我喇   呵呵 ~

靜嘅一面

對衰眼唔多友善喎

佢咁樣坐   我突然諗起佢細個嗰陣

家姐 6 點半先放工   番到嚟嘅時間同里奧大人差唔多   我叫里奧大人自己約家姐   之後家姐話喺巴士站等埋里奧大人一齊番屋企 ~

咁我同姐夫傾偈啦   無耐家姐同里奧大人都番來了 ~

咬張被   但咬幾咬就無再咬

家姐話依家加咗三文魚就食   Berry 先肯食呀

7 點幾開餐   食到 8 點幾就食完   里奧大人要幫家姐搞部電腦   因為佢聽日 WFH ~

家姐又例牌比嘢我啦   佢話工人同佢講   叫佢唔好買咁多嘢   慳番啲錢   呢下好搞笑 ~

9 點幾走人   番到屋企都即沖涼喇 ~

家姐又比零食比我   我又拎咗啲鳥結糖   佢話擺擺下會唔記得食   咁我話比我   真係唔好嘥啦   咁鬼貴用嚟擺咩

家姐問我似條蟲果噂係咩 ?!?!   我初初以為張梳化真係有條蟲呀   嚇死我   原來佢唔知係花生酥糖

我頭先食食下嘢   好驚訝話好大朵蝴蝶蘭呀 ?!   家姐仲驚訝   話點解我影嘅時候睇唔到呀   哈哈   但我真係睇唔到喎   之後佢話特登用番我個高度嚟睇   係睇到㗎喎   哈哈哈哈

差唔多 12 點先瞓   里奧大人以為我聽日都唔駛番工   哈哈 ~

住家飯 @ 姑奶屋企 ( 28-JAN-2020 年初四 )

蠔油燜冬菇蠔豉 - 一般啦

茄汁蝦碌 - 好味道

蒸西斑 - 仍都好味道   哈哈

鹽焗雞

椰菜唔知咩

( 28-JAN-2020  TUE  初四 )

今朝又同里奧大人瞓到 11 點 45 分呀   所以梳洗之後就即去食早餐喇 ~

食完就番屋企   里奧大人做公司嘢   我就熨衫   熨到一大半就好攰   所以要抖下 lu ~

4 點左右真係好攰   又凍又餓咁喎   所以里奧大人陪我去食下午茶   今次食一個下午茶就夠喇 ~

我估係朝早杯咖啡唔多掂   真係眼皮都塌哂落嚟咁   所以終於 5 點半瞓到 6 點 ~

抖多陣就搭車去姑奶屋企食飯   今晚九龍姑奶們一齊食晚飯   最鍾意食住家飯   姑奶老公煮嘢都好好味㗎 ~

食下傾下   差唔多 9 點半就搭的士番屋企   沖埋涼就休息 ~

里奧大人聽日要番工   所以佢 11 點都瞓   我就 11 點半先瞓呢 ~

大食會 @ 教友屋企 ( 27-JAN-2020 初三 )

焗雞翼   好味呀

自制麵條   我覺得口感麻麻

又再焗雞翼

今次係水波爐焗雞翼   所以外脆內嫩   勁好味

豬肋骨   傾到完全唔記得焗   好在屋主入咗廚房睇睇

姊妹 L 整㗎   好味道

屋主煲咗天山雪蓮蟲草花豬骨湯   勁好味呀

( 27-JAN-2020  MON  初三 )

今朝同里奧大人都瞓到 11 點半自然醒呀   咁沖埋涼就要去食早餐喇 ~

食完就番屋企抖陣   開機洗衫就休息下先   里奧大人就做公司嘢 ~

差唔多 2 點就去 APM 退直通車票   感恩可以退番 $80   咁酒店都可以退錢   但手續費就無得退呢   我初初諗住咩都無得退㗎   所以好感恩呀 ~

今日去弟兄 R 屋企做團拜   所以去無印良品買啲零食上去一齊食   唔想兩手空空呀   雖然主人家講明唔好買嘢   但都唔想囉 ~

今日有姊妹 K + 女   弟兄 AL一家三口   姊妹 A 兩公婆   加埋屋主一家三口同我哋   又係一個即慶聚會   本身諗住今日去深圳嘛   但疫情嚴峻   所以決定取消   改為去弟兄屋企家聚呢 ~

3 點半左右去到   姊妹 K + 女已經到咗   之後到弟兄 A 一家三口都嚟埋 ~

一坐低已經開始傾偈   之後食零食   又食蛋糕   全日係咁不斷食嘢   不斷講嘢   個口完全無停過 ~

原來每家人都買咗啲零食   哈哈

屋主焗嘅蜜蜂蛋糕

姊妹 A 買來的

姊妹 L 買來的

蔥油餅 (Cream Cheese + 蔥)   係 K 女同屋主齊手焗的   好味道呀

自制麵條

姊妹 A 兩公婆 5 點左右都嚟埋   齊哂人喇   又係食食食   傾傾傾   笑笑笑 ~

今晚個個都勁開心   傾到 11 點 45 分   唔係屋主講   都唔知原來已經咁夜喇 ~

同里奧大人打的走人   順便兜埋姊妹 K + 女 ~

番到屋企即沖涼   睇下電視   差唔多 1 點先瞓呀 ~