2018年4月21日星期六

壽司 (外賣) @ 屋企 ( 21-APR-2018 )




里奧大人食 7 件   但我擺咗 8 件佢都照食   之後佢掛住睇電視   個碟得 2 件   但我好飽   好快手咁擺多件比佢   佢居然唔知   救命 @@



芥辣八爪魚 ($18) - 口感唔爽脆嘅   



家姐之前比 2 罐比我   話好好飲喎   特價都要 $1x 一罐   我覺得味道 ok 啦   



( 21-APR-2018  SAT )

今朝同家姐去 Toast Box 食早餐   因為家姐鍾意飲杯咖啡呀   家姐尋晚問我去 Toast Box 遠唔遠 ?!   咁我知佢一定想去啦   唔係佢唔會問囉   呵呵 ~

公仔麵套餐 + 傳統吐司 ($46) - Kaya Toast 都幾好味道   估唔到牛油咁厚添呀





肉鬆厚吐司套餐配 2 隻半熟蛋  ($35) - 細個成日食呢 d 半生熟蛋架   兒時回憶



家姐鍾意食呢個厚多士   今次嘅早餐   佢樣樣都鍾意食   同埋佢勁鍾意飲杯咖啡   所以我加大比佢   嘻嘻




食完就一齊行去搭巴士   我上車嘅時候   家姐就同我揮手 say bye   咁司機見到   佢即同家姐揮手 say bye   笑死我呀 ~~~~

番到菇場   做埋 d urgent 嘢就唔做住喇   難得無哂大粒喺度   幾大都要 hea ~

放工即走   今日去西貢   同里奧大人各自搭車入去   咁唔駛大家等黎等去 ~

一到西貢就去旺泰搵位   之後里奧大人都差唔多到 lu ~

@ 1 點 45 分



咁里奧大人放低袋之後   就出去叫人落單   咁我見佢同班人喺度講嘢喺度笑   以為頭先坐車識嘅   之後里奧大人話佢地同佢講話 9 位   嘩哈哈哈哈   又以為里奧大人係 waiter 定啦   佢話可能班人見到用手勢示意阿姐落單   咁啱阿姐又埋位落單   以為佢地係同事   哈哈 ~

泰式木瓜沙律 ($55) - 有次食木瓜沙律   得個甜字   所以今次要加辣   但真係超級辣呀   哈哈   所以里奧大人食咗好少咋 ~



脆肉炒椰菜苗 ($66) - 超級好味道   但份量越來越少   泰國份量   香港價錢   哈哈



泰式魚餅 / 泰式豬頸肉金邊粉 (冬蔭功湯底) ($55) - 



珍多冰 ($29) - 里奧大人話個沙律好辣   所以要飲奶類飲品解辣



之前可以擺冷巷架   依家應該唔比啦   所以室內就變咗好迫囉   即係 6 張枱變 9 張枱   唉



見到有炸地瓜丸就試下啦 



$10/5粒   得個煙韌   完全食唔到蕃薯味   


食完就經過 d 酒樓   諗住夜晚食海鮮套餐   里奧大人就拎埋單張格價   之後我地直頭企喺度話今晚食 d 乜乜乜   講到一定食咁   哈哈 ~

周圍行下   但今日無咩風   我覺得焗添呀 ~

咁入去 d 舖頭睇嘢   d 舖頭好焗   出番黎有 d 頭痛添呀 @@

里奧大人話熱氣喎   要買罐啤酒飲下   我叫佢快 d 飲哂   我唔係咁鍾意人拎住罐啤酒喺街飲 ~

咁經過間粥店   里奧大人話要食炸兩   佢話第一次見無人排隊   所以要食喎 ~

飽鬼到呢   應該係好滯 @@

唔會落雨啩   但我覺得今日好焗熱



里奧大人話食完粒地瓜丸   已經 feel 到喉嚨有 d 唔舒服   要即刻買罐啤酒   咁快熱氣   點解你出來行呀   哈哈    



炸兩 - 油炸鬼好硬喎   唔新鮮囉   等我地仲咁期待添   仲要咁大碟   最後食剩 3 嚿油炸鬼   實在又硬又油   食完個人唔多舒服咁 



其實同啤酒高度一樣   係我影得唔好 @@



好奇怪   我好怕食蝦米腸   同埋我鍾意食蔥   但蝦米腸 d 蔥又唔鍾意食架喎     



之得叫炸一腸啦   平咗 $3   咁啱我地又食剩 3 嚿   哈哈哈哈



間舖頭燈光比較黃   加埋牆色   唔知點解   我一坐低已經覺得好似 "大酒店" @@


食完又行   其實無咩嘢好行   同埋可能真係焗   好似突然間好攰咁囉   又行番去碼頭果邊呢 ~

超大隻魷魚   只係百幾蚊咋 



手起刀落   即諗起阿 mi   哈哈  






客人會要埋魷魚內臟   我聽到個客話 d 魷魚春炒蛋   但老闆話好多時都得魷魚公喎



西貢呢個地方   其實真係唔錯   不過交通比較唔方便   一塞車就麻煩 lu



有好多船出海   


點解 d 人咁無公德心架   不知所謂  


又行番去碼頭




好多人喺度睇人買海鮮   哈哈



睇到好入神 @@



地下有塗鴉



我好鍾意見到椰樹架  


諗住走啦   里奧大人又話睇海鮮





呢檔 d 海鮮比較多種類   貴妃蚌只係 $10 隻咋   大隻又新鮮   瀨尿蝦就 $200   又係好大隻   



咁里奧大人話食埋菠蘿包就走人喎   今日真係食食食 ~

咁里奧大人排隊買包   我就搵位   估唔到又撞到阿齋   仲要係佢媽咪同佢講   呢個係咪妳隔離個同事   真係有緣到呢   (之後我問番阿齋   佢話媽咪同佢講   呢個係咪妳同事   齋問邊個同事 ?!   佢媽咪話坐妳隔離個同事   哈) ~

其實我等位嘅時候   聽到有人好細聲講嘢咁   但唔為意   之後再聽到有人叫我   原來係阿齋   佢同埋媽咪 + 狗友們一齊黎西貢放狗   其實真係好似整定見到佢咁   因為平時多數係我買嘢食   里奧大人就去攞位嘛   如果我買嘢食   就見唔到阿齋 lu   佢媽咪見到我都話真係好有緣   佢做咗 6 年   我地撞過 4 次   仲要 d 地方係我好日唔去果 d   阿齋話平時都係外賣菠蘿包架咋   係第一次坐喺度食呢 ~~~~


我話如果欠妳錢就慘   點避都避唔到   之後佢即話: 佢欠我錢都慘啦   哈哈哈哈 ~

今次我想食葡撻


葡撻有驚喜   口感好實在   平時食蛋撻   d 蛋漿係好稀   呢個葡撻就非常之飽肚   哈


又行番去碼頭睇人劏海鮮   我話第時如果退休住西貢   你可能睇人劏海鮮   由朝睇到晚 ~



呢個伯伯十隻手指頭都係白色   一定係比海水"乸"到咁囉   所以真係辛苦錢   



我見到有隻狗喺度瞓覺  


見到嗎 ?!?!?!   里奧大人話我好好眼力   哈哈



圍住岸邊都係海鮮檔   


好多鷹呀



5 點半搭小巴出德福   之後去姑奶屋企整嘢 ~

8 點搞掂   又唔知食咩好   所以我話買壽司番屋企食   Piago 又無哂想食嘅壽司   所以轉去爭鮮買啦   買完就搭車番屋企 lu ~

我話沖埋涼先開餐   難得唔駛煮又唔駛洗嘛   哈 ~

食完都成 10 點   睇多陣電視   11 點都瞓喇   今晚勁有睡意呀 ~

沒有留言:

發佈留言