長洲 + 大門橫丁手打烏龍麵串燒店 ( 6-OCT-2018 )

軟殼蟹沙律 ($59) - 好味道呀



大門蕃茄湯手打烏冬 (雞柳拼叉燒) ($79) - 湯底一流   同埋份量都好多   



( 6-OCT-2018  SAT )

今朝我瞓到 10 點半自然醒   里奧大人好似 9 點幾已經醒咗 ~

食完早餐就番屋企   沖埋涼就出發喇 ~





呢日身體狀況都好好呀   所以去長洲喇   勁想出去行下   難得今日又好天   但其實都熱   哈哈 ~

我成日同里奧大人講   放假要放慢腳步   就算行路都要慢慢下咁呢 ~

點知今日又要我追巴士   我真係發哂脾氣   我已經唔夠氣   仲要我跑   我心口堅唔舒服囉   抖氣好辛苦呀   下一班車都只係等 12 分鐘   唔係無車嘛   做咩要咁樣跑呢 ?!   一陣要打道回府就更加無癮啦 ~

不過我抖完之後   個人都 OK 番哂   就同里奧大人講對唔住啦   始終發佢脾氣又唔係咁好   但我真係強調一樣嘢   真係唔好追車囉   我堅無氣同心口痛   好辛苦囉 ~

坐 2 程巴士就到碼頭   見到有高速船 ($26.80/位) 就開   所以就搭喇 ~

差唔多坐滿哂人呀



今日好大浪呀   架船好飄   我都頂唔順   要搽啲阿婆油   同埋要合埋眼休息呀 ~

估唔到架船超凍呀   所以要即着外套同披肩   其實剪短頭髮真係好怕啲風吹住條頸   咁樣好易病架   所以依家一定會披肩跟身囉



坐正風位   好在有披肩   包住個頭真係無咁辛苦呢



差唔多 12 點半就到長洲喇   唔係好多人 ~

到長洲喇



從來都無睇呢個時間表   哈哈

諗住帶香茅蚊怕水   後尾番到屋企覺得唔對路   記得放喺櫃桶家嘛   無理由喺床頭度   因為我記得今年買咗支香茅水噴枕頭   再望真啲   原來真係拎咗支噴枕頭當蚊怕水用呀   哈哈 ~

手寫版




喺香港食泰國菜   就會好掛住泰國嘅價錢

餐牌



里奧大人今日全程玩復古 Mode



冰凍可樂



泰國味道嘅凍檸檬茶



開餐



特色船河 ($48) - 味道一般   不過我喺泰國無食過船河   但湯底顏色就唔似囉



海南雞飯 (配湯) ($50) - 啲雞好滑   個辣汁都唔錯



@ 孔敬



藍色車仔



架車真係好細㗎呢



香港真係每處地方都起屋



周圍行   行到呢個大菜園花園



好難親眼見到 7 個字嘅電話號碼了



一心諗住行小長城   不過有個居民話可能有倒塌嘅樹會欄住啲路   所以我哋唔去 lu ~

學校路個名好得意



教會



大新後街呢個牌   甩色甩到幾有特色喎   哈哈



里奧大人話自己上去睇睇咩環境先



方便醫院啲字體勁懷舊   但唔知點解   我會聯想到青山醫院囉   哈哈



呢塊葉   我覺得好似蜘蛛網圖案



啲字體寫到好長   所以我睇得唔係咁清楚

好熱呀   所以去麥記食杯雪糕先   之後再周圍行 ~

里奧大人呢期好鍾意食嘅朱古力雪糕

麥當勞雅座



曬



貓雜貨呢 3 個字寫得好得意



我會讀 "大便店"   哈哈哈哈



里奧大人話呢本龍珠漫畫有好多年歷史㗎   但我唔睇龍珠呢

長洲有好多髮型屋



懷舊餅店



連續 4 間髮型屋



里奧大人又用復古 Mode 周圍影下



我想買個索繩袋仔   所以一見有袋嘅地方就會係咁望   哈哈



@ 巷



咩都影下



唔知咩魚



我叫呢啲單車做大怪獸

@ 長洲冰室



里奧大人整爛咗個衫夾   條彈弓飛咗出來   好在後尾整番好

泰式仙草奶茶 (凍) ($25) - 我諗住有冰家嘛   點知原來係支裝   所以好甜好漏   飲完真係好反胃



真身



今次無咗杯茶嘅  



同埋今次啲芋丸有啲未熟喎   有啲失望



啡寮



想買啲淡菜同紫菜   但最後唔記得買



好飽呀   所以周圍行囉   我覺得好似行來行去都係一樣咁   哈哈 ~

買唔到袋仔   但感恩買到件長袖衫   好似好耐無買過衫咁了 ~

好鍾意呢啲門  

白色腳仔好靚



又見到方便醫院



有個燕巢 ?!



又嚟呢啲愛情嘢   哈哈哈哈



我企定定喺度   啲人望住我   唔知我想做啲乜 



其實我係叫里奧大人影我跳   但跳得唔太起   哈哈

再嚟   一樣跳唔起   哈哈哈哈



安全落地啦   對手仲唔放番落嚟

好熱呀   又要去麥記買杯可樂   順便坐下   原來都 5 點 45 分   差唔多日落喇



去影日落了



影呀影



里奧大人用女朋友影

我影嘅鹹蛋王好似無咁圓咁



個天越來越黑了

我覺得呢張影到好似啲光托住個太陽咁



天大地大



有機會再來喇

好多船出海 ?!

影完就走人喇   今晚坐大船嘅豪華位 ($21.30)   因為差唔多開船 ~

咁我坐喺度等啦   心血來潮睇下張船飛   點知得番 1 張   勁驚囉   我以為跌咗喺廁所   番去睇又無喎   之後即刻同職員講啦   我一講咋   佢話已經等咗我好耐喎   可能有人幫我執埋比票務處呀   感恩感恩 ~

但真係好奇怪喎   我明明拎住 2 張飛擺入褲袋㗎喎 ~

喺船又影下相



到碼頭了



諗住去尖沙咀食嘢   所以坐船去天星碼頭 ($3.10/位) ~ 

唔想食星林居   咁睇下有咩好食   行下行下就行到厚福街 ~

講真   我認路多數係認啲食店名行先   所以衰奧話我係嗅覺一流   視覺九流   哈哈哈哈 ~

食完抖陣就搭巴士   我居然認得路呀 ~  

番到屋企即沖涼喇   之後開機洗衫   搞掂哂就睇戲   12 點幾先瞓 ~

黑椒金菇豚肉卷 + 節瓜鹹蛋魚蛋湯 ( 5-OCT-2018 )

( 5-OCT-2018  FRI )

感恩今日身體又好 OK 呀   所以好精神呢 ~

早餐食丁米   好想食啲熱嘢呀 ~

我多數會少米粉   同埋一定走包



菇場勁忙呀   所以 12 點已經有啲餓   哈哈 ~

Lunch Time 一到就出去食   茶記啲人見到我堂食都覺得好突然   因為我多數外賣嘛   但依家天氣涼   所以想食完行下嘛 ~

水餃少河



買咗節瓜同蕃薯   再買埋檸檬 Soda   咁經過麵包店   又買咗 12 個蛋撻比茶記啲人食   我覺得佢哋好好人㗎   所以想買啲嘢請佢哋食呢 ~

忙到 3 點   又可以 Load 相喇 ~

放工即走   番到屋企抖陣都要預備晚餐了 ~

里奧大人差唔多 7 點先番到屋企   一入屋都就已經可以開餐喇 ~

是日晚餐 - 黑椒金菇豚肉卷 + 節瓜鹹蛋魚蛋湯

黑椒金菇豚肉卷 - 依家多數自己調黑椒汁   唔想成日買咁多醬   反正又唔係成日食喎 ~

節瓜鹹蛋魚蛋湯 - 上星期買咗 6 粒潮州魚蛋   估唔到要 $10 咁貴   所以聞到無臭就照食啦   但啲口感好 "鞋" 咁   哈哈 ~

洗埋碗就開機洗衫   之後沖涼喇 ~

抖陣就食雪糕月餅   不過啲朱古力脆皮真係甜到呢   食完成個人都漏哂咁 ~

今晚個人都幾攰   所以 11 點幾瞓都瞓 lu ~

Delifrance @ 九龍灣 ( 4-OCT-2018 )

3 併套餐  (主菜/沙律/餐湯) & 法式芝士焗薯批 (+$12) / 黑椒蒜香雞膇 (+$12)



3 拚都唔夠 $100   所以要每個餐加薯批 & 雞膇先過 $100



拿坡里大蝦蜆肉炒天使麵 ($95)



卡邦尼煙肉芝士炒扁意粉配煙三文魚 ($89)



( 4-OCT-2018  THU )

今朝 6 點起身去廁所   之後濛濛瀧瀧咁諗緊今日駛唔駛番工 ?!   定今日係星期日番學 ?!   後尾再定一定神   確定今日係要番工嘅   拿拿聲再瞓番   哈哈 ~

呢個星期啲天氣都涼涼哋   勁舒服呀 ~

早餐食蛋治   要清清哋   哈哈 ~

菇場勁忙啦   咁都好   時間好快就過 ~

打電話提家姐用 Delifrance Coupon   之後我話叫佢買夠 $100 麵包咪得囉   佢話堂食喎   笑死我呀   完全唔記得最重要嘅嘢添   如果佢買 5 個牛角酥堂食   啲人以為佢鍾意食得咁緊要   哈哈 ~

今日開始食鐵丸   希望而臉色好番啲啦   貧血真係幾辛苦   無氣無力咁   唉 ~

一到 Lunch Time 就出去食嘢喇   之後打簿   行多陣就番菇場喇   居然行到有啲汗   怪不得家姐話晏晝出街食飯都熱啦   哈哈 ~

仍然忙到爆炸   今晚做到 5 點 45 分先走添呀 ~

今晚有聚會   所以同里奧大人喺九龍灣食嘢 ~

咁我 Taste 買咗啲嘢   原來都差唔多 6 點半   咁去 Delifrance 喇 ~

之前用月餅盒換 $50 Coupon   我換到 6 張   不過每次食 $100 先可以用 1 張   咁都唔錯㗎   等如半價嘛   反正我咁啱呢排都喺九龍灣有聚會   呵呵 ~

食完都好飽啦   里奧大人話去麥記買雪糕   但我話唔食囉   佢出街真係食好多嘢咁 ~

今晚聚會到 9 點半   完畢就即番屋企喇 ~

沖埋涼就休息   11 點幾都瞓 lu ~

霸王山莊 @ 尖沙咀 ( 3-OCT-2018 )

小籠包 ($42) - 都幾多肉汁   唔錯唔錯



東華門千層蔥油餅 ($40) - 睇個樣白雪雪   但原來超勁好味   個皮好鬆化㗎



四川回鍋肉 - 好味呀   里奧大人都話呢間好味過金滿庭呀   因為金滿庭嘅回鍋肉同上海粗炒係同一個味道   蔥爆牛肉又係咁   簡單講句   碟碟一樣味道咁囉



上海粗炒 - 里奧大人指定要食   佢真係超級鍾意食呢

( 3-OCT-2018  WED )

今朝瞓到 9 點 45 分都醒咗 lu   梳洗之後就去超市買生果   買完再去食早餐呢 ~



食完就番屋企抖下   唔知點解好攰喎   已經飲完咖啡喇喎   奇怪 ~

番到屋企即做功課啦   今次好有心機做呀   但衰奧係都要打擊我   不過我又係衰嘅   明明寫住係 1 - 24 節   我都可以寫最尾係 23 節   哈哈 ~

做完功課就睇電視喇   唔知做乜鬼好餓咁   所以 1 點 45 分都開始煮嘢食  煮番尋晚嘅蕃茄薯仔湯飯   好在睇下個火啫   煲底已經黐住哂啲飯   嘥哂呀   嗚嗚 ~

我覺得自己好似食意大利飯咁

諗住簡單煮滾啲湯飯就無咩嘢洗   點知煲燶咗要擦餐死   激鬼氣呀 ~

沖埋涼就休息   睇 Youtube 睇到勁想瞓覺   但都已經 3 點 50 分   差唔多要出門口啦 ~

約咗醫生 5 點 15 分   無諗過咁塞車   好在 5 點 05 分都到診所 ~

唉   醫生話我食新藥效果唔理想   叫我停   但好奇怪囉   上次我話唔舒服   佢又叫我堅持要食   同上次答案完全唔同嘅   依家食咗 2 個月之嘛   佢叫我食多 1 個月   不過我都打算食半年至 1 年囉 ~

咁我比錢嘅時候   姑娘同我傾一陣偈   佢都叫我食半年呀   同埋佢話頭先見我入嚟嘅時候   以為我好唔舒服   因為個咀唇係無血色   哈哈   其實我初初諗住搽番啲唇膏㗎   但我要比醫生見到我貧血嘛   不過醫生話都知我貧血喎   上次唔聽佢咁講嘅 ~

拎埋藥就 Send 短訊比里奧大人啦   講話咁咁咁囉   之後佢覆我話 "妳一定有喊啦"   我話我無喊喎   仍都唔擔心   求神醫治   但就有唔開心囉 ~

睇完約佢喺南記方向等   佢成日問我到未 ?!   我話行緊喎   又要搵路   你知我方向感幾勁先得㗎   哈哈 ~

我話一定唔食南記同酸辣米線囉   咁揀霸王山莊啦   坐得舒服啲 ~

食到 7 點幾就搭車番屋企   抖陣就沖涼喇 ~

今晚到里奧大人做功課   我就熨衫熨床單   依家我勁唔慣熨嘢呀   哈哈 ~

勁喇   可能今日都頻樸   所以 10 點 40 分都瞓覺 lu   勁眼瞓 ~

豆豉鯪魚炒油麥菜 + 蕃茄薯仔排骨湯 ( 2-OCT-2018 )

( 2-OCT-2018  TUE )

今日身體狀況非常之好呀   感恩感恩 ~

早餐食吞拿魚治   如果係吞拿魚飛碟就好 lu ~



菇場忙呀   但今日一定要做哂呢 ~

好快就用完呢個月曆㗎喇

Lunch Time 買水餃米   今日突然好想食佢呀 ~

仍然忙啦   所以好快就放工咁 ~

放工去買餸   之後即飛番屋企預備喇 ~

搞掂哂就拖地   難得身體好番啲   想做哂所有大清潔呀 ~   

太耐無煮飯喇   完全唔記得要煲飯呢回事   咁啱里奧大人要傾完電話先番嚟   我煮個飯都係半個鐘   所以唔駛買白飯番來囉   感恩感恩 ~

是日懶餐 - 豆豉鯪魚炒油麥菜 + 蕃茄薯仔排骨湯

豆豉鯪魚炒油麥菜 - 太耐無煮飯   所以煮個里奧大人鍾意食嘅餸啦 ~

蕃茄薯仔排骨湯 - 又係太耐太耐無煲湯喇   整個有營養又開胃嘅湯啦   材料只係 5 個蕃茄 + 1 個薯仔 + $20排骨   咁樣已經好好味呢 ~

洗埋碗就開機洗衫   之後沖涼休息 lu ~

今晚聽首澎湃嘅詩歌   聽咗幾次   之後諗住瞓   但要比自己冷靜一下先瞓到呀    所以最後都成 12 點先瞓   下次都係聽啲柔和啲嘅詩歌好啲   哈哈 ~   

翠河餐廳 @ 官塘 ( 1-OCT-2018 )

菠蘿咕嚕肉
 


魚香茄子煲



椰汁涼粉冰



( 1-OCT-2018  MON )

今朝 9 點半起身   約咗婆婆同大食飲茶呀   開心開心 ~

梳洗完之後就出門口喇   里奧大人話有時間食早餐   不過我話唔食 lu   咁佢就奇怪話尋晚妳又話想食個早餐先   哈哈 ~

落車再行去婆婆屋企要行 15 分鐘   開始有啲餓   同埋突然有啲眼瞓   所以要去麥記買咖啡   咁里奧大人話想食薯餅   咁買之前問職員幾錢塊 ?!   原來要 $12 一塊   我覺得好貴喎   咁我要凍咖啡 + 薯餅都要 $28   一個煙肉蛋漢堡都只係 $27.5 咋喎   所以買一個餐   反正大食又喺度   同佢 Share   咁樣唔駛咁飽   哈哈 ~

里奧大人去咗鳳城拎位先   之後大食同婆婆都嚟到喇 ~

今次又係即慶飲茶   事緣尋日朝早食早餐時   我同里奧大人講話不如搵日同婆婆飲茶   咁里奧大人話擇日不如撞日   一於聽日啦   咁我即約大食   不過大食要到 4 點先放工   話約食晚飯   但我話唔好喇   第日要番工   想早啲休息 ~

之後 2 點幾佢打嚟話學生改咗時間   佢可以同我哋一齊飲茶喇   勁開心呀   好似神為我哋安排咁呢 ~

食下傾下   咁又 Send 咗相比家姐睇   佢話 4 個人食 9 碟點心好勁   我話妳睇下我哋同邊個食先得㗎   哈哈 ~

家鄉煎薄撐 ($38) - 有菜脯粒   好有口感呀   正呀



蟹籽燒賣皇 ($34)



陳皮牛肉球 ($24)



蒜蓉蒸排骨 ($28)



沙律明蝦角 ($28)



鳳城炸粉果 ($28) - 粉果唔熱嘅

香茜牛肉腸 ($28)



北菇蒸滑雞 ($34)



懷舊馬拉糕 ($24)



好快又已經 1 點半  咁上去婆婆屋企坐陣   差唔多 3 點先走人 ~

咁一早講咗去飲咖啡   但我話不如食下午茶啦   反正價錢差唔多嘛 ~

差唔多 4 點半走人   一齊去搭地鐵番屋企 ~

勁攰呀   同埋個肚又有啲扯扯哋痛   真係煩囉   所以番到屋企即抖呀   里奧大人就幫手熨 2 機衫 ~

5 點幾瞓咗陣   諗住 6 點去食嘢   但其實食唔落   所以 6 點幾又瞓咗陣   差唔多 7 點先出去食嘢 ~

食完就番屋企喇   個肚扯得仲痛咗呀   即沖熱水涼同敷暖水袋 ~

咁里奧大人話開機洗衫   依家洗衫同熨衫嘅重任就交比佢   佢都話分工合作嘛   但我話其實佢識煮飯更好   起碼我唔食   佢自己都有啖好食   唔駛成日出街食味精   不過佢都係話煮嘢無興趣   哈 ~

我個肚越來越唔舒服   所以心情就開始越來越唔好   佢又話叫我得閒要執啲衫去捐   我咪發哂脾氣話佢囉   唔好成日喺我唔舒服嘅時候   就要我做呢樣嗰樣   唔係第一次係咁    我已經唔舒服   你再咁講我覺得好煩   當我身體好嘅時候   我叫你做你就話等星期六   又咁咁咁   其實根本一早可以捐哂   所以佢知我發火   又笑住話乜乜乜 ~

唉   仍然肚痛   所以 9 點 40 分都上床瞓覺喇 ~