滑蛋粟米魚塊 + 粟米香菇煎肉餅 + 油雞拚叉燒 (外賣) ( 23-AUG-2021 )

( 23-AUG-2021  MON )

今朝瞓到 10 點   果然好好瞓   嘻嘻 ~

梳洗之後就等食早餐   今日都唔會出街㗎喇 ~

咁睇 ASTRO 啦   笑下都好嘛   哈哈 ~    

突然覺得好攰好攰   之後發微燒   所以食完粒 Panadol 就瞓陣先喇 ~

2 點食午餐   都估到里奧大人會食腸粉燒賣   不過我就唔係咁想食   叫佢買個菜肉包比我食算喇 ~

食飽又好眼瞓   3 點瞓到 5 點   勁呀   哈哈哈哈   所以唔會食太飽   咁樣好肥㗎 ~

仍然睇 ASTRO 同埋沖哥   雖然唔會去泰國   但都好想知道啲最新消息 ~

6 點半晚餐   其實仲未餓   不過里奧大人話想早啲食呢 ~

食完就沖涼   成日以為今日係星期二   因為放假陪我全日多數係星期一   哈哈 ~

個人突然勁攰   原來又發微燒   咁即食粒 Panadol   差唔多 10 點幾都瞓覺 lu ~

Outback Steakhouse @ 九龍灣 ( 22-AUG-2021 )

烤肋骨雞膇芝士薯條拚盤 ($178) - 食剩咗啲豬肋骨同薯條   所以要打包喇

燒雞肉芝士夾餅 ($118) - 我話份量咁少嘅   咁就啱我喇   里奧大人以為我話份量咁少係唔好   哈哈   薯條完全無食   所以又打包

薄薄哋唔錯   但其實無咩餡   哈哈   但加埋芝士就會覺得飽

呢間黑糖包係比較硬   真係第一次食到咁口感   哈哈

( 22-AUG-2021  SUN )

今朝 9 點半自然醒   咁就好喇   可以拿拿聲大清潔廁所   呢排超級攰呀   完全唔記得要大清潔廁所呢回事呀 ~

搞掂哂就沖涼   之後里奧大人都起身 lu ~

今日同里奧大人一齊番教會崇拜真係開心喇   所以同佢出去食早餐呢 ~

HOLIDAY MODE   我同里奧大人講話 Send 呢張相去你公司群組   哈哈

食完早餐   咁里奧大人去洗手間   有個女人坐里奧大人個位   我同侍應講話有人   我仲特登拎埋里奧大人隻杯比佢睇   因為我哋仲未飲哂杯嘢嘛   佢答我叫個女人坐住先   之後里奧大人出嚟   坐我隔離枱個男人叫個女人坐佢嗰邊   個侍應又係奇怪   叫個女人坐有人嘅位都有嘅   可能個男人覺得個侍應蝦我呀   所以開聲幫我   哈哈 ~

個侍應仲同里奧大人講話以為無人   我直接話我頭先已經講咗話兩個人喎   我同里奧大人講話   佢叫我走無問題   但我已經指住個杯話有兩個人   佢講緊大話囉   係佢態度有問題   呢下先慶 ~

崇拜完畢又同弟兄姊妹傾一陣偈   之後坐巴士去銅鑼灣 ~

2 點 15 分左右食 Lunch   之後去打疫苗   搞掂哂就去九龍灣 ~

泰式乾炒河粉 (豬) ($60) - 豬肉嘅份量好多   真係超級抵食

馬拉盞通菜飯 (豬) ($58) - 呢個都好味道呀

(+$8/杯) 草莓番石榴梳打 (+$8) 椰汁冰

今日無提供免費小食   但就有例湯

去淘大屈臣氏買嘢   買滿 $800 有得送贈劵   咁排隊啦   一排就排咗半個鐘   本來想用手機上載   但原來上載唔到   變咗咩都無哂呀   嗚嗚   所以今次點都要排隊囉 ~

搞掂哂已經 6 點 40 分   咁去德福食晚餐喇 ~

感恩等咗 20 分鐘左右就有位   侍應叫我坐門口位   嗰個位係擺外賣㗎喎   仲要係個個等位嘅時候   都會望住我哋食嘢   所以我話坐入面   其實我想直接話   點解妳唔比我哋前兩個 number 嘅人坐嘅 ?!

里奧大人去洗手間洗手   話個門口位仲未有人坐呀   今日咩料呀   個個都蝦我嘅   嗚嗚 ~  

7 點半開餐   真係本身唔餓等到有啲餓   哈哈 ~

食完就番屋企喇   沖埋涼都休息了   開始有啲攰   可能今日出咗一日街   好少有呢 ~

睇下 Youtube   差唔多 11 點都瞓覺 lu ~

椒鹽豬扒 (外賣) + 油麥菜 ( 21-AUG-2021 )

( 21-AUG-2021  SAT )

雖然呢排都係半夜要去廁所   但都叫做好快瞓得番   都唔知叫好定唔好   哈哈 ~

早餐食吞拿魚包   今朝勁想飲咖啡   因為星期六嘛   不過最後都係飲檸檬茶   咁樣可以消滯一下 ~

菇場唔忙啦   個個等放工 ~

準時放工   里奧大人今日放假   所以我買埋 Lunch 同晚餐就番屋企喇 ~  

2 點左右開餐   食完就開機洗衫   之後沖涼休息 ~

睇下 Youtube   6 點半左右預備晚餐   今晚勁快   因為只係焗熱就搞掂 ~

我聽到排我後面嘅男人講話咁多   佢可能以為兩餸飯嘅餸係咁多呀   但其實我係買淨餸呢

是日懶餐 - 椒鹽豬扒 (外賣) + 油麥菜

椒鹽豬扒 (外賣) - 想食好耐㗎喇   喺菇場附近買㗎   8 卦話味道唔錯   所以買盒嚟食呢 ~

油麥菜 - 之前買咗點都要食   因為呢幾晚都唔煮飯呀 ~

洗埋碗就沖涼   又睇下 Youtube 咁啦 ~

今晚 12 點先瞓覺   好在聽日可以瞓晏啲啫 ~

鮮蝦雲吞拚水餃 (外賣) ( 20-AUG-2021 )

( 20-AUG-2021  FRI )

今朝里奧大人鬧鐘響咗   佢都懶床 5 分鐘   咁我叫醒佢喇   之後我先做一陣伸展 ~

早餐食奶醬多   因為要買雞骨草   所以唔周圍滕喇 ~

菇場忙呀   做到有啲頭痛 ~

Lunch Time 出去一田買餃子醋同炒麵醬   之後買墨魚丸米就番菇場 lu ~

2 點半開會傾 System   開到 4 點半   已經講重點   如果唔係肯定放工都未開完 ~

放工去買雞骨草比里奧大人   番屋企換對波鞋就去徑步喇 ~

里奧大人 7 點放工   我又要預備晚餐了 ~

是日懶餐 - 鮮蝦雲吞拚水餃 (外賣)

鮮蝦雲吞拚水餃 (外賣) - 前晚買定   放喺冰格就最好   不過今晚都要食㗎喇   唔想留咁耐 ~

洗埋碗就開機洗衫   之後沖涼喇 ~

今晚好攰呀   所以10 點 45 分都瞓覺 lu ~

豉汁蒸鯧魚 + 蠔油唐生菜 + 紅油拌青瓜 + 自家制麵包 ( 19-AUG-2021 )

( 19-AUG-2021  THU )

尋晚去咗 2 次廁所   感恩起身都精神   仲有時間喺屋企做伸展呢 ~

早餐食甜餐包   咁啱家姐食麥皮   我話我哋好似食病人餐咁   哈哈 ~

菇場忙下停下   咁都好   時間易過啲 ~

Lunch Time 出去買菜   再行陣先買鯪魚球米番菇場食 ~

仍然唔忙呀   都係 Skype 到放工 ~

番到屋企換對波鞋就去徑步   今晚可以徑半個鐘   真爽 ~

徑完步就收到里奧大人電話話放工   咁我都番屋企預備喇 ~

里奧大人 7 點幾先番到屋企   佢一見到啲餸就話咁多   我真係覺得好煩   我話唔好成日未食就話多多多啦   我覺得好討厭   同埋今晚雖然煮咗飯   但真係每人三啖已經無   根本唔夠一碗   我個碗仲細過裝青瓜嗰隻囉 ~

是日懶餐 - 豉汁蒸鯧魚 + 蠔油唐生菜 + 紅油拌青瓜 + 自家制麵包

豉汁蒸鯧魚 - 好似好耐無蒸魚   所以又蒸嚟食下喇 ~

蠔油唐生菜 - 最緊要方便   因為唔駛好似菜心咁煩   要切尾同摘芯呢 ~

紅油拌青瓜 - 特登番轉頭買咗 6 條小青瓜   唔想又雪到壞哂   咁就食 2 條先 ~

自家制麵包 - 係前晚㗎   所以今晚都要蒸嚟食呢 ~

洗埋碗就開機洗衫   沖埋涼就休息 ~

今晚都係睇 Youtube   本來想睇韓劇   但好似好攰咁   所以唔想睇住 ~

呢排 10 點幾都開始攰   所以今晚又係 10 點 50 分瞓覺 ~

韭菜餃拚水餃 (外賣) ( 18-AUG-2021 )

( 18-AUG-2021  WED )

呢排都應該唔會朝早徑步   就算唔攰都唔去喇   我想瞓多陣   等身體回復狀態先再徑步 ~

今朝早一班車   所以早餐食腿蛋包 + 熱檸茶   唔敢飲咖啡呀   哈哈 ~   

菇場唔忙   又可以抖下 ~

Lunch Time 出去行 15 分鐘再去買紅腸酸辣米線   因為勁想食呀 ~

感恩食完唔眼瞓喎   唔知係咪我食完狂飲水   沖淡哂啲味精呢   哈哈 ~

菇場仍然好靜   依家要習慣細細聲打 Keyboard ~

放工去街市買餸   買完即走   唔係又會買下買下又勁多咁呢 ~

一落車   里奧大人就啱啱上車   咁我都要快快煮晚餐 lu ~

是日懶餐 - 韭菜餃拚水餃 (外賣)

韭菜餃拚水餃 (外賣) - 用咗 1 棵旺菜同粟米做湯底   本來想買白蘿蔔   但我驚食完會好飽   所以唔買 lu ~

洗埋碗都沖涼   今晚唔徑步   個人暈暈地   都係留喺屋企好啲 ~

真係慘   呢幾日右手痺痛   再加埋特長每月一到   又唔敢做運動   瞓得又唔好 ~

今晚睇多陣 Youtube   差唔多 10 點 45 分都瞓覺喇 ~

蜜汁焗金沙骨 + 菜心苗 ( 17-AUG-2021 )

( 17-AUG-2021  TUE )

今朝仍然唔徑步喇   里奧大人成日要我瞓多啲呀 ~

早餐食吞拿魚包   不過飲完杯咖啡就頭痛添 ~

菇場忙咗陣   因為要清番尋日嘅嘢呀 ~

Lunch Time 出去打簿   之後買龍眼   最後買埋炒麵就番菇場喇    好鬼熱 ~

唔忙就抖下   呢排真係好攰咁   煩死 ~

放工即走   番到屋企都預備晚餐 ~

個人無啦啦覺得成身好慶   好似發燒咁   所以食粒 Panadol 先 ~

里奧大人本身 5 點幾放工   點知 Melody 話同佢傾兩句   之後傾咗 45 分鐘呀   所以差唔多 7 點幾先番到屋企 ~

我即刻叫里奧大人摸我額頭   好在佢話無燒   同埋探熱都係體溫正常   真係自己嚇自己   佢話今日係好熱   唔駛驚呢 ~

是日懶餐 - 蜜汁焗金沙骨 + 菜心苗

蜜汁焗金沙骨 - 之前剩嘅 3 條金沙骨   今晚要食埋啦   本來想用杏鮑菇墊底   但今日唔想行來行去   所以就咁用乾蔥墊底算喇 ~

菜心苗 - 要食埋㗎㗎喇   因為前晚浸咗   尋晚又無食呢 ~

洗埋碗就開機洗衫   本身諗住徑步   但最後都係沖涼休息～

睇多陣 Youtube   10 點 50 分都自己瞓先喇 ~