咖哩豬扒拚司華力腸 + 油麥菜 ( 30-JUN-2022 )

( 30-JUN-2022  THU )

感恩一覺瞓天光呀   里奧大人話尋晚都瞓得好   但如果唔去咗廁所更好   我直頭唔知佢去廁所添呀   如果晚晚瞓到咁深層熟睡就好了 ~

今朝落大雨   所以涼咗好多呀 ~

早餐食奶醬多   落雨唔想行咁遠   如果唔係本身想食麥記呢   哈哈 ~

菇場唔忙呀   又做下自己嘢 ~

坐坐下都覺得凍   同埋好多同事都着咗外套   希望冷氣日日咁凍就好啦   真係好怕焗熱嘅感覺 ~

Lunch Time 出去買薯仔同粟米   之後再買麵包   全程 45 分鐘   大雨又停雨   停雨又大雨咁   不過我不嬲都會有把遮喺袋嘅   嗰次肥仔豪聽到我話把遮係放喺公司用   佢個樣好愕然   可能佢番工同 Lunch Time 用同一把遮   我就唔會咁   因為我驚自己唔記得收遮呀   咁放工就無遮用了 ~

買埋水餃河都番菇場喇   得番半個鐘頭食嘢咋 ~

仍然唔忙呀   可以準時放工~

同里奧大人同一班車番屋企   所以番到去都要即預備晚餐 lu ~

是日晚餐 - 咖哩豬扒拚司華力腸 + 油麥菜

咖哩豬扒拚司華力腸 - 今次個咖哩汁係中辛   本身醃咗 4 塊豬扒   但我想食司華力腸   所以只煮 1 塊豬扒   哈哈 ~ 

油麥菜 - 終於食埋喇   依家雪櫃好凍   好易雪到啲菜爛哂呀   唉 ~

洗埋碗就抖下   再同里奧大人跳 1.5 Part 舞 ~

開機洗衫就沖涼   之後就睇電視 ~

呢排睇韓劇同 Binne 都用 Samsung 摺機   搞到我都好想買   我同里奧大人講話: 我想買   你同家姐送比我嘅生日禮物   里奧大人笑出嚟   話無諗過我咁講   仲講得咁順口   哈哈 ~

今晚 11 點 45 分都瞓覺   里奧大人就仍然睇 Youtube ~

蜜糖焗雞翼 + 雙菇拚菠菜 ( 29-JUN-2022 )

( 29-JUN-2022  WED )

雖然尋晚半夜去咗廁所   但感恩好快瞓得番呢 ~

番到菇場附近有人拍我   原來係 8 卦   嚇鬼死我 ~

估唔到西瓜未番   好在 8 卦有鎖匙咋 ~

早餐食吞拿魚治烘底   呢排天氣焗熱   想食啲酸酸咪咪嘅嘢 ~

菇場冷氣都唔夠咁呀   阿齋又係話天氣熱   等我仲以為壞冷氣添   咁今年真係熱得好犀利喎 ~

Lunch Time 即出去買木瓜   里奧大人今朝話鼻敏感發作   要買木瓜食   佢話不如星期五去 Megabox 買生果   我話呢啲普通嘢唔駛去 Megabox 啦   所以我點都要去買囉   最後買咗 3 個牛奶木瓜   本身想買 6 個   但真係太重唔敢買   哈哈 ~

行多陣又去買咗 8 個大蕃茄   所以開始熱喇   經過 7-11 就買埋午餐   順便涼陣冷氣 ~

仍然忙下停下   所以好快放工 ~

放工即走   之後里奧大人都番到屋企了   不過今晚要 7 點鬆啲先可以開餐 ~

是日懶餐 - 蜜糖焗雞翼 + 雙菇拚菠菜

蜜糖焗雞翼 - 呢款丹麥有機雞翼真係細隻到不得了   有 1 隻直頭同我手指公 Size 一樣   我都要比里奧大人睇下   佢都話無見過咁細嘅雞翼 ~

雙菇拚菠菜 - 好鍾意咁樣食法   又夠飽肚  可以唔駛食飯都得 ~

洗埋碗就食生果   抖半個鐘就同里奧大人跳 1.5 Part 舞 ~

沖埋涼都 9 點半喇拿拿聲同里奧大人睇 "盡情吃 用力愛"

睇多陣 youtube 都瞓   11 點唔夠就瞓真係好 ~

水餃拚雲吞 (外賣) + 絲瓜魚蛋鮮冬菇湯 ( 28-JUN-2022 )

( 28-JUN-2022  TUE )

尋晚半夜去廁所   之後好難先瞓得番呀~

今朝鬧鐘響   里奧大人話佢無校鬧鐘   我都迷迷糊糊答佢鬧鐘響咗囉   咁到我起身   一望個鐘係 7 點 38 分   原來頭先係我鬧鐘響   唔怪得里奧大人話我唔明佢講咩啦   哈哈 ~

我都遲咗一班車   不過無咩所謂   反正番到菇場都有時間食早餐呢 ~

早餐食奶醬多   依家唔會連續食   所以覺得好味啲   哈哈 ~

菇場忙下停下   呢排冷氣唔夠   好易焗到眼瞓 ~

Lunch Time 出去行下   又忍唔住買咗 2 Pack 罐裝咖啡   之後再去買鯪魚球米番菇場喇 ~

食到流哂汗   我直頭要拎把風扇仔吹住條頸 10 分鐘   我先可以再食   真係熱到無朋友   哈哈 ~

終於忙哂啲煩嘢   實在太開心了 ~

不過我焗到中眼瞓   之後我問阿渠冷氣熱唔熱 ?!?!   佢都好愕然話: 熱唔熱 ?!?!   我話焗到痴咗啦   其實係想問凍唔凍呀   哈哈   佢話天氣太熱   所以冷氣唔夠凍呀 ~

放工即走   估唔到又可以同里奧大人一班車 ~

番到屋企都預備晚餐   本來今晚想跳舞   但個人真係好攰   所以唔跳喇   叫里奧大人沖涼先 ~

是日懶餐 - 水餃拚雲吞 (外賣) + 絲瓜魚蛋鮮冬菇湯

水餃拚雲吞 (外賣) - 上兩星期買㗎   所以我想清埋去啦   放喺冰格真係唔記得佢嘅存在 ~

絲瓜魚蛋鮮冬菇湯 - 好耐無飲湯   咁就整個簡單湯水喇 ~

洗埋碗就沖涼   差唔多 8 點半就同里奧大人一齊睇 "盡情吃 用力愛" ~

我再睇多陣 Youtube   今晚 11 點唔夠都自己瞓先喇 ~

蜜糖焗雞膇拚營火燒烤純豬肉腸 + 辣菜甫菠菜 + 茄汁長通粉 ( 27-JUN-2022 )

( 27-JUN-2022  MON )

感恩一覺瞓天光呀   尋晚真係特別攰咁 ~

早餐食吞拿魚治烘底   呢個應該之後會成日食   哈哈 ~

菇場忙呀   不過啲嘢唔急就慢慢做 ~

Lunch Time 去買咗兩晚嘅菜  又買咗 4 支甜豉油同 2 支煲仔飯豉油   我就論盡到死   以為 $10 (買 1 送 1)   咁比錢要 $40   我話不是 $10 (買 1 送 1) ?!   收銀話係 $10 (買 2 送 1)   咁我即話要 3 甜 3 煲啦   好在佢唔駛取消單再入過咋   麻煩到佢真係勁唔好意思呢 ~

買埋粉果炒麵就番菇場喇   行到好鬼熱   本來想食鯪魚球米㗎   但菇場無咩冷氣咁   所以都唔係湯粉麵 lu ~

仍然做唔急嘅嘢   所以放工可以準時走 ~

番到屋企都預備晚餐 lu   里奧大人應該都有啲餓   哈哈 ~

是日晚餐 - 蜜糖焗雞膇拚營火燒烤純豬肉腸 + 辣菜甫菠菜 + 茄汁長通粉 

蜜糖焗雞膇拚營火燒烤純豬肉腸 - 一次過焗就最好   之後再加埋最後幾件竹輪卷就搞掂 ~

辣菜甫菠菜 - 買咗 1 Pack 可以分兩餐食   本來想整金銀蛋   但唔想烚鹹蛋   所以就咁加辣菜甫算喇 ~

茄汁長通粉 - 因為想里奧大人聽日帶飯   所以就煮個長通粉 ~

洗埋碗就抖到 8 點半就跳舞   今晚同里奧大人跳 1.5 Part 舞   慢慢 Warm Up 先再跳第 2 Part ~

沖埋涼就食西瓜   今晚自己睇 "假如愛有天意"   8 卦今日叫我一定要睇喎   里奧大人話其實呢套戲   小組喺兩年幾前已經介紹過   哈哈 ~

套戲都幾感人   雖然情節老老土土   我都忍唔住喊   但唔咁勁喊啦   因為驚聽日眼腫呀 ~

睇到 11 點半就睇完   要即刻瞓喇   估唔到里奧大人居然話未眼瞓   睇多陣 Youtube 先喎 ~

青咖哩扎肉 + 沙爹王 XO 醬炒扎肉刀削麵 + 麻醬粟米粒 ( 26-JUN-2022 )

( 26-JUN-2022  SUN )

今朝 8 點半都醒醒地   諗住再瞓都瞓唔到   咁起身食早餐 lu ~

一路食早餐一路睇 ASTRO   食完就一路聽歌一路做大清潔   拖完地就大清潔廁所   沖埋涼就抖下先番教會   難得今朝有時間抖下   哈哈 ~

巴士好焗呀   明明精神都焗到好眼瞓   最驚係咁 ~

崇拜完就同阿妹傾計   今日里奧大人準時 1 點半放工   實在太好了 ~

我去買下午餐   叫里奧大人去超市買 8424 西瓜   做特價好似 $59/個   上次佢揀個起沙   所以今次叫佢揀 ~

番到屋企沖埋涼先食下午茶   咁一陣隨時可以瞓覺   哈哈 ~

左上角嘅奶皇包好味呀   估唔到呢   哈哈

里奧大人 4 點左右瞓覺   我都攰   但又瞓唔到   點知差唔多 5 點就勁眼瞓   一瞓就瞓到 5 點半   最搞笑里奧大人啱啱都醒咗   佢以為我無瞓到覺 ~

6 點 15 分預備晚餐   不過 7 點先可以開餐   今晚慢咗啲   哈哈 ~

是日懶餐 - 青咖哩扎肉 + 沙爹王 XO 醬炒扎肉刀削麵 + 麻醬粟米粒

青咖哩扎肉 - 焗完再切片   其他就切條加落刀削麵度 ~

沙爹王 XO 醬炒扎肉刀削麵 - 最開心係清埋包刀削麵同半支 XO 醬   咁我就唔駛成日記住要食佢哋呢 ~

麻醬粟米粒 - 唔記得買菜呀   所以即開罐粟米 ~

洗埋碗就開機洗衫   之後即沖涼喇 ~

今晚睇一陣 Youtube   我 10 點 45 分都瞓覺先喇   好早瞓咁呀   哈哈 ~

煎釀三寶 + 馳名狗仔粉 + 山葵八爪魚軍艦 & 希靈魚壽司 (外賣) @ 屋企 ( 25-JUN-2022 )

( 25-JUN-2022  SAT )

今朝 7 點 20 分醒咗   但都繼續瞓   因為星期六唔會咁早番工呢 ~

早餐食奶醬多   今次整得好味   以前鍾意大火夠乾身   但依家覺得大火太乾身   哈哈 ~

.

菇場唔忙啦   又係同阿花 Whatsapp 到放工 ~

放工去買午餐就番屋企喇   今日里奧大人補假   又可以陪我食午餐 ~

餸同米線要分開上

食完就睇 Youtube   之後 3 點左右就瞓咗半個鐘   咁我一起身就抹嘢   里奧大人話我係咪痴線㗎 ?!   一起身無啦啦就抹嘢   不過我真係咁㗎喎   可能我想郁下   哈哈 ~

做咗陣小清潔就沖涼   咁等個人更加精神呢   因為要做功課呀 ~

6 點就出發喇   因為想買朱古力比 Miss 呢 ~

行行下又買咗 6 罐無基因改造嘅粟米   其實好鬼重   不過想買囉   因為唔係成日做特價嘛 ~

買完就即去買朱古力   咁番學校一拎盒朱古力出嚟   見到個開口係揭開咗呀   唉   我已經好小心放入袋   仲特登唔唔開個袋拎嘢   點知都出事   嗚嗚 ~

所以又要飛落去再買盒新啦   雖然真係啱啱整到   但始終咁樣送比人就唔好囉 ~

明明我係無出汗   但買完番到學校   我係成頭汗   唔知以為我遲到   哈哈 ~

估唔到同學仔都送盒餅比 Miss   咁我哋放學之後就即刻送比 Miss 呢 ~

買埋晚餐就番屋企   呢排好鍾意食壽司   因為我自己去買   如果同里奧大人一齊   佢肯定唔會比我買   呵呵 ~

我同里奧大人講話同學仔都送餅比 Miss   佢即刻話咁 Miss 肯定教得好啦   唔係同學仔唔會咁有心呢   所以我成日話 Miss 教得好   真係唔係我主觀感覺呢 ~

開口揭開咗呀   咁留比里奧大人喺屋企食啦   哈哈

抖陣就沖涼   睇下 Youtube 又差唔多 12 點先瞓 ~

韓式辣牛肉湯 + 酸薑皮蛋拚蕎頭 + 菜心苗 ( 24-JUN-2022 )

煮多個無味粉拉麵比里奧大人就搞掂

( 24-JUN-2022  FRI )

感恩尋晚瞓得好好   所以鬧鐵響咗都唔係咁想起身呀 ~

早餐食奶醬多   今朝無咁多時間食呀 ~

菇場忙下停下   成日咁都好   有嘢做但又唔趕   無咁大壓力   哈哈 ~

Lunch Time 一到就出去行 15 分鐘   因為真係超勁熱   所以行 15 分鐘已經好夠   買埋紅腸酸辣米線就番菇場喇 ~

Berry 咁瞓好得意呀   第一次見佢貼住枕頭瞓覺呢

無咁忙就傾偈啦   其實 Skype 傾偈係非常好   因為可以令到自己打字更快 ~

之前個舊 Keyboard 比較嘈   依家打字就無人聽到   勁爽呀   始終無嘢做打咁多嘢   就一定係私人嘢啦   哈哈 ~

里奧大人補假   我放工買埋雞骨草都即番屋企 lu ～

是日晚餐 - 韓式辣牛肉湯 + 酸薑皮蛋拚蕎頭 + 菜心苗

韓式辣牛肉湯 - 之前買咗包 Spicy Beef Soup   所以都想開嚟試   唔係一陣過期又心痛嘛   一倒入鍋都覺得唔辣   所以加 1 湯匙韓國辣椒醬   咁再加韓國豆腐同金菇同年糕一齊煮   最後落 10 塊牛板腱   淥兩淥就搞掂   煮呢啲一鑊熟真係最好   只洗一個鍋就得   哈哈 ~

酸薑皮蛋拚蕎頭 - 想清埋隻皮蛋   所以就整呢個小食   真係勁開胃   夏天食真係一流 ~

菜心苗 - 終於食哂喇   唔駛成日一開雪櫃就望到   哈哈 ~

洗埋碗就沖涼   又睇下電視   今晚 11 點 20 分都瞓覺   里奧大人就睇 Youtube ~

炸雞 & 肉醬意粉 + 菜心苗 ( 23-JUN-2022 )

里奧大人只帶半盒意粉   所以今晚食埋呢半盒意粉   真係好抵食   哈哈

( 23-JUN-2022  THU )

感恩一覺瞓天光   全程仲係熟睡狀態呀   所以今朝明明校咗 7 點 45 分鬧鐘   但 7 點半都自己醒了 ~

早餐仍然食吞拿魚治烘底   酸酸咪咪好味道 ~

菇場忙下停下   突然又有 Urgent 嘢做   好在今日狀態好好咋 ~

Lunch Time 去買牛腩米   之後即番菇場   今日仲係無咩力   同埋條街超級熱   唔知係咪三日無出去   所以感受唔到呢幾日中午係超級熱   哈哈 ~

食完同阿齋傾狗經   傾咗半個鐘   傾到 1 點 15 分呀   好在有同事都未番   咁就唔似遲開工   哈哈 ~

仍然唔太忙   所以都係 Skype 同 Whatsapp 傾偈 ~

放工即走   同里奧大人差唔多時間番到屋企   所以一齊去買生果先番屋企 ~

我要即刻煮晚餐喇   里奧大人就沖涼呢 ~

是日懶餐 - 炸雞 & 肉醬意粉 + 菜心苗

炸雞 & 肉醬意粉 - 又係循環再食   好在都鍾意食   唔係就慘了   哈哈 ~

菜心苗 - 星期日買咗 2 斤   仲特登分開 3 包   諗住連食 3 晚   點知星期一每月一到煮唔到   所以點都要食啦   聽晚仲要食添呀   真係好日唔買 2 斤   唉 ~ 

洗埋碗就開機洗衫    之後即沖涼喇 ~

今晚同里奧大人一齊睇盡情吃 用力愛   再睇多陣電視   差唔多 10 點 45 分都瞓覺 lu ~

環遊世界 (薄批) + 炸雞 + 招牌肉醬意粉 (外賣) @ 屋企 ( 22-JUN-2022 )

( 22-JUN-2022  WED )

尋晚瞓到 12 點幾   個肚有啲痛   所以想去沖個熱水涼   之後真係舒服好多   一覺瞓到里奧大人鬧鐵響   但我就繼續瞓到 7 點 45 分呢 ~

早餐食吞拿魚治烘底   真係好耐好耐無食喇 ~

菇場唔忙   明明番工前個肚無痛   點知一開工就痛   好在都頂到咋 ~

Lunch Time 就瞓   成 10 針鐘又瞓唔到   之後同阿齋傾下偈   差唔多 12 點 35 分先瞓   一瞓又瞓到 1 點 10 分 ~

抖陣就飲杯熱朱古力奶   個人叫做精神番少少 ~

里奧大人叫我兩星期唔好煮飯   咁等隻手可以抖下   我死都話要煮   但呢幾晚真係無本事煮呀   所以講嘢唔好咁肯定   哈哈 ~

佢都話我可能番工緊張   因為我番到屋企真係完全無事架喎   連阿齋都話我已經好耐無咁樣   因為我好多時都出街嘛 ~

3 點幾再沖多杯熱朱古力   但飲到一半已經好反胃   所以真係唔敢再飲   唉   嘥咗半杯添 ~

忙咗一個鐘又可以休息   做下嘢又好似好啲   可以分散下注意力   哈哈 ~

放工即走   番到屋企即叫外賣   里奧大人 6 點幾番到屋企   佢一沖涼   外賣就到   好多時都係咁   哈哈哈哈 ~

我同里奧大人講話番到屋企真係完全無嘢   沖完熱水涼係好精神   仲完全唔肚痛   里奧大人話可能番工緊張   始終喺屋企係隨時可以瞓   咁又係嘅   我呢幾晚食完真係好似灘屍咁   咩都無執㗎   里奧大人都知我唔舒服咗成日   會好自動自覺執嘢   唔駛我勞氣   哈哈 ~

食完就休息   睇電視睇到 10 點半都自己瞓先   呢排真係呢個時間就好眼瞓咁呢 ~

勁量鍋貼麵線套餐 + 招牌鍋貼餐 (外賣) @ 屋企 ( 21-JUN-2022 )

( 21-JUN-2022  TUE )

尋晚瞓得勁差   所以今朝 7 點 45 分先起身 ~

早餐食奶醬多   不過無咩胃口   剩番少少都唔想食呢 ~

菇場唔忙   除咗去廁所   真係唔願郁呀 ~

Lunch Time 一到就瞓   熟睡半個鐘   但無咩胃口食嘢   等我今朝仲買定個菠蘿叉燒包添   不過菇場好凍   所以沖咗杯熱朱古力奶   之前買咗都無飲過   終於可以飲下   哈哈 ~

仍然唔忙啦   5 點 20 分先嚟餓   但唔食包啦   食粒朱古力搞掂 ~

放工即走   里奧大人早過我番屋企   所以佢買晚餐喇 ~

食完就開機洗衫   沖埋涼就即刻休息 ~

今晚 10 點半都瞓覺先喇   每月一到真係零舍早瞓   哈哈 ~