金大班茶餐廳 @ 官塘 ( 31-AUG-2019 )

腐乳通菜炒牛肉套餐 - 今晚 1 個套餐 Share 食   因為份量好多

( 31-AUG-2019  SAT )

今朝早啲起身   因為約咗家姐食早餐 ~

今次早餐逐樣逐樣嚟   平時唔係咁㗎   因為今朝廚房師傅 8 點之後先番   呵呵

有杯好深色   家姐話叫我飲   我鍾意濃啲   哈哈   

我喺大陸買㗎   同家姐 Share   我之後試咗   完全無杏仁味   仲要好鬼甜

食下傾下好快又 8 點 50 分   係時候要番工喇 ~

菇場唔忙   無哂大粒勁開心 ~

放工番屋企   抖多陣就去食下午茶 ~

食完行陣先番屋企   里奧大人溫習   我就休息 ~

今晚去家姐屋企食飯   但唔叫工人煮喇   所以我 5 點出發去一田買熟食就算 ~

家姐趕住帶 Berry 睇醫生   所以我話買完就先去佢屋企   之後再接里奧大人 ~

家姐早過我到屋企   所以我喺村口等佢   車埋我直接去診所   約咗 7 點呀   我地 6 點 57 分先到   叫佢哋快啲入去睇   我就看車 ~

7 點幾睇完   去接里奧大人去家姐屋企   去到半路 Chok 咗一下   家姐話架車好似有啲問題   但繼續行   之後架車再出警語   但因為無理由行行下停喺馬路中間   要搵個無咁危險嘅地方先可以停嘛   感恩有個路口可以停到   但其實唔係停到   係架車已經 Lock 死咗唔比郁 ~

咁要 Call 車啦   但要等 25 分鐘   咁家姐落車指示其他司機唔好過埋嚟呢邊 ~

8 點幾終於搞掂   咁家姐打的番屋企   我唔跟佢番喇 ~

咁啱里奧大人打嚟   我話番緊嚟同佢食飯   哈哈 ~

食食下飯   家姐打嚟   話今晚我全程都無抱 Berry   我話今晚好多突發事發生   最搞笑本來我係陪埋 Berry 入去睇醫生   但要看車   之後諗住接里奧大人嘅時候   我就坐後面陪 Berry   但點知壞車   哈哈 ~

話咁快就 9 點幾   即沖涼休息喇 ~

諗住睇 Youtube   咁啱堂妹打嚟   佢啱啱係朝早 9 點幾   所以就打比我傾下偈   佢有時會朝早10 點幾打比我   但傾得唔耐   因為到佢要瞓   有時差係煩啲   哈哈 ~

傾下傾下都個幾鐘   所以依家有 Whatsapp 實在太好   就咁用數據就可以   不過嗰時佢都會打長途比我㗎   又係傾個幾鐘   無計啦   相隔咁遠   好多嘢都想知下嘛 ~

傾完又睇下電視   又 11 點幾先瞓 ~

麥當勞 @ 美孚 ( 30-AUG-2019 )

麥樂雞餐

( 30-AUG-2019  FRI )

感恩一覺瞓天光   雖然都攰   但起碼都叫做瞓得好呢 ~

早餐又食吞拿魚治烘底   係悶   但又唔想食其他 ~ 

菇場唔太忙   呢排都靜呀 ~

Lunch Time 出去買豬軟骨酸辣米線番菇場食   今晚番學    所以食飽啲 ~

仍然唔忙   今日 3D   大粒唔喺度真係好爽 ~

放工即走喇   去美孚番學   以為 7 點上堂   原來係 7 點半   仲有個幾鐘頭先番學   我都去麥當勞食嘢喇   唔想周圍行   一陣行到攰就無精神上堂了 ~

里奧大人今晚去紅磡有嘢搞   所以嚟唔到 ~

放學即走喇   番到屋企都 10 點幾   即刻沖涼喇   勁攰 ~

同里奧大人睇 Youtube  再傾陣偈   12 點先瞓呀 ~

茄汁肉丸意粉 ( 29-AUG-2019 )

( 29-AUG-2019  THU )

一覺瞓天光實在太好喇   感恩感恩 ~

早餐食吞拿魚治烘底   感覺健康啲   哈哈哈哈   其實食到好悶 ~

菇場忙呀   好快又 Lunch Time ~

今日食 Flakes + 豆奶   我覺得食完喉嚨有啲痛   之前唔會咁喎   真係邪   等我仲買咗 2 包 Flakes 添 ~

仍然忙   感恩放工前搞掂 ~

番到屋企解凍哂所有嘢就休息一陣先   6 點半先開始煮嘢 ~

今晚又煮懶餐   唉   無計啦   隻右手好痛   右手食指又勁濕疹   只能煮啲勁簡單嘅嘢囉 ~

是日懶餐 - 茄汁肉丸意粉

茄汁肉丸意粉 - 屋企長期有急凍雜豆   唔去街市買菜都得   今次煮得都好味   睇里奧大人食嘢個樣就知   哈哈 ~

洗埋碗就沖涼   今晚唔熨衫喇   比隻手休息下 ~

今晚做震震機同按摩   做完之後就成身鬆哂   呢兩個幾月無運動又無郁又夜瞓   生活完全唔健康   諗住 8 月會好啲   但又濕疹又手痛   個人完全無哂心機   希望 9 月有新開始啦   哈哈 ~      

睇陣 Youtube   11 點都瞓了 ~

麻辣手撕雞 (外賣) + 粟米湯 ( 28-AUG-2019 )

( 28-AUG-2019  WED )

今朝起身都精神   但半夜又醒一醒   感恩好快可以瞓番咋 ~

早餐食腿蛋治   覺得係食新嘢   哈哈 ~

菇場忙下停下   但無啦啦個人好攰 ~

Lunch Time 出去買生果   再買菠蘿叉燒包番菇場食 ~

今日又開始飲中藥   飲完個人感覺無咁濕重   但仍然都係有啲攰   哈哈 ~

放工即走   買埋半隻手撕雞同一盒白飯就番屋企 lu ~

仍然右手痛   所以煮粟米湯   唔想洗菜 ~

6 點半開飯   洗埋碗就去超市買嘢   之後番屋企 lu ~

沖埋涼就開機洗衫   之後休息喇 ~

睇多陣電視   11 點幾都瞓喇 ~

米線陣 @ 官塘 ( 27-AUG-2019 )

大汗霸氣雞扒蕃茄湯米線 ($57) - 今次我轉蕃茄麻辣湯底喇   真係惹味好多   哈哈   

香酥豬頸肉 + 鮮蝦雲吞 + 手打豬肉丸米線 (麻辣蕃茄湯底) - 里奧大人鍾意啖啖肉

( 27-AUG-2019  TUE )

尋晚一覺瞓天光   感恩感恩 ~

今朝里奧大人有啲嘢搞   所以同我食早餐 ~

菇場忙呀   好有番工嘅感到   哈哈哈哈 ~

Lunch time 出去行陣   再買魚片頭河番菇場食   其實真係厭厭哋   但又唔想食牛同蝦喎   咁得呢樣囉 ~

忙下停下   但放工即走喇   要去睇中醫呢 ~

今次心跳 82   上下壓 138/78   其實我都覺得高   但醫師話 OK ~

睇完即去米線陣喇   里奧大人話唔知我去睇中醫喎   比佢激死   成日唔認真聽我講嘢 ~

食完都番屋企喇   里奧大人要溫習呢 ~

沖埋涼就熨 3 機衫   好鬼攰呀   哈哈 ~

今晚 11 點都瞓喇   難得呢個時候瞓到 ~

住家飯 @ 姑奶屋企 ( 26-AUG-2019 )

煎豬扒

乳鴿 (外賣)

滷水鵝半隻 (外賣)

叉燒 (外賣)

蒸魚

蒜蓉炒勝瓜

( 26-AUG-2019  MON )

尋晚瞓得唔錯   今朝起身都精神 ~

早餐食芝腿治烘底   其實想食蛋   但呢幾日食得太多   所以忍下口 ~

菇場忙呀   忙到唔知做邊樣好   好耐無試過喇 ~

喺大陸買㗎   只係 RMB 30   最鍾意大大粒嘅制

Lunch 食 Flakes + 豆奶   咁就唔駛出去買嘢食呢 ~

仍然超級忙   差唔多放工   姊妹 SF 打嚟傾偈   傾到過哂鐘   不過今晚唔趕住走   所以我可以繼續傾 ~

放工約咗里奧大人同兒生仔兩公婆傾啲嘢   之後湊埋 BB 就去佢地屋企食飯 ~

8 點左加到   食下傾下   9 點半都走人喇 ~

同姑奶打的番屋企   我都即開機洗衫   沖埋涼就休息 ~

今日小組發生咗啲事   估唔到我係姊妹們嘅樹窿   感激佢哋咁信任我   我由 5 點半開始係咁 Whatsapp   弟兄姊妹個個同我呻   我都有啲亂了   哈哈   但傾到差唔多 12 點幾   我都要瞓覺喇   聽日再傾 ~

古龍峽玻璃峽谷純玩 3 天團 (駿景酒店 @ 佛山) DAY 3/3 ( 25-AUG-2019 )

( 25-AUG-2019  SUN )

今朝 8 點起身   沖埋涼就去食早餐喇 ~

出面唔知係咩地方呢 ?!

之後見到有個職員行出去

甜甜酥

奶皇卷

雞蛋

蕃薯

唔記得係咩

炒河粉

紫米糕

腸仔

黃金糕

燒賣

炒椰菜

火腿

我嘅早餐

里奧大人嘅早餐   

食完番上房抖陣   之後出去行超市   其實只係行 8 分鐘就到   好方便 ~

諗住拍片比阿 mi 睇下間酒店好暗   但拍唔到個效果

張相係咪好暗呀 ?!   但尋晚就係見到咁暗   所以個人感覺唔多舒服

本身係咁嘅光線嘛   妳話係咪之後見到咁暗   成個人都唔舒服丫 ?!?!

搭 lift 落去喇

Lift 出面係咁嘅

@ 駿景酒店

正和國醫養生館

個天想落雨咁   所以都有 d 焗熱 ~

行落去都好方便

地方唔算荒蕪   嘻嘻

見對面有 d 商店   又去睇下

里奧大人想食蘭州拉麵   咁陪佢食啦   難得佢想食嘛 ~

都有唔少食店

如果有冷氣就更好

Open Kitchen

手拉麵

你好

蘭洲牛肉拉麵

唔係好大碗架咋

 辣椒油係香香辣辣

消毒筷子機 ?!

食完行超市   諗住買尖叫   居然無喎   搞到我想尖叫   哈哈哈哈 ~

都唔少人行超市

超市可以買魚 

月餅都好貴

我離遠睇以為發霉呀

乳酸飲品

中國名牌水呀

里奧大人第一時間行去睇有無尖叫

地方都大架   所以行得好舒服

呢隻公仔好搞笑

無啦啦落好大雨呀   所以去文具店行陣   等無咁大雨先番酒店 ~

我想買部計數機番菇場用   終於今日比我買到   仲要只係三十蚊人仔   我喺淘寶都要五十幾蚊人仔架 ~

我以為係八哥   原來係隻鴨

見細雨 d 都行番酒店喇   又要沖多次涼   睇下電視   勁想瞓覺   哈哈 ~

喺酒店睇電視   真係好 relax   哈哈

酒店房卡

11 點半食早飯   原來又係食自助餐   不過唔係咁啱我食 ~

走人喇

壽司船自助午餐

生日蛋糕呀

雲耳排骨 / 釀尖椒

炒河粉 / 菜

蒸魚

蘿蔔牛丸 

白飯 / 炒飯

豬紅



蕃茄炒蛋

燒鴨

生果

仍然食壽司   肉鬆幾似海膽   哈哈

尖椒好味   但好油

里奧大人食嘅

估唔到佢食得多過我   哈哈

西瓜都幾甜

食到 12 點半要出發喇   落雨呀   但其實都預咗   所以唔會話好失望 ~

喺海邊行   其實都好舒服

日月貝 (珠海地標建築 )

幾大隻蜆

其實都有好多店舖的

博命影   因為全程得呢日   我拎相機出黎影呀   哈哈

商場都好多人行

一篤間食店   就會顯示位置   好先進呀   哈哈哈哈

類似冒險樂園嘅地方

出去睇下

共享童車

唔敢飲嘢   因為唔想去廁所

跟大隊行喇喂

所有團友喺度等車

下個景點係圓明新園   里奧大人話呢個地方係之前去過   我睇番記錄真係去過   怪不得集合地點好熟面口啦   哈哈 ~

@ 珠海圓明新園坐呢 d 車環繞一周   有大車同細車   細車就每人 RMB20/位

司機會介紹景點

唔駛行確實舒服   哈哈

無咩人行上去

睇 SHOW 嘅地方 ?!

唔知有咩睇呢 ?!

有車坐真係舒適好多   哈哈

好多呢 d 設計

纜車 ?!

大炮

我勁鍾意玩騎木馬架      

飄雪園

RMB55/位   入場票都貴喎

入面好似 d 廠景   哈哈

夠膽坐先勁呀

海盜船

皇家樂園

坐到中途   有一家三口上車

咩都影下

好似好冰凍嘅生果

司機叔叔好合作   哈哈

落車睇下

泊哂船

細個玩過   勁驚跌落水   到依家一樣勁驚   哈哈

夢幻水城

荷花池

見到纜車   唔知去邊呢 ?!

上去睇

地方都幾大

落緊毛毛雨   所以要行得好小心 

呢度影相都唔錯架

圓明新園地方係好大

再行前少少睇   真係有印象黎過喎

可以自駕遊

@ 園明新園

我同里奧大人都有印象   上次係企喺度等車   哈哈

我唔會貼 Label 喺件衫度   因為我驚唔記得拻番出來   咁洗衫就大鑊了

每人有張消息劵   即係入場劵

上車喇   珠海過關再搭車番香港   咁我離遠見到機場嘛   落車嘅時候   個團友問依家喺邊   我話機場   團友就跟住我講話呢度機場   里奧大人好大反應話呢度唔係機場呀   哈哈哈哈   好在里奧大人講咋   唔係講錯比人聽就煩呢 ~

行喇

@ 港珠澳大橋珠海公路口岸

終於到咗 

地方都乾淨

Duty Free

周圍影下

搭車過關 ?!   完全唔記得添

坐呢架大巴番香港了

又落雨

見到飛機又好想去旅行

係咪呀   頭先我咪以為去咗機場囉   哈哈

到了港珠澳大橋嘅香港關口

往香港

喺翠華等   好多團友都話唔知呢度係翠華   哈哈哈哈

行來行去

依家真係搭車番香港喇

圓方解散   咁搭地鐵去九龍灣   食埋晚餐先番屋企 ~

番到屋企即開機洗衫   之後休息喇 ~

今次個團都 OK 啦   對我黎講唔會失望   但係無驚喜   哈哈 ~

其實去邊都無所謂   最緊要同里奧大人一齊啫   去大陸呢 d 團都唔錯   又近又平   不過我同里奧大人就鍾意睇景多 d   食嘅反而係其次囉 ~

睇下電視   又 12 點先瞓 ~