壽司 (外賣) ( 21-APR-2018 )

里奧大人食 7 件   但我擺咗 8 件佢都照食   之後佢掛住睇電視   個碟得 2 件   但我好飽   好快手咁擺多件比佢   佢居然唔知   救命

芥辣八爪魚 ($18) - 口感唔爽脆嘅   



家姐之前比 2 罐比我   話好好飲喎   特價都要 $1x 一罐   我覺得味道都 OK 

( 21-APR-2018  SAT )

今朝同家姐去 Toast Box 食早餐   因為家姐鍾意飲杯咖啡呀   家姐尋晚問我去 Toast Box 遠唔遠 ?!   咁我知佢一定想去啦   唔係佢唔會問囉   呵呵 ~

公仔麵套餐 + 傳統吐司 ($46) - Kaya Toast 都幾好味道   估唔到牛油咁厚添呀

肉鬆厚吐司套餐配 2 隻半熟蛋  ($35) - 細個成日食呢啲半生熟蛋㗎   兒時回憶

家姐鍾意食呢個厚多士   今次嘅早餐   佢樣樣都鍾意食   同埋佢勁鍾意飲杯咖啡   所以我加大比佢   嘻嘻



食完就一齊行去搭巴士   我上車嘅時候   家姐就同我揮手 Say Bye   咁司機見到   佢即同家姐揮手 Say Bye   笑死我呀 ~

番到菇場   做埋啲 Urgent 嘢就唔做住喇   難得無哂大粒喺度   幾大都要 Hea ~

放工即走   今日去西貢   同里奧大人各自搭車入去   咁唔駛大家等嚟等去 ~

一到西貢就去旺泰搵位   之後里奧大人都差唔多到 lu ~

@ 1 點 45 分



咁里奧大人放低袋之後   就出去叫人落單   咁我見佢同班人喺度講嘢喺度笑   以為頭先坐車識嘅   之後里奧大人話佢哋同佢講話 9 位呀   哈哈哈哈   以為里奧大人係 Waiter 定啦   佢話可能班人見到用手勢示意阿姐落單   咁啱阿姐又埋位落單   以為佢哋係同事   哈哈 ~

泰式木瓜沙律 ($55) - 有次食木瓜沙律   得個甜字   所以今次要加辣   但真係超級辣呀   哈哈   所以里奧大人食咗好少咋



脆肉炒椰菜苗 ($66) - 超級好味道   但份量越來越少   泰國份量   香港價錢 



泰式魚餅 / 泰式豬頸肉金邊粉 (冬蔭功湯底) ($55) 



珍多冰 ($29) - 里奧大人話個沙律好辣   所以要飲奶類飲品解辣



之前可以擺冷巷㗎   依家應該唔比啦   所以室內就變咗好迫囉   即係 6 張枱變 9 張枱   唉

見到有炸地瓜丸就試下啦 



$10/5 粒   煙韌但完全食唔到蕃薯味   

食完就經過啲酒樓   諗住夜晚食海鮮套餐   里奧大人就拎埋單張格價   之後我哋直頭企喺度話今晚食啲乜乜乜   講到一定食咁   哈哈 ~

周圍行下   但今日無咩風   我覺得焗添呀 ~

咁入去啲舖頭睇嘢   啲舖頭好焗   出番嚟有啲頭痛添呀 ~

里奧大人話熱氣喎   要買罐啤酒飲下   我叫佢快啲飲哂   我唔係咁鍾意人拎住罐啤酒喺街飲 ~

咁經過間粥店   里奧大人話要食炸兩   佢話第一次見無人排隊   所以要食喎 ~

飽鬼到呢   應該係好滯 ~

唔會落雨啩   但我覺得今日好焗熱



里奧大人話食完粒地瓜丸   已經 Feel 到喉嚨有啲唔舒服   要即刻買罐啤酒   咁快熱氣   點帶你出來行呀   哈哈

炸兩 - 油炸鬼好硬喎   等我哋仲咁期待添   仲要咁大碟   最後食剩 3 嚿油炸鬼   實在又硬又油   食完個人唔多舒服咁

其實同啤酒高度一樣   係我影得唔好

好奇怪   我好怕食蝦米腸   同埋我鍾意食蔥   但蝦米腸啲蔥又唔鍾意食㗎喎     



之得叫炸一腸啦   平咗 $3   咁啱我哋又食剩 3 嚿   哈哈哈哈

間舖頭燈光比較黃   加埋牆色   唔知點解   我一坐低已經覺得好似 "大酒店" 

食完又行   其實無咩嘢好行   同埋可能真係焗   好似突然間好攰咁囉   又行番去碼頭嗰邊呢 ~

超大隻魷魚   只係百幾蚊咋 



手起刀落   即諗起阿 mi   哈哈  





客人會要埋魷魚內臟   我聽到個客話啲魷魚春炒蛋   但老闆話好多時都得魷魚公喎

西貢呢個地方   其實真係唔錯   不過交通比較唔方便   一塞車就麻煩 lu



有好多船出海   

點解啲人咁無公德心㗎   不知所謂  

又行番去碼頭

好多人喺度睇人買海鮮   哈哈



睇到好入神



地下有塗鴉



我好鍾意見到椰樹

  


諗住走啦   里奧大人又話睇海鮮



呢檔啲海鮮比較多種類   貴妃蚌只係 $10 隻咋   大隻又新鮮   瀨尿蝦就 $200   又係好大隻   



咁里奧大人話食埋菠蘿包就走人喎   今日真係食食食 ~

咁里奧大人排隊買包   我就搵位   估唔到又撞到阿齋   仲要係佢媽咪同佢講   呢個係咪妳隔離個同事   真係有緣到呢   (之後我問番阿齋   佢話媽咪同佢講   呢個係咪妳同事   齋問邊個同事 ?!   佢媽咪話坐妳隔離個同事   哈哈) ~

其實我等位嘅時候   聽到有人好細聲講嘢咁   但唔為意   之後再聽到有人叫我   原來係阿齋   佢同埋媽咪 + 狗友們一齊嚟西貢放狗   其實真係好似整定見到佢咁   因為平時多數係我買嘢食   里奧大人就去攞位嘛   如果我買嘢食   就見唔到阿齋 lu   佢媽咪見到我都話真係好有緣   同佢做咗 6 年   我哋撞過 4 次   仲要啲地方係我好日唔去嗰啲   阿齋話平時都係外賣菠蘿包㗎咋   係第一次坐喺度食呢 ~

我話如果欠妳錢就慘   點避都避唔到   之後佢即話: 我欠妳錢都慘啦   哈哈哈哈 ~

今次我想食葡撻

葡撻有驚喜   口感好實在   平時食蛋撻   啲蛋漿係好稀   呢個葡撻就非常之飽肚   哈哈 

又行番去碼頭睇人劏海鮮   我話第時如果退休住西貢   你可能睇人劏海鮮   由朝睇到晚



呢個伯伯十隻手指頭都係白色   一定係比海水 "乸" 到咁囉   所以真係辛苦錢   



我見到有隻狗喺度瞓覺

  


見到隻狗仔嗎 ?!   里奧大人話我好好眼力   哈哈



圍住岸邊都係海鮮檔    

好多鷹呀



5 點半搭小巴出德福   之後去姑奶屋企整嘢 ~

8 點搞掂   又唔知食咩好   所以我話買壽司番屋企食   Piago 又無哂想食嘅壽司   所以轉去爭鮮買啦   買完就搭車番屋企 lu ~

我話沖埋涼先開餐   難得唔駛煮又唔駛洗嘛   哈哈 ~

食完都成 10 點   睇多陣電視   11 點都瞓喇   今晚勁有睡意呀 ~

芥未蜜汁雞扒 + 菜心苗 ( 20-APR-2018 )

( 20-APR-2018  FRI )

又星期五喇   食個豐富早餐   之後精精神神有力氣開工喇 ~



同 8 卦食早餐   次次都係一齊拎自己份錢出嚟   再由佢去比錢   咁今日我拎去比錢啦   我拎咗 $70   但其實 $60 就夠   好在 8 卦睇到咋   所以我話下次都係你拎好啲   哈哈 ~

菇場勁忙   多嘢做到唔想做   哈哈 ~

Lunch Time 想出去行下   咁食完粥就周圍行   之後番菇場 lu   原來已經 1 點半 ~

仍然忙爆   勁想快啲放工   條腰好攰呀 ~

放工去萬寧買嘢   買完都屋企 lu ~

我放工前都問家姐   滴露 $82.9 算唔算抵 ?!   家姐話 1,200 ml 就抵   咁我見只係 950ml   就即去睇下單買 1 支 1,200ml 幾錢   但搵極都無   咁之後我買完就 Send 張相比家姐   家姐話原來妳講嘅係沐浴露   今次係我衰咗   哈哈

買滿任滴露沐浴露滿 $79 就送 1 包 1 公斤米   呢 Pack 出位價係 $82.9 (滿 $77 就送煲仔飯豉油)   咁今日 Enjoy 信用 卡 95 折嘛   要是用咗 Enjoy 卡   咁係得 $78.755   我覺得佢哋計到呢條數真係夠哂毒呀   哈哈哈哈   咁我唔簽卡仲好啦   因為我依家用 $4.145 就買到 1 包米   我覺得自己今次計數好勁呀

搵咗好耐   終於買到喇   因為我好怕係啲刀片型嘅刨皮刀      



又未餓   所以醃完雞扒就出去徑步   等埋里奧大人先一齊食 ~

徑半個鐘就番屋企抖喇   諗住食先   但又真係未餓喎   里奧大人 9 點打嚟話起碼 9 點半走   因為唔想帶嘢番屋企做   咁無問題啦   我未餓嘛 ~

里奧大人 9 點半放工   又打的番屋企   仲要好在有車   唔係就會等好耐囉 ~

咁我煎完就洗鑊   諗住里奧大人無咁快放工   就係咁邪   洗鑊嘅時候就打比我   我又聽唔到喎   所以佢番到嚟先煮丁麵呀   要佢等陣呢 ~

是日晚餐 - 芥未蜜汁雞扒 + 菜心苗 

芥未蜜汁雞扒 - 我記錯哂食譜嘅程序   哈哈   所以變咗用蒜蓉醃囉   後尾再用芥末蜜糖醃半個鐘   里奧大人話啲雞扒唔 "鞋" 喎   仲話好味道   我話最衰今次煎燶哂啦   如果唔係就更好囉   嗚嗚 ~ 

菜心苗 - 依家又鍾意食番菜心苗   咁都好   阿 Mi 話菜心正氣嘛 ~

洗埋碗就即沖涼啦   咁就已經 10 點半喇 ~

咁 11 點幾嘅時候   我同里奧大人講話今晚唔咁早瞓   因為太夜食   之後佢話: 咁叫做早瞓 ?!   11 點幾喇喎   哈哈 ~

不過其實 12 點前都會瞓㗎喇   始終聽日都要番工呢 ~