滷水鵝翼 - 買咗 3 隻 咁工人就有餸食呢 因為家姐唔知道有牛肉
榨菜蒸撻沙魚 - 姐夫呢條只係尾巴 都好厚肉 呢度 $100 我真係唔知呢啲魚係咩價錢呢
鵝肝腸 / 鴨潤腸 - 好味呀 因為里奧大人唔食 其實家姐比咗我 不過我仲未蒸囉
白菜心炒牛肉好味呀 啲菜好甜 今晚仲有當參杞子湯 所以食到好飽 哈哈
( 28-FEB-2019 THU )
真係話咁快又過咗個 2 月 所以之前都同弟兄姊妹講好快又 2046 以前覺得 2046 好耐咁家嘛 所以佢地即刻計自己到時幾多歲 哈哈 ~
早餐食吞拿魚治烘底 如果有埋碎蛋就正喇 ~
菇場唔太忙 呢排都比較靜 ~
家姐依家黐咗線
Lunch Time 出去買酸辣米線 因為突然間好鬼餓呀 ~
大粒開會 成日出出入入 所以都清下啲文件啦 又清咗一大堆 爽呀 ~
里奧大人今晚番學 所以我又去探 Berry 喇 ~
放工即搭小巴 估唔到等車仲耐過坐車 ~
今晚我自己行去家姐屋企 我話行咗咁多次 都應該記得呢 ~
差唔多到家姐門口 好在家姐打嚟 因為要叫工人開門比我呀 ~
坐低無耐又咬玩具了 堅唔會比我抖下 哈哈
聽到門聲
隻牙仔尖到呢
我用盡力扯
同樣地佢都用盡力扯
夾到佢咁 佢都照大大力扯
我成日用玩具啲鬚鬚 Fing 佢塊臉 不過之後比佢咬得更犀利 哈哈
佢越咬越上 咬埋我手指
又咬穿我條褲呀
我一路影 佢一路咬 係咪咁好味呀 ?!
我隻手已經比佢咬到紅哂喇
又成機樸埋來咬我
咁環境下 我都唔敢郁 唔係抓埋我隻腳
我出盡力扯 都唔夠佢大力
我比佢咬損咗 咁影比家姐睇啦 點知佢就一嘢咬落黎
再損多一嘢
Berry 主人 唔好咬我可以嗎 ?!
咁樣好似好乖咁 鏡頭背後就咬到我死死下
家姐抱佢 佢就會放軟哂手腳咁㗎
去到家姐屋企都係 6 點 10 分 又幾快喎 ~
衰女呢埋喺梳化底 之後我叫佢 佢先出來 Fing 尾 大佬 特登黎比妳咬㗎 仲唔快啲出嚟 哈哈 ~
佢真係只咬我同家姐 我見到工人隻手同腳都滑嘟嘟㗎喎 完全無傷痕 ~
一坐低就拎玩具比我啦 無耐又放低 之後狂咬我條褲呀 又咬到兩邊褲腳都穿咗個窿 下次我要着水鞋了 ~
今晚佢仲顛 跳高咬我隻手呀 勁驚咬爛埋我件衫囉 ~
家姐 6 點 50 分左右番到屋企 佢買斬料番嚟 我話之得我頭先放工買啦 佢又唔駛咁趕 ~
次次去家姐屋企 佢都會諗定買咩買咩 ?! 又會問人買咩好 ?! 家姐話有次街坊就問佢咁緊張買嘢 係咪 VIP 嚟 ?! 但其實只係佢個妹 哈哈 唔知以為好耐無見個阿妹咁 哈哈 ~
7 點幾開飯 家姐成日問鍾唔鍾意食 ?! 好緊張㗎佢 但我真係咩都食㗎喎 咁我同家姐口味又差唔多嘛 最緊要整得乾乾淨淨就得㗎喇 ~
家姐沖涼先 衰女即咬我呀 係咪等咗好耐呀 ?!
家姐打佢呢 佢又咬我喎 關我咩事喎 ~
咁工人拖地 睇住佢同家姐一齊捉 Berry 都捉唔住 笑死我 之後我話等我嚟啦 ~
我一行咋 佢就跟住我喇 咬我呀 衰女包 之後我一手抱起佢囉 幾有成功感 哈哈 ~
衰女 9 點幾仲未攰
條褲都係佢啲口水漬
咁快起身㗎
叫我做新媽咪 好搞笑 無啦啦叫埋工人做新姨姨 黐鬼線咩 哈哈哈哈 ~
家姐又話 Berry 番新屋企喇 工人以為真呀 ~
姐夫話家姐無忽好肉 我再望佢手腳 真係比 Berry 抓到好多痕跡呀 最短係 2 吋 有幾條最長係 5 吋 ~
咬損我隻手 好彩件衫無爛 家姐即幫我搽破痛油 之後 Berry 一聞到就打噴嚏 好搞笑 ~
最搞笑里奧大人打嚟 我即刻話新 Daddy 呀打比妳呀 Berry 拎個電話貼住 Berry 臉豬仔 好似真係聽緊電話咁㗎 勁得意 家姐都忍唔住擰轉後面望佢 ~
家姐叫工人沖埋涼 一陣抱 Berry 送我番屋企 哈哈 ~
9 點半左右番到屋企 我都即沖涼喇 ~
里奧大人就 10 點左右番到屋企 我同佢講話比 Berry 咬到損哂呀 佢話咁咬法妳都喺度笑 妳比佢咬都好開心啦 家姐又成日問點解我咁鍾意 Berry 可能真係睇住佢大隻啦 同埋佢係流浪狗嘅 BB 身世可憐 所以我想比多啲愛佢呀 哈哈 ~
睇多陣電視 11 點左右都瞓喇 ~
