米線陣 @ 官塘 ( 30-SEP-2019 )

大汗豬扒擔擔米線 ($48) - 味道一般啦

手打豬肉丸 + 香酥豬頸肉 + 生菜米線 (蕃茄湯底)

( 30-SEP-2019  MON )

尋日同里奧大人講   記得提我今日番工呀   呢排佢放假   我又 Off   聽日又放假   搞到我都亂哂籠   驚唔記得番工呀   哈哈 ~

感恩起身都精神   呢排都仲係瞓得一般好呢 ~

早餐食芝腿治烘底   乾爭爭   哈哈 ~

菇場忙呀又   所以時間過得好快 ~

Lunch Time 落去行陣   再買牛筋丸米番菇場食   食到好悶   但想個身暖啲先食囉 ~

忙下停下又放工   今晚同里奧大人約咗傾保險   終於 Update 所有保單   感恩係可以改到   唔係就白供了 ~

6 點傾到 7 點幾   之後再去比嘢比兒生老婆   佢哋傾   我就玩 BB   好開心呀   哈哈 ~

搞掂哂就去米線陣   食到出汗   可能依家天氣涼   冷氣唔係開得咁勁呢 ~

食完即番屋企   沖埋涼就開機洗衫 ~

今晚同里奧大人一齊睇戲   呢個時勢   真係要比自己 Relax 一下 ~

睇到 11 點幾都只係睇咗半 Part   但要瞓覺喇   雖然聽日放假   但都唔想咁夜瞓呢 ~

麥當勞 @ 官塘 ( 29-SEP-2019 )

脆辣雞腿包套餐 ($28) + 豬柳蛋漢堡

( 29-SEP-2019  SUN )

今朝里奧大人好早番工   咁我就繼續瞓啦   瞓到 9 點半都醒咗   咁即刻刷牙沖涼   搞掂哂就出門口   食埋早餐就番崇拜喇 ~



崇拜完畢   我自己行陣   等埋里奧大人放工就去食下午茶 ~

蔥油叉燒煎蛋飯 ($38) - 啲叉燒唔得呢

芝士焗肉醬意粉 ($40) - 呢個好味呀   係啱啱由焗爐拎出嚟㗎   啲醬汁喺度 "be li bu lu" 咁   我係要 "灘" 好耐先食得   唔係肯定會辣親   哈哈

食完都番屋企喇   里奧大人沖埋個涼就瞓陣   我就睇電視 ~

我就熨 3 機衫   勁攰呀   但堆咗成堆衫   真係手痛都要熨囉 ~

里奧大人 4 點幾瞓到 6 點幾   又未餓   所以 7 點半先去食嘢 ~

食完行去買嘢就番屋企   沖埋涼就休息 ~

咁我睇 Youtube 嘛   睇咩都比里奧大人話   之後我叫佢揀啦   佢揀咗睇隻松鼠狗   因為剪完毛毛   成隻圓碌碌好得意   我咪話囉   我哋真係勁無聊   一齊睇咗 6 分鐘呀   哈哈   最搞笑明明係一路睇一路同我按摩隻手   但我哋掛住睇   佢停咗無按摩   個枕頭又離哂位   係睇完之後佢講出來   我先知呀   可想而知睇到幾咁投入呢   哈哈 ~

呢隻松鼠狗真係超級乖   剪毛完全係坐定定唔郁㗎   里奧大人話好似公仔咁   原來仍無睇過狗狗比人剪毛嘅片   怪不得佢咁認真睇啦 ~

今晚我有啲攰   我 11 點都瞓先喇 ~

泰亞萊泰式美食 @ 紅磡 ( 28-SEP-2019 )

泰式細拚盤 ($88) - 有蝦餅 / 雞座 / 雞翼 / 春卷   樣樣新鮮炸起   勁好味呀   但好熱氣

豬扒冬蔭功湯粉 ($45) - 有驚喜喎   下次會再來食呢  

( 28-SEP-2019  SAT )

今朝瞓到 9 點半都起身喇   沖埋涼就去食早餐 ~

食完番屋企   開埋機洗衫就休息 ~

里奧大人要番工   12 點幾再陪佢食啲嘢   咁我就等家姐車我去佢屋企 ~

Berry 姐今日番學   我都諗緊去唔去探佢   家姐同我講   頭先槽槽要去旺角   所以比架車佢揸   咁佢先睇到 Whatsapp   如果睇唔到就會直接番屋企呢 ~

家姐見我上車   即同 Berry 姐講話新媽咪呀   哈哈   我完全唔記得新媽咪呢個名呀

  
啲牙仔好齊

我話 Berry 姐瘦咗喎   家姐話糟糟又係咁講   好在佢都有舔我隻手   同埋無吠我咋   即係應該記得我啦   哈哈

去到家姐屋企   佢諗住食個麵   我話過去荃灣食嘢好過啦 ~

但出到巴士站   我就再問家姐係咪好餓 ?!   佢話都幾   我話最衰我啦   之得頭先都係食碗麵好啲 ~

去到荃灣都 3 點了   家姐話食狗仔粉   咁又好喎   我想食好耐喇 ~

馳名狗仔粉 ($30) - 加辣菜甫就變得好味道喇

大雜燴 ($38) - 個汁好味呀

珍煮丹嘅黑糖厚奶珍珠 ($34) - 我要半糖   但變咗奶味超級勁重   好在家姐飲到咋   我仲同家姐講話台北好好飲添   好在今次珍珠都煙韌咋   唔係呢杯嘢係零分了   哈哈

食完就搵路啦   我好耐無去   真係唔記得點去   一路行一路搵   家姐話唔係呢度咩 ?!   我就話係呢度咩 ?!   笑死我呀   我仲衰   仲話表妹係 xx 嘛   家姐話唔係呀   真係好彩家姐帶路   唔係我肯定去錯 ~

家姐染同剪髮   所以比佢先   搞掂哂就到我   我想剪到過耳仔㗎   不過表妹話唔好喎 ~

之前我鍾意電髮   因為感覺啲頭髮厚啲   但自從剪短之後   個個話我個樣精神咗   加上我又覺得吹頭勁方便   快乾啲嘛   所以都鍾意短頭髮呢 ~

6 點左右搞掂   去埋印尼店買嘢就走人   家姐帶我搭巴士去紅磡 ~

去到里奧大人公司差唔多 7 點   咁我等佢放工啦   好在同佢啲同事傾下偈   咁啲時間快過啲   哈哈  ~

8 點半終於可以放工   咁食埋嘢先番屋企 lu ~

番到屋企即沖涼   睇多陣電視   里奧大人 11 點唔夠就瞓   我就 11 點半先瞓呢 ~

譚仔三哥雲南米線 @ 美孚 ( 27-SEP-2019 )

過橋米線 (煳辣 3 小辣) - 湯底都 OK 呀   同埋都幾辣

即灼生菜 ($18)

( 27-SEP-2019  FRI )

今朝同里奧大人食早餐   食完又番工   啲時間過得好快咁   哈哈 ~

菇場唔忙   大粒唔喺度真係勁爽 ~

Lunch Time 出去行陣   再買酸辣米線番菇場食 ~

仍然 Hea 過   咁都好㗎   我想比隻手休息下 ~

放工即走   喺美孚等里奧大人 ~

食完就即刻番學   因為想坐好啲嘅位置 ~

今晚上堂又 OK   可能唔駛行住等里奧大人   因為我成日覺得等係最攰呢 ~

放學即走   咁坐小巴番屋企   唔駛坐咁耐   哈哈 ~

番到屋企都即沖涼   睇多陣電視   12 點先瞓 ~

太興 @ 九龍灣 ( 26-SEP-2019 )

豉汁涼瓜炒牛肉 ($70) - 加 $19 有白飯 & 飲品   食呢個餸無可能齋食啦   哈哈

之前啲涼瓜   好多係燶成咁㗎   點食喎

回味菠蘿咕嚕肉 ($70) - 個汁好味道   但唔夠鑊氣

( 26-SEP-2019  THU )

今朝起身   右手無咁痛   但仍然都係痛囉   所以里奧大人話每晚同我按下   咁都好   因為我好少話痛成咁   同埋要求佢同我按摩   所以佢知我一定係好痛囉 ~

呢幾日大粒唔喺度   所以陪里奧大人食完早餐先番工呢 ~

菇場唔太忙   咁就好喇 ~

Lunch Time 出去行陣   再去買 Lunch 番菇場食 ~

呢個係常餐   阿齋同 8 卦見到我食呢個餐就喺度笑   可能因為佢哋朝早食啦   阿齋仲話駛唔駛同我講聲早晨呀   哈哈

仍然 Hea 過   今日有啲攰 ~

里奧大人同我一樣 5 點半放工   咁約埋喺九龍灣等 ~

去太興食晚飯   食完去買個背囊比家姐   做緊特價 $1,020   感恩可以買到   因為我影比家姐睇啦   無諗過佢咁鍾意囉   所以送比佢做生日禮物呢 ~

買完就去聽嘢   9 點半散會即番屋企 ~

里奧大人 10 點 45 分就瞓   我就 11 點先瞓 ~

茄汁肉丸通粉 ( 25-SEP-2019 )

( 25-SEP-2019  WED )

尋晚發夢彈醒咗   第一次有呢啲感覺   好在之後瞓得番咋 ~

早餐食腿蛋治   今次麵包好 Soft 呀 ~

菇場唔太忙   可以 Hea 做 ~

Lunch Time 出去萬寧買嘢   行多陣再買牛筋丸河番菇場食 ~

仍然 Hea 過真係好   加上所有大粒唔喺度   所以勁 Free ~

放工即走   番到屋企都即預備喇 ~

里奧大人 6 點 20 分放工   番到嚟就可以食㗎喇 ~

是日懶餐 - 茄汁肉丸通粉

茄汁肉丸通粉 - 第一次咁整個通粉   估唔到又好味喎 ~

洗埋碗再大清潔廚房   其實隻手好痛   不過炒完嘢都習慣大清潔   硬係覺得啲油會彈到周圍都係咁呢 ~

開埋機洗衫就沖涼   之後休息喇 ~

呢排唔得閒   所以睇唔到中醫   咁里奧大人就幫我按手   今次就大力搓喇   當堂鬆哂   之後叫佢幫我按膊頭   因為我摸到好似腫咗咁   佢幫我按到好似我坐緊越野四駒車咁   大佬呀   邊有人被人按摩   按到成個身郁㗎   郁到我簡直想嘔 ~

之後佢都忍唔住大笑啦   咁佢之後就用手踭 "鉏" 我個膊頭   咁又舒服喎   同埋佢話咁樣反而唔駛用力   兩全其美   哈哈 ~

今晚勁攰   大家 11 點都即瞓喇 ~

麻辣手撕雞 (外賣) ( 24-SEP-2019 )

( 24-SEP-2019  TUE )

今朝早啲起身陪里奧大人食早餐   食完傾多陣計就搭車番工 lu ~

菇場唔忙   其實最好係 Pack File   但手太痛   都係唔好搞住喇 ~

Lunch Time 出去食粥   再去銀行打薄   行多陣就番菇場   好耐無咁行喇   依家天氣涼涼哋真係好舒服呢 ~

菇場忙咗陣又可以抖   呢排懶呀   唔係咁想做嘢 ~

里奧大人 6 點放工   我啱啱買完雞咋 ~

今晚用新電飯煲煮飯   容量最多只係 2 碗飯   咁樣最好   啲飯可以日日清   哈哈

差唔多 7 點食飯   最搞笑里奧大人食食下飯   就同我講咁嘅份量就啱喇   我話最多煲到 2 碗飯咋   佢原來以為我買 1 盒白飯呀   因為上次都係咁呢   哈哈 ~

洗埋碗就開機洗衫   沖埋涼就食雪糕月餅 ~

食完抖陣就叫里奧大人幫我按摩隻手   條友仔真係上下搓咁㗎咋   同我自己搽 Cream 喺手咁嘅力度   向之後上向下掃咁   我話大力啲啦 ~

今晚睇多陣電視   11 點都瞓喇 ~

里奧大人瞓覺又幫我搓手   咁佢唔知我打側瞓   即係左手向佢嗰邊   佢好自然幫我搓手   我話左手嚟㗎喎   之後我話明明唔痛都比佢搓到痛呀   哈哈 ~

韭菜餃 (外賣) + 猴頭菇花膠湯 ( 23-SEP-2019 )

( 23-SEP-2019  MON )

今朝同里奧大人去佢公司附近食早餐   食完抖陣就去銀行   搞掂哂都係 10 點   再去埋街市買餸就番屋企喇 ~

沖埋涼就休息   里奧大人沖埋涼就瞓覺   我差唔多 12 點都瞓咗   好在 1 點起身咋 ~

2 點半食下午茶   食完即番屋企煲湯呀 ~

  
煲落湯就執嘢   搞掂哂都已經 5 點半   怪不得咁攰啦 ~

其實最怕切粟米   啲粟米汁彈到周圍都係咁   所以最後都係切啲唔切啲呢   哈哈

差唔多 6 點就飲湯   飲完湯就抖到    7 點就開餐 ~   

是日懶餐 - 韭菜餃 (外賣) + 猴頭菇花膠湯

韭菜餃 (外賣) - 幾乎每星期一次   我覺得自己好懶   但里奧大人話好過我自己包喎   因為自己包係會好多隻呢 ~

猴頭菇花膠湯 - 加咗 2 條粟米 + 1 條紅蘿蔔   唔落肉都好好飲   同埋慳番好多呀   哈哈 ~

洗埋碗就拖地   做埋 Mask 就熨衫   熨哂啲底衫褲襪   再熨幾件衫就比里奧大人熨喇   因為我隻手好痛呀 ~

睇陣陣電視   11 點 15 分瞓覺 ~

星美樂 @ 深圳 ( 22-SEP-2019 )

( 22-SEP-2019  SUN )

今朝 9 點 15 分起身   沖埋涼就去食早餐   但我個肚有 d 搞搞下   所以都係買番上酒店食呢 ~

無咩人買早餐

我坐喺度等

里奧大人就企喺呢度等早餐

KFC / 必勝客 / 麥當勞全部 Logo 都係紅當當

我想食大餅卷京醬滷肉絲   可惜售罄   

我覺得好抵呀   喺香港茶記食早餐   2 個人食起碼要 HK$70

10 點番到酒店食早餐   真係勁爽   好少喺大陸會咁做呀 ~

大餅卷香烤雞扒蛋 (RMB18) - 有薯仔絲   所以超級飽肚

肉酥油條飯團 (RMB16)  再加多個薯餅 (RMB4) - 油條好脆呀

抖到 11 點半就出發   估唔到 check out 後可以即走   仲諗住等佢地上房 check 哂嘢先可以走添   第一次咁快可以即走呀   哈哈 ~

咁樣影好搞笑

有棵椰子樹

勁呀

酒店對面好多連鎖食店

都有唔少美團

架警車好得意

終於影到美團   哈哈

美團 VS 自己拎

呢架電單車掂呀   前後都唔怕曬親

我地住嘅酒店

里奧大人話要再去東門買鍋餅喎   佢真係好鍾意食咁噃 ~

後樓梯 ?!

第 1 次咁早行東門

里奧大人特登話要再黎食一個   但如果無開就唔等   感恩舖頭開 10 點半

個個都開始忙了

有唔同味道嘅餡料

放落去焗喇 

量溫度

@ 阿甘鍋盔

原來有制服

好味道呀

唔會爆餡

@ 阿甘鍋盔

唔多人行就舒服

我要記住買鍋盔嘅位置就係 361 對面   屈臣氏隔離   難得里奧十人有鍾意食嘅嘢   哈哈

12 點就搭地鐵去高新園嘅萬象天地   地鐵站有個地下商場   又可以行陣睇嘢 ~

去搭地鐵喇   又經過地下商場   想買 1 件厚身短 tee   但計起來要 HK$120   咁我唔買 lu

話咁快就 12 點 47 分

差唔多 1 點到萬象天地喇   呢兩日天氣真係好舒服   有 d 曬但又有涼風呢 ~

今日真係好好天

住呢區都方便

去誠品行下先

我覺得自己鍾意嘅公仔   大部份都係黃色   海棉寶寶   梳乎蛋同 Minions 都係黃色 

男人都係鍾意影呢 d   哈哈 

里奧大人係都要我行埋去影相   影完之後大笑話兩姊妹呀   哈哈   因為件衫係一樣咁喎   我呢年衫喺泰國買架   怪不得似啦   哈哈

叫妳做細佬定阿妹好呀 ?!

泰國出品

醜怪得黎又幾得意

想買左手邊個 folder   但要 RMB19.9   咁唔買 lu

肥貓好得意

唔知咩名堂

繼續周圍行

呢個真皮背囊要 RMB2988   我覺得貴囉   同埋個袋本身都好重   所以平都唔會買 lu  

2 點 15 分去食鴨啦   點知話 5 點先有得食   但頭先問職員   佢答唔知咩   但無話 2 點無得食喎   因為我地問佢駛唔駛 book 位   佢話唔駛呀 ~~~~~~

勁想喊呀   哈哈   因為特登黎萬象天地就係想食鴨嘛 ~

咁無計啦   睇有咩好食   里奧大人揀咗間食西餐嘅   因為我無心機再揀了 ~

里奧大人知我唔係咁開心   所以猛話呢間嘅食物好味道   又話 Mocha 好濃味   雞翼 d 皮脆脆地好味   意粉好多料   薯條焗得好味   簡直讚足全場   笑死我啦   我話唔駛讚喇   見我無得食烤鴨就係咁讚 d 嘢好味   不過講真   呢餐餐廳真係好味道呢 ~

拚盤 (墨西哥粟米薄餅 / 香辣雞翅 / 燒汁芝士薯條) (RMB75)   

呢個好味道  

見到英文寫住 Buffalo Wing   所以先叫呢個拼盤   哈哈   今次係第 1 次食咋   覺得好辣   但好味道   如果無咁多汁會好 d    

薯條 ok  但好滯   所以食剩一半

慢炖鴨肉蕃茄汁意粉 (RMB58) - 件蒜蓉包好好味呀   口感好 soft   個意粉都好味道

好多鴨肉

南瓜湯好味道   夠熱同埋夠南瓜味   但原來係+RMB15 配湯   里奧大人同我講話加五蚊咋喎

Iced Mocha (+RMB15) - 好濃朱古力味

香港 Simply Life ?!

@ 星美樂

我覺得好貴

蛋糕拍得住香港價錢 

食完就去誠品   因為里奧大人想買書   佢睇經濟書喺 2 樓   我睇食譜喺 4 樓   佢問我喺邊度等 ?!   我好認真諗咗陣   之後叫佢喺 4 樓等我   哈哈   佢都忍唔住笑 ~~~~

曬到呢

去到誠品睇書   以為行錯聽講座嘅地方呀

呢度比較熱   因為開咗門

鴛鴦眼好靚

開始要靜喇

有得睇無睇食   嗚嗚嗚嗚   但下次會再來   哈哈

到此一遊

4 點 45 分開始走喇   打的去到深圳灣口岸   沿途有 d 塞車   好在我地習慣早 d 到車站呢 ~

走人喇

我地坐 5 點 45 分班車   但 5 點 55 分先開車 ~

番香港喇

望着海一片~~~~

7 點番到屋企   真係好快呀 ~

番到屋企即開機洗衫   大清潔廁所之後就沖涼 ~

上網睇下嘢   今晚又 12 點先瞓 ~