酸梅麵豉蒸排骨 + 蠔油燜節瓜 ( 7-SEP-2014 )

( 7-SEP-2014  SUN )

今朝 8 點 45 分起身   去完太興食早餐就番屋企沖涼   之後就番主日學喇   10 點 15 分開始   差唔多 11 點 20 分就完   之後就崇拜 lu ~   

崇拜完畢就同里奧大人去德福睇嘢   之後佢就番屋企做公司嘢   我就去街市買餸   熱到呢   番到屋企又即沖涼喇 ~

原來已經 2 點幾   咁里奧大人話餓喎   要去大快活食 Tea ~

食完都唔周圍行喇   條街好焗 ~

同里奧大人 4 點幾喺梳化瞓   都瞓咗半個鐘   有番啲精神 ~

諗住徑步   所以 7 點食飯   點知 6 點幾開始落雨   不過都唔理喇   照 7 點食飯   呵呵 ~

是日懶餐 - 酸梅麵豉蒸排骨 + 蠔油燜節瓜

酸梅麵豉蒸排骨 - 賣相夠深色   係我想要嘅   不過今次好鹹添   因為我落少咗糖呀 ~

蠔油燜節瓜 - 2 斤節瓜   原來一餐都可以食哂   勁呀 ~

搞掂哂就沖涼   勁舒服   之後睇下電視   打下機   10 點半瞓喇   因為今日真係好攰   哈哈 ~  

翠河餐廳 @ 九龍灣 ( 6-SEP-2014 )

( 6-SEP-2014  SAT )

今日每月一 Off   不過我瞓到 9 點半都醒咗   里奧大人就瞓到 10 點鬧鐘響先醒   因為要去銀行搞嘢   唔可以瞓咁耐   哈哈 ~

梳洗之後就去食早餐   之後各自去銀行搞嘢喇 ~

我諗住拎番啲 錢   點知原來唔得嘅   真係吖   開戶口嘅時候又唔講清楚   離哂大譜   今次已經第 3 次講得唔清唔楚喇 ~

同里奧大人搞掂哂銀行啲 嘢   咁啱姑奶都到咗屋企樓下   咁一齊上去坐喇 ~

傾下偈都已經 12 點幾   佢都走喇   我就即沖涼   之後同里奧大人去 Mega Box 行下 ~

去到都 1 點幾   睇下 IKEA 有無位   有位就食嘢先   無位就行下先   感恩有位   雖然唔餓   但里奧大人話最好食咗先喎 ~

食完周圍行啦   其實無咩好行   嘩哈哈哈哈   旨在有冷氣咋   因為條街好鬼熱 ~

4 點幾坐 Shuttle Bus 走喇   去埋 MP 買湯丸就番屋企喇 ~

勁攰呀   喺梳化度瞓咗半個鐘   差唔多 6 點就拎嘢去舖頭洗   順便約埋水姑食飯呢 ~

食完就上佢屋企整嘢   搞掂哂再去舖頭拎嘢   之後就打的番屋企 lu ~

聽朝要番主日學   今晚諗住早啲瞓   點知差唔多 12 點先瞓 ~ 

椒鹽三文魚骨腩 ( 5 -SEP-2014 )

媽咪煲嘅當參山斑魚湯

( 5 -SEP-2014  FRI )

今朝食腿蛋治   食到唔知[想食咩喇又 ~   

今朝有人嚟裝新機   實在太好喇   仲換埋 19" Mon   感恩呀 ~

阿後同肥仔豪見我有新機用   佢哋仲開心過我   搞笑 ~

Lunch 食番尋晚食剩嘅意粉   但唔夠飽添   哈哈 ~

好忙呀   差唔多放工先搞掂 ~

今晚放工就即番屋企 lu   開機洗衫   做下家務   里奧大人今晚 8 點半先放工   不過今晚我勁餓呀   自己食先   洗碗碗抖陣就沖涼 lu ~

是日懶餐 - 椒鹽三文魚骨腩

椒鹽三文魚骨腩 - 今次煎得唔夠香脆   無計啦   餓吖嘛   等唔切   哈哈 ~

今晚好攰呀   11 點自己瞓先喇 ~

California Pizza Kitchen @ Mega Box ( 九龍灣) ( 4-SEP-2014 )

Pepperoni Supremo - 好味呀

BBQ Chic Chop (Half) - OK 啦

Seafood Fett w/Tomato - 無厘味道

Tomato Salad Chips - 個 Clips 唔好食囉 

( 4-SEP-2014  THU )

里奧大人依家上大陸新 Office 要 6 點半起身   我就會 7 點 50 分先起身   以前 8 點㗎   不過我發覺呢排等車耐咗   所以都係早少少起身好啲   唔駛咁趕 ~

今朝食芝腿治   呢期鍾意唔烘底   好似無咁熱氣咁   阿姐仲以為佢漏咗烘底添   哈哈 ~

菇場唔太忙   不過有濕碎嘢做囉 ~

今日好在有 Lunch Box 咋   因為出面好焗   同埋無啦啦又好大雨咁呢 ~

放工坐小巴去 Mega Box  因為上次同媽咪食泰菜    經過 CPK   我話呢間好味   所以佢話嚟試下 ~      

我行咗陣 IKEA   其實我成日覺得 IKEA 好似迷宮   同埋覺得有入無出咁   哈哈   因為一定要行哂先行到出口    半路中途想走都唔得囉 ~

家姐 7 點 15 分先到呀   所以佢一坐低就話餓餓餓呀   好在 Pizza 啱啱到   可以熱辣辣食 ~

之後奧大人打嚟問今晚食咩   哈哈   我完全唔記得同里奧大人講今晚佢自己食添   好在佢打嚟咋 ~

呢餐抵呀   用 Compass Visa 有 8 折   好似因為係星期一至四   同埋 Promotion 好似做到 9 月底咋 ~

8 點半一齊坐的士走   送埋家姐坐巴士就番屋企 lu ~

番到屋企已經見到里奧大人   不過之後佢都做嘢 lu   我就沖涼休息    11 點幾瞓 ~

雜豆炒豬柳 ( 3-SEP-2014 )

( 3-SEP-2014  WED ) 

今朝 8 點起身   去完惠康買嘢就去 KFC 食早餐 ~

今朝里奧大人話搭地鐵    企咗喺車廂入面 15 分鐘都未開呀   所以我都係坐巴士穩陣啲 ~

Book 咗 11 點   不過 10 點 15 分已經去到 lu   但都係 11 點先有得睇   哈哈 ~

估唔到又翻發   所以應該都做手術喇   要番屋企同里奧大人商量一下日子先   因為 10 月係佢見客月呢 ~ 

坐番巴士番菇場   落車都係 12 點半咋   所以買車仔麵番菇場食喇 ~

里奧大人差唔多 8 點先放工   咁我煮完就沖涼   再等埋佢一齊食 ~   

是日懶餐 - 雜豆炒豬柳  

雜豆炒豬柳 - 我好鍾意用韓國醃肉醬醃豬肉   煮出嚟甜甜哋幾好味 ~

搞掂哂都 10 點   好似由朝做到晚咁   哈哈 ~

不過仍然係 11 點幾瞓   慣咗嘛   同埋想瞓夠 8 個鐘囉 ~  

招牌水餃 + 菜心 ( 2-SEP-2014 )

( 2-SEP-2014  TUE )

里奧大人要上廠   所以今朝 8 點起身 ~   

早餐食芝腿治   唔烘都好好食呀 ~

忙呀   做 Report 真係好嘥時間   因為要 Check 完又 Check   錯咗好大鑊㗎 ~   

Lunch 食酸辣米線   好耐無食喇   勁好味 ~

3 點幾終於搞掂哂 Report   可以抖下喇 ~

放工約咗家姐拎急凍虎蝦同帶子   不過我唔番屋企住喇   滕上滕落仲煩   所以去書局睇書   家姐差唔多 7 點到喇   佢又話要食文記煎釀三寶   咁陪佢啦   但我唔食㗎   因為我唔餓 ~

送埋佢上車   我就番屋企喇   開機洗衫再拖地   咁里奧大人 8 點半番到屋企   咁我沖涼先喇   之後等埋佢一齊食呢 ~

真係鍾意晚餐就咁淥嘢   真係洗嘢都快好多㗎 ~

搞掂哂都 10 點   所以睇陣電視都要瞓 lu ~

火腿扒銀針粉 + 菜心 ( 1-SEP-2014 )

( 1-SEP-2014  MON )

今朝食腿蛋治   其實唔餓   但晏晝要食 Flakes   所以早餐要食飽啲囉 ~

忙呀   忙到 lunch Time ~

Lunch 食 Flakes + 朱古力奶   之前會覺得好快食完   但依家好似食極唔完咁   可能我次次都只係食 1 杯仔啦   不過我覺得食 Flakes 都幾脹胃   所以我唔會一次過食 1 大杯囉 ~

諗住 hea 過   點知 4 點先嚟話要做 Report ~

放工去街市   次次去完街市買餸之後真係成身汗   唔知以為我跑完步先去買餸咁呢 ~

里奧大人今日見客   所以 7 點半番到屋企   不過要等多陣先有飯食   哈哈 ~

是日懶餐 - 火腿扒銀針粉 + 菜心

火腿扒銀針粉 - 呢期鍾意食銀針粉   不過唔係成日有得買囉   今晚買到最後果 $6   一斤都唔夠   所以唔可以帶飯 lu ~

菜心 - 今次都係買銀川菜心   呢檔菜雖然係貴啲   但又真係甜啲㗎喎 ~

搞掂哂就落去麥當勞換雪糕筒   之後行百佳買嘢就番屋企喇 ~

打埋比業主 Confirm 新租約就沖涼   抖陣又瞓覺 lu ~