開餐
香煎素鵝 (輕盈 $31) - 我鍾意食㗎 最開心係有輕盈份量 因為里奧大人只食 1 件咋
好多冬菇絲
姥姥家鄉粗炒 ($74) - 唔想食炒飯 所以又食粗炒喇
招牌小籠包 ($40) - 必食
桂園紅棗薑茶 ($23) - 買 1 送 1 好抵呀 甜咗啲 但總好過無味 哈哈
( 7-DEC-2020 MON )
感恩一覺瞓天光 8 點已經醒咗 之後懶床 無耐里奧大人都起身喇 ~
今日請假同里奧大人行山 佢 11 月實在太忙 係時間要抖下 哈哈 ~
到尖沙咀碼頭喇
搭船去中環碼頭
坐天星小輪 真係兒時回憶
我以前坐船成日望海 好驚會望到浮屍 可能真係睇得太多恐怖片呀 哈哈
行山鞋唔少得
鏡頭一轉就已經到中環碼頭 買船飛入梅窩喇
咁我要去洗手間放水 估唔到乾淨到不得了 仲好大陣漂白水味 應該啱啱清潔完
開船喇 隻窗好污糟 哈哈
去到梅窩都接近 12 點半 影下相就諗住出發 估唔到里奧大人話有啲餓 所以食埋 Lunch 先出發喇 ~
幾快就到梅窩
細細隻船 唔怪得咁拋啦 哈哈
@ 梅窩碼頭
梅窩巴士總站 有巴士去大澳同東涌
企喺碼頭望海 都好舒服
茶餐廳好有聖誕節氣氛
快餐 ($52) 豬扒腸仔火腿飯 (蒜蓉汁) - 好味喎 白飯係粒粒分明又夠熱
咖哎多 ($16) - 呢個一般
@ 羅馬餐廳
離島專用嘅藍色的士
好大棵樹
地下有幾塊煎燶咗嘅午餐肉
行番去碼頭方向
里奧大人拉好護足踝
出發
二人套餐價錢都唔平
指示牌有梅窩舊市場同市鎮廣場 好似好吸引咁
@ 梅窩熟食市場
又要勞煩里奧大人幫我縛實鞋帶 我真係無佢咁大力 我頭先喺碼頭已經縛到好實 但無耐又鬆番哂呢
行左邊方向睇睇
梅窩地圖
無咩好睇 哈哈
梅窩政府合署再向前行 仍然無嘢好睇 所以反方向走喇 哈哈
有人釣魚
跟住呢個方向行先係去愉景灣呢
我同里奧大人講前面個阿伯拎行山杖 我話自己都好無用 後生佢咁多就要拎 里奧大人話唔駛同人比較 妳第時好似佢咁老嘅時候 妳仲叻啦 因為妳拎兩支 哈哈哈哈 賤格 ~
樹幹好似幾隻手指
里奧大人輕輕鬆鬆咁行
經過 Silvermine Beach Resort
不佛佬
快餐價錢居然平過頭先我哋食嗰間茶餐廳 仲有我最愛嘅黑椒牛扒飯添 哈哈哈哈
沿途都有唔少渡假屋
行呀行 但好曬呀
咁樣影到好似我拎住兩支行山仗咁 哈哈
CLOSED
無救生員當值 所以安全起見 大家千奇唔好游水喇
行有樹蔭嘅地方
沙中樹
影相先知原來同里奧大人打扮係一樣 都係灰衫藍褲
隻狗好驚水㗎 我見佢一落水就即刻跑番上岸
上岸望實主人 好乖呀
繼續向前行
好多唔同型狀嘅石頭
都係仍然行緊沙灘 哈哈
信箱 大風雨就會淋濕哂咯
又經過唔知係住宅定渡假屋
去愉景灣喇
開始上暗斜
同自己講加油
全部枯謝 但又幾靚咁 哈哈
終於到喇 攞我命天梯 哈哈哈哈
我真係好驚行樓梯 如果無扶手 我肯定唔會行
影來影去都仲係樓梯 哈哈
里奧大人好搞笑 成日話就到喇就到喇
行到一半 真係好鬼熱呀 我有想嘔嘅感覺 勁驚中暑 又唔記得帶薄荷膏 ~
之後都仲係好辛苦 行廿級要抖下 里奧大人仲要企喺我後面等我 我覺得佢咁樣會好熱呀 佢又唔肯行我前面 應該驚我碌落樓梯 ~
咁我拖住里奧大人隻手行樓梯 我可以行得快好多 我好驚樓梯兩旁無嘢 仲要望到下面全部係樓梯 我終於知點解會咁驚喇 我畏高呀 哈哈哈哈 ~
里奧大人話我拖住佢手行 速度快咗 5 陪 係拉住佢行咁呀 ~
里奧大人驚我仲暑 所以即幫我戴頭巾 原來佢一早帶定㗎喇 同佢行山 其實佢最辛苦 因為背囊會裝埋我嘅嘢 實會有衫+水+麵包
行咗 1/5 咋 又熱又想嘔 我問里奧大人呢度海拔幾高呀 ?! 我開始有高山症呀 哈哈
企喺度望住呢個境 又真係辛苦都值嘅 可能得我一個覺得辛苦
唔好比我有上山嘅感覺 我就會好 OK 的 因為我好驚跌落山
哈哈哈哈 哀愁的背影
里奧大人係都唔行我前面 但其實我想佢行我前面 影住相等我都好啦 好過曬住背脊等我嘛 佢真係慘
行呢啲路就最開心
又嚟 嗚嗚嗚嗚嗚嗚嗚嗚嗚嗚 哈哈哈哈
又見到呢啲花
最搞笑里奧大人話呢度有好多喎 我話完全睇唔到呀 哈哈哈哈
行到一大半見到家鄉感覺 我問里奧大人我哋算唔算史上行得最耐嗰個呀 ?! 佢話唔算 嗰下好開心啦 但之後佢話五甲應該必入 哈哈哈哈哈哈 ~
真係好在頭先食咗 Lunch 唔係堅無力行 ~
呢個時候 里奧大人又講就快到就快到喇 哈哈哈哈
企喺位置就超級大風 勁正呀 因為我超級熱呀
到涼亭即係代表唔駛再上樓梯 勁開心呀 里奧大人背脊濕哂 今日真係好熱
辛苦里奧大人了
見到芒草
熱到黐咗線 咁靚嘅地方 我只影咗呢 1 張相 哈哈哈哈
今次嘅背影 好表現出傷感 哈哈哈哈
手機自動調到咁嘅色
唔知呢條路去邊
凸出嚟嘅石頭 真係好危險
雲層好靚
我對腳無力呀 要里奧大人上來扶住落樓梯 好在後尾無事 我唔想坐直昇機呀
又開始行喇
打橫嘅樹枝
又見到少量芒草
今日上上落落幾百萬
隻手有油漆 因為我全程扶住欄杆
係咪有病嘅樹葉 ?!
最憎啲人亂掉垃圾
我成日以為係怕羞草
抗疾加油
手牽手到白頭
聽完覺心寒 即刻着番件風褸 哈哈哈哈
又着又除唔得瀟灑啦 學我唔着螻嘛
條路好窄咁
今日真係曬到暈
好多枯葉
我已經唔係高 都要烏低身行呀
好鍾意呢啲花
進入森林
好大塊嘅蕉葉
又見到呢啲樹葉
吸收日月精華
竹枝
殘枝
黑色嘅花芯
中原一點黃
繼續向前行
住宅 ?!
唔入得去
PAX INTRANTIBUS
里奧大人好似跪地咁 哈哈
聖母亭
抓實地下
開始行苦路喇 XIV
白色樹
XIII
XII
一唔為意 就見唔到十字架
2 隻鑊仔
聖母神樂園 Canteen
石頭好似張按摩椅
最鍾意見到花
比蟲蛀食咗嘅樹葉
開始落斜
VI
VIII
見到愉景灣喇
IX
X
V
雖然今日好熱 但望見藍天白雲真係好舒服嘅
居然有人踩單車
諗住再行落去 咁我話影張相先 感恩真係停低咋 唔係唔知會行咗去邊呢~
里奧大人望指示牌 話原來去愉影灣係向左邊向上行 呢一刻真係感受到神嘅帶領 因為唔抖嘅話 我哋會繼續落斜 因為頭先見到單車係落斜呢
越來越接近愉景灣 (應該)
有路就行
又經過沙灘
石頭型狀好似張櫈仔
又變咗咁嘅色 哈哈
以為行完沙灘就直接出到去愉景灣 點知原來仲要行一大段路呀 ~
繼續行 完全無印象行過 全部都係住宅咁 又經過種菜嘅地方 不過好在係一條路 如果有分叉就比較麻煩喇 ~
行到呢度 好似入咗人哋民居咁 所以問咗個工人姐姐點去愉景灣方向 佢指完前面話 Open this door
所指嘅 "Open this door" 係咪估佢唔到呀 哈哈哈哈 我同里奧大人都真係搵緊隻門㗎
方便狗狗進出進入
我哋都急步行喇 因為唔知行幾耐先出到去
仍然見路就行 唔理得咁多
再經過田園 好 "香噴噴" 呀
應該差唔多到愉景灣
去 DISCOVERY BAY 方向
我哋咗一諗先向前行 因為驚入咗人哋啲住宅呀
里奧大人問做咩要用呢塊木板 ?! 我話特別啲啩
衝呀
往稔樹灣與愉景灣
望到但未到 哈哈哈哈
隻狗好乖
5 點終於出到去愉景灣商場 里奧大人話行陣 我話唔行喇 對腳好攰 ~
好感激里奧大人咁樣陪我 "行山" 因為我真係上樓梯好慢 要好長時間回氣 不過佢都會企住等我 佢堅辛苦 ~
本身諗住喺度食埋晚餐 諗住食京菜 但睇餐廳幾乎每樣貴出面廿蚊 我覺得唔抵呀 但里奧大人熱氣又唔食得 Pizza 同土耳其菜 咁唯有出尖沙咀食 lu ~
其實我對腳好痛 所以都無心機周圍行 只想坐呀
船票要 $46/程 月票就 $43.5/程 真係一次就夠 哈哈
好乾淨 啲坐位都舒服 只係船票好貴啫
見到有職員用水喉洗船 我同里奧大人講話 $46 果然唔同 之後原來我哋係上另一架船 哈哈哈哈 ~
上船喇
里奧大人話我哋賺哂 因為 First In 同 Last Out 呀 黐鬼線 哈哈 ~
開船喇
雲層好特別
到中環碼頭了
坐船覺得好凍 之後覺得有啲啲唔舒服 都唔知係咪頭先坐船攝親 ~
又去上海姥姥 地點實在太吸引 同埋無咩食客 感覺安全好多 哈哈 ~
食飯嘅時候 個人真係無啦啦占寒占凍 勁驚 所以食完都即搭車番屋企喇 ~
番到屋企即沖勁熱水涼 再飲 Hot Lemon 打底 又好似好番好多咁 ~
洗埋衫就休息 聽晚先洗背囊喇 行山鞋同行山仗就里奧大人負責洗 所以次次行完山都要洗好多嘢 哈哈 ~
膝頭哥又痛又無力 唔知以為行三尖 哈哈哈哈 ~
估唔到 "香港愛情故事" 幾好睇 因為夠寫實 但原來做到 11 點半 所以睇完要即瞓 ~
