自家蝦醬楊州炒飯 ($43)
午餐肉豉油皇炒麵 ($39)
( 2-MAR-2019 SAT )
今朝 7 點 10 分起身同家姐食早餐 感恩一覺瞓天光呀 其實呢兩晚都瞓得唔好 好怕啲天氣唔凍又唔熱 又濕濕立立咁 真係瞓夠都會令到成個人係勁攰咁㗎 ~
家姐鍾意 Toast Box 杯咖啡 所以一定同佢去食啦 ~
傳統土司套餐 ($42)
肉鬆厚土司套餐 ($42)
講開 Berry 家姐同工人講話得閒影啲 Berry 瞓覺相嚟睇下嘛 工人話好難影㗎 次次一影佢就會彈起身 家姐話工人做埋動作好好笑 係要等 Berry 瞓咗好耐先咁行去影咋 笑死我 怪不得次次影親 Berry 瞓覺 我都話佢瞓得好林啦 原來真的 哈哈 ~
咁我叫家姐幫我計數 邊個站落車再轉車抵啲 我睇住佢按計數機 之後再計第 2 個站嘅價錢 佢好開心咁話第 2 個站係平啲㗎 我忍唔住好大聲話: 平得嗰 1 毫 之後我都忍唔住大笑 佢自己都笑啦 講到好似平幾蚊雞咁 哈哈 ~
食完就陪家姐去 Taste 買麵包 去到巴士站 我啱啱走咗班車 但家姐班車就好快到 佢上完車就到我有巴士 個 Apps 話要等 4 分鐘㗎 好在無行開咋 ~
菇場唔忙 繼續寫 Blog ~
里奧大人本來同水姑去睇嘢 不過水姑突然間又話唔得閒 里奧大人都覺得佢煩 唔想去就出聲嘛 根本係人都知佢諗乜 成日覺得呃到人 真係替佢可憐 ~
不過我一早話今日探 Berry 所以我都照去家姐屋企 咁里奧大人就喺屋企瞓覺啦 佢呢排唔舒服都無覺好瞓 今日可以盡情補眠了 ~
放工去買糯米糍 再買埋燒賣粉果就搭巴士去家姐屋企 ~
2 個榴槤 + 1 個芒果 + 1 個芋頭味道嘅糯米糍
架巴士樓下 Full 哂 咁我上樓上啦 得番一個位 個女人隔離有位 但佢擺咗個袋仲瞓埋覺 所以我叫醒佢囉 大佬 成架車 Full 哂 妳都應該拎番個袋啦 真係不知所謂 ~
家姐問我識唔識去佢屋企 ?! 我話前晚都係自己嚟啦 同埋嚟咗咁多次 要是唔記得 咁真係好有問題 哈哈 ~
一入屋 Berry 姐就撲我啦 勁開心啦我 起碼無喺梳化底嘛 ~
我放低袋 突然聽到後面有把男人聲 嚇鬼死我 原來係姐夫 我仲以為佢出咗街呀 ~
咁又傾下偈啦 之後有人打比佢 聽佢對話 又好似識得我咁 但又唔 Sure 係咪家姐 ?! 因為家姐同我 Whatsapp 緊嘛 咁我再問番家姐係咪佢打嚟 ?! 佢話係呀 佢都以為姐夫出咗街 哈哈 ~
之後姐夫話煲咗湯 叫我一陣飲 家姐咁啱又 Whatsapp 我 話姐夫今朝 10 點幾知我嚟 就去買煲湯料 所以家姐話飲咗湯先準走 哈哈 ~
唔好咁心急同我玩啦 我想食埋嘢先喎
見佢咁黐我 同佢玩陣先食嘢
咁樣 Fing 個頭 其實暈唔暈呢下 ?!
佢好驚姐夫 指佢兩指就扮乖瞓喺度
妳對眼唔駛咁呀嘛 我都無用力
乖到呢
但仍然有對鬼祟眼 哈哈
姐夫一入房咋 即咬我呀 衰女包
佢好鍾意咬我啲衫
無啦啦瞓喺廳中間 佢眼瞓就會瞓後面張床仔 我 Zoom 埋影佢 如果唔係佢又會走咗去㗎
Berry 瞓咗 1 個鐘 即係我都瞓咗 1 個鐘啦 我無理由真係眼定定望住 Berry 成個鐘家嘛 ~
之後家姐同我講番 話佢叫姐夫出梳化坐嘛 姐夫話我瞓咗覺呀 點坐呀 哈哈 ~
我 Send 比家姐睇 佢話睇完唔敢再 Whatsapp 我 驚整醒 Berry 姐 哈哈哈哈
出面有狗吠呀 嚇到我同佢一齊彈起 之後又一齊瞓番 lu
瞓咗 1 個鐘到 其實可能未瞓夠 無啦啦又咁樣瞓
咁樣好似幾精神喎 我又要比佢咬了
無啦啦又瞓番
個樣奸到出汁
想瞓又唔瞓
我又即刻抱佢喺我身上面 呵呵
咁又瞓咗一陣
4 點幾都差唔多走 姐夫咁啱叫工人拎湯比我飲 咁我飲埋碗湯 抖多陣先走 ~
飲完湯又比妳咬陣啦
我細細力練住佢個頭呀 但佢都照咬
個口幾咁大
咬完又索下
再大力咬 係咪好厚肉好味道呀 ?!
5 點左右走人 衰女掛住食嘢 我走都無望我了 嗚嗚 ~
右手傷得更嚴重 哈哈
番到屋企都差唔多 6 點 咁我抖陣就同里奧大人出去食嘢 lu ~
Berry 黐住姐夫呀 幾識扮嘢
食完就去買嘢 之後番屋企喇 ~
家姐 9 點幾 Send 比我睇下 Berry 我話佢今晚真係會好好瞓的 哈哈
對眼根本 Dup 哂 但又成日八八卦卦
