豆豉鯪魚炒油麥菜 + 皮蛋酸薑 ( 31-OCT-2023 )

( 31-OCT-2023  TUE )

尋晚瞓得麻麻哋   好在今朝唔駛整早餐   呵呵 ~

平時我整早餐會早里奧大人 5 分鐘起身   今朝我鬧鐵響   佢就即刻彈起身刷牙沖涼   反而我仲懶床   所以次次叫佢買早餐   佢就做乜都會快手快腳呢   哈哈 ~

早餐食餐蛋治   我鍾意食餐肉多過火腿   但我又鍾意食芝腿治   不過就一定要烘底先好味道 ~

Lunch Time 出去行陣   食埋雲吞河又再去買菜   最後買埋零食就番菇場喇 ~

唔忙就做自己嘢   所以好快又放工咁 ~

買埋麵包就即番屋企喇   之後就到里奧大人番到嚟   所以叫佢沖埋涼先開餐 ~

是日晚餐 - 豆豉鯪魚炒油麥菜 + 皮蛋酸薑

豆豉鯪魚炒油麥菜 - 懶呀   煮呢個餸就最好   因為簡單又惹味 ~

皮蛋酸薑 - 好想食皮蛋   又唔想開樽紅油   突然醒起雪櫃仲有樽酸薑   所以即刻整嚟食喇 ~

洗埋碗就即開機洗衫   之後沖涼休息喇 ~

759 做特價   只係 $15.9/3 條   所以即買比里奧大人公司同事   我好記得初初買比佢哋嘅時候係 $7/條㗎

里奧大人做功課   我同佢講可唔可以出嚟陪下佢   嚇到佢即刻放低耳筒同我一齊出去   其實我係焗豬肉乾比佢食   咁等佢坐喺梳化   食得舒服啲啫   哈哈 ~

家姐比嘅林志源肉乾   佢之前食嘅係煙肉味   佢話好味過美珍香   食完番唔到轉頭咁話喎   但原來佢講嘅係真囉   肉質比美珍香更軟   甜度比美珍香更濃呢

食完再食埋藍莓   呢期買嘅都幾甜 ~

AEON 做特價 $19.9/盒   所以買 2 盒   呢期都食好多藍莓   我覺得 A 字頭係最甜   不過唔係成日特價囉

睇多陣 Youtube 又打陣機   之後家姐 Whatsapp 糟糟嘅嘢比我知   睇完就當堂無哂心機 ~

不過今晚都好攰   10 點 45 分都瞓覺喇 ~

澎湖花枝蝦漢堡 + 醬油拌麵配炭燒雞串 + 羅漢齋水晶餃 (外賣) @ 屋企 ( 30-OCT-2023 )

我都鍾意食羅漢齋炒麵   細個就成日食羅漢齋粉卷

( 30-OCT-2023  MON )

今朝 7 點已經醒咗   因為肚痾咗 3 次   呢排個腸胃真係麻麻哋 ~

原來里奧大人知我去完廁所再瞓番   都知道我唔係咁舒服   因為我好少會咁 ~

早餐食花生醬搽甜餐包   沖咖啡嘅時候奇怪咖啡粉唔溶   之後先摸下個水煲   原來我係插咗電製但無煲水   好在屋企有即飲咖啡   其實可以再沖   不過我懶唔想   哈哈 ~

菇場忙咗陣就 hea   里奧大人無啦啦問我有無情緒低落 ?!   我問佢點解咁問 ?!   佢話我一唔舒服   情緒就會好低落   哈哈 ~

好攰呀   所以 Lunch Time 都唔出去   食杯裝烏冬算喇 ~

最搞笑阿齋 12 點 25 分番到嚟   問我做咩唔食嘢 ?!   我話食完啦   同埋今日唔想出   佢話真係好少見   哈哈 ~

家姐今日 4 點半洗牙   因為佢係睇我個牙醫   所以叫里奧大人陪家姐去診所   仲叫里奧大人買燒餅比家姐   本來我星期六朝早想買   但原來朝早係未出爐呢 ~

唔忙就做自己嘢   所以好快放工 ~

買埋晚餐就番屋企   食完抖下就要去番學喇 ~

今晚接近 10 點放學算早咗喇   不過番到屋企沖埋涼   整呢樣嗰樣   差唔多 11 點半先瞓 ~

豉汁蒸排骨 + 油麥菜 ( 29-OCT-2023 )

( 29-OCT-2023  SUN )

尋晚半夜有兩次胃酸倒流   不過我無理   唔想起身去嘔呀 ~

感恩起身都 OK   但個人比較攰   但都會同里奧大人食早餐   嘻嘻 ~

買比教會嘅小朋友   日版嘅甘大支係好食好多

同里奧大人食完早餐都要即刻番公司幫手喇   個個見到我咁早都好愕然   之後就會講 : 今日咁早嘅 ?!?!

番完學又再去事奉   差唔多 12 點 45 分就搞掂   所以買埋麵包就番屋企整午餐喇 ~

里奧大人差唔多 2 點先番到屋企   叫佢食埋先沖涼 ~

尋日食剩嘅薯條 & 宮保雞丁飯   做今日嘅午餐就最好   咁唔駛諗食乜嘢嘛   哈哈

食完抖陣   今日真係有啲攰   所以都係入房瞓   因為瞓床係舒服啲嘅   哈哈 ~

由 3 點瞓到 4 點半   完全感覺到係深層熟睡   所以起身真係回復番體力咁 ~

里奧大人就瞓到 5 點幾   睇多陣電視   6 點半就可以食晚餐了 ~   

是日晚餐 - 豉汁蒸排骨 + 油麥菜

豉汁蒸排骨 - 好耐無整呢個懶人餸喇   下次買定多啲排骨粒先   就咁蒸熱真係好方便呢 ~

油麥菜 - 上次買 3 份菜只係 $10   同埋呢 2 棵油麥菜都算大棵   所以好抵食 ~ 

洗完碗就沖涼   抖陣先熨衫 ~

同里奧大人一路睇 "思家大戰" 一路食綠豆沙   睇完就睇 Youtube   里奧大人就做功課 ~

打陣機之後就靈修   差唔多 11 點幾先瞓 ~

展興餐廳 @ 紅磡 ( 28-OCT-2023 )

食剩 1 碟半   所以又可以留番聽日做午餐 

合掌瓜雞腳湯

鐵板西冷牛扒 - 我就一定食牛肉呢 

鐵板豬牛鴛鴦扒 - 里奧大人話唔想食什扒   咁所以叫呢個喇

( 28-OCT-2023  SAT )

今朝陪里奧大人食早餐   之後就出發去家姐屋企喇 ~

家姐係咁望住我個咀唇   又話好白   我話食牛肉補血無問題 ~

今次叫家姐幫手食煎蛋多士   我個麵都係食唔哂   我覺今次份量好似好多咁   但出前一丁都係一包包嘅啫   可能我唔係咁餓   所以覺得多

家姐好搞笑   話幫我比錢   因為佢好多散紙喎   咁我話其實唱比我都得   不過佢實唔會   里奧大人又係次次比好多散紙比我   我用嚟買餸最好   好快用得哂呢 ~

今次一入屋   Berry 又怪叫   由門口叫到上梳化   之後聽到家姐話: 咁我呢   我先醒起家姐喺我後面   哈哈 ~

望住家姐   因為開緊零食比佢

好緊張咁   哈哈

R 痕

咬骨

 

 

咬到流牙血

同家姐又傾下偈   講開糟糟屋企嘢   有啲唔開心添 ~

糟媽又係購物狂   依家換新櫃   居然見到有 30 卷保鮮紙   同埋好多好多盒 Zipper 袋   咩牌子同 Size 都有   所以分咗啲比家姐   家姐又幫我拎咗 2 卷錫紙先搞笑 ~

眨下眼又 1  點   係時侯走人啦   今日要拎無線吸塵機同埋拎番個枕頭   感恩架車唔 full   唔係都幾論盡下   哈哈 ~

同里奧大人去十二味食午餐   依家叫十二味做飯堂   因為味道唔錯   又坐得舒服 ~

我鍾意酸辣雲耳   食完好開胃   哈哈

花生宮保雞丁 ($66) - 里奧大人話試食嘢   呢個味道都 OK   不過食剩 2/3   留番聽日做午餐

川椒回鍋肉 - 上次同家姐試過   今次無咁惹味   可能我叫小辣   但今次好多回鍋肉呀

必叫慾望酸梅

食食下飯   收到小羊 Whatsapp 話佢個仔收到包朱古力好開心   真係好在特登買比佢食呢 ~

食完就番屋企   抖陣就開機洗衫 ~

5 點幾出發番崇拜   今晚 7 點完畢   所以可以直接去食晚餐喇 ~

行咗陣就番屋企   之後沖涼休息休息 ~

今晚個胃唔係咁舒服咁   成晚頂住頂住咁   所以我要坐直   唔係會好想嘔 ~

差唔多 11 點幾瞓   但臨瞓前就真係要嘔   唔知係咪頭先食滯咗   下次好飽真係唔好格硬食了 ~

炸豚肉餃子 (外賣) + 菜苗 ( 27-OCT-2023 )

尋晚食剩嘅椒鹽骨   一盒小菜可以食 3 餐   真係好抵食

( 27-OCT-2023  FRI )

尋晚瞓得都算 OK   但如果唔駛去廁所就更好 ~

早餐油醬法式方包   搽咗牛油嘅方包係無咁乾   咁樣好食好多   哈哈 ~

菇場唔忙   可以 Hea 過 ~

Lunch Time 出去超市買嘢   之後再周圍行陣   最後買埋燒賣炒麵就番菇場喇 ~

仍然唔忙   放工即走 ~

今晚里奧大人約咗小羊搞啲嘢   所以等佢搞掂哂先煮晚餐   因為今晚食麵呀   唔可以煮定先呢 ~

是日懶餐 - 炸豚肉餃子 (外賣) + 菜苗

炸豚肉餃子 (外賣) - 喺 AEON 買㗎   $26 有 10 隻   算係抵食 ~

菜苗 - 菜苗都唔錯   細細條易浸又易食 ~

洗埋碗就小清潔屋企   之後沖涼休息了 ~

今晚同里奧大人食芝麻糊   襯記得就好食喇   哈哈 ~   

睇陣 Youtube 又打陣機   又 11 點先瞓 ~

椒鹽骨 (外賣) + 皇帝菜苗 ( 26-OCT-2023 )

尋晚食剩嘅椒鹽魷魚

仍都係尋晚食剩嘅炒飯   今晚都係食唔哂   聽晚再食

( 26-OCT-2023  THU )

好感恩一覺瞓天光呀   仲要比鬧鐘早 1 秒就起身呢 ~

早餐食芝士夾法式方包   我再將啲邊搽牛油   咁樣無咁乾   同埋搽下牛油都好   因為好多時真係搽幾次就擺到過期   依家牛油好貴   唔好浪費   哈哈 ~

今朝我無將麵包無剪開一半   但見里奧大人用手拻開一半嚟食   睇嚟佢都習慣咗剪開半塊咁食呢

菇場 3D   所以都係做下自己嘢 ~

Lunch Time 出去行陣再去食鯪魚球米   因為見得 2 個客人先入去食   食完之後要去買嘢   番到菇場都已經 12 點 45 分   抖陣又要開工 lu ~

唔忙就繼續做自己嘢   話咁快就放工 ~

買埋餸就番屋企   之後里奧大人都番到屋企   我叫佢沖涼先   今晚起碼 7 點先食得呢 ~

是日晚餐 - 椒鹽骨 (外賣) + 皇帝菜苗 

椒鹽骨 (外賣) - 諗唔到煮咩餸呀   所以就買椒鹽骨   咁里奧大人就可以帶飯喇 ~

皇帝菜苗 - $10/3份   其中 1 份係皇帝菜苗   另外 2 份係菜苗同油麥菜   咁真係好抵   同埋啲菜都幾新鮮咁 ~

洗完碗就小清潔屋企   之後沖涼   抖陣就熨衫 ~

搞掂哂就食芝麻糊   其實我鍾意熱食   但熱食又好鬼甜   所以次次喺屋企食芝麻糊都係凍食囉 ~

阿妹比咗隻紫色椒比我呀   尋日佢 Whatsapp 比我睇   我以為好大隻   原來係咁細隻   好得意呀

咁對比就知道隻紫椒係好細隻呢

睇陣 Youtube 再打陣機   今晚 10 點 45 分都瞓覺 lu ~