福源餐廳小廚 @ 官塘 ( 25-JUL-2015 ) (禁)

兩條友   無可能食得哂啦   因為無諗過啲份量咁巨囉 

粟米石斑塊 - 無諗過咁多件啦   同埋真係啖啖肉   粉漿又薄   好有驚喜     

馬拉盞炒通菜 - 上次食無咁大碟

羅漢齋炒麵

例湯都有好多料呢

( 25-JUL-2015  SAT )

今朝瞓到 8 點都醒醒哋   但都要繼續瞓   始終我覺得唔舒服嘅話   瞓夠好過食藥呢 ~

9 點半樓上鑽嘢喎   咁要起身啦   真係邪   頭先 8 點起身唔想瞓   想瞓嘅時候又鑽嘢   咁好啦   醒啦   去食早餐 ~

番到屋企抖陣就沖涼   又執下嘢咁啦   之後里奧大人話想我休息唔出街   不過我話今日都 OK   因為食咗藥真係好番 70 %   啲藥幾勁呀 ~

里奧大人買咗部 G4   咁即係又要去買電話套啦   咁即係去深水埗啦   我同佢講   佢今個月去咗 3 次深水埗買嘢喇 ~

12 點半出門口   本來想坐小巴   不過原來小巴唔到黃金   咁搭番地鐵啦 ~

去咗鴨療街買咗個 0.3mm 電話套用住先   之後再買 2 個掛勾   咁去旅行就唔駛攬住個背囊喇 ~

咁又 2 點喇   我勁餓呀   要去食嘢喇   我要食辣菜脯   所以去大家食喇 ~

食完嘢就去洗手間啦   咁如果係茶餐廳呢啲   我會叫里奧大人去先   如果乾淨我就去   咁里奧大人話 OK   但係個地就濕咗啲   咁我去啦   一開門入洗手間已經覺得奇怪   因為一開門見到個尿兜   之後再見到馬桶   係有門關嘅   咁我就諗   如果我去完一出嚟   有男人去緊咪慘 ?!   咁好啦   去完就出去洗手   咁啱有個女人入嚟去洗手間   佢行右邊㗎   原來我入咗男廁呀   再望個牌   真係男廁喎   因為我以為係男/女共用洗手間呀 ~     

出嚟之後講番比里奧大人知   佢覺得好愕然   點解咁都會搞錯   哈哈 ~

去黃金買嘢喇   今次買哂要買嘅嘢   實在太開心喇 ~

Yuraku 雷神黑朱古力麥脆巴 ($28/2 包) - 個名好勁咁   所以買嚟食   比咗 1 包家姐   Share 食最好               

$15/盒都抵  

HD Conversion Cable ($20) / USB Plus ($85)

USB 叉電器 ($199)

LED 燈 ($55) - 我想買好耐啦   夾喺梳化度睇雜誌勁正呀   

每個 $40   可惜里奧大人個 G4 套係唔啱啦   下次要去換過呀 

話咁快又 4 點喇   搭地鐵去官塘   去埋山崎買麻糬同蛋糕就去探媽咪喇 ~

去到都差唔多 5 點   見媽咪食咗幾啖粥就無食   但比我見到有條油炸鬼喺度囉   一定係家姐買啦   都叫佢唔好買咯   無益家嘛 ~

咁媽咪又唔飲藥水   我已經火滾   原來果啲藥水係 For 去大便嘅   咁我話如果無大便就要飲啦   佢話日日有嘛   咁 OK   我話唔好飲   唔好煩 ~

咁姑娘嚟到講媽咪情況啦   血壓心臟糖尿都好正常   但唔做物理治療   話好攰喎   之後我同姑娘講   話佢無飲藥水   咁姑娘話佢幾日先一次大便   所以想佢飲   我話唔係喎   媽咪話日日都有   我其實知媽咪頭先講大話   所以特登喺姑娘面前講 ~   

之後姑娘走咗   我同媽咪講   妳只係呃到自己   呃唔到人   人哋記錄會寫得好清楚   同埋話唔飲一定要話比姑娘知妳無飲   唔係人哋以為妳有飲又無大便   之後會加重妳藥㗎   妳就煩喇 ~

媽咪入院咁耐   唔知點解我就掹咁耐   依家有物理治療又唔做   係咪懶成咁呀 ?!   成日話攰   更係攰啦   一日瞓足 24 小時   我哋嚟探妳   好心妳就咪瞓啦   探妳幾耐啫   最多咪 2 個鐘   妳唔係咁都要瞓呀嘛 ?!

家姐姐夫 5 點半到   佢依然瞓啦   咁我同家姐傾偈 lu   里奧大人就同姐夫出去傾偈   因為病房唔可以有咁多人呢 ~

6 點走喇   反正媽咪都係瞓   家姐楂車番屋企   我同里奧大人就坐小巴落官塘   諗住去沙爹王   不過要等 10 張枱   但依家 6 點半係開飯時間   咁睇嚟都要轉場喇 ~

其實我一早諗好食羅漢齋炒麵   不過見經過沙爹王就去睇下   點知最後都係去番福源   哈哈 ~

食完就坐 35 小巴番屋企   唔駛行咁遠 ~

沖埋涼就食藥   睇陣電視   臨瞓前再食多次藥   所以要 12 點先瞓呢 ~

魚片炒銀針粉 + 腐乳通菜 ( 24-JUL-2015 ) (禁)

( 24-JUL-2015  FRI )

Happy Friday 喇   最開心係聽日 Off   可以盡情瞓瞓瞓喇   因為呢排真係好鬼攰呀 ~

今朝里奧大人又喺九龍灣見客   又可以陪我食早餐   我勁想食熱香餅呀   所以去麥當勞呢 ~

菇場唔忙   不過我仲係咳   又流鼻水喎   快啲好番啦唔該 ~

諗緊食唔食酸辣米線   點知阿齋又問我食唔食喎   咁就食啦   哈哈   咁我話我去買   我順便可以郁下 ~

我聽晚想探媽咪   咁聽日 Off 又想陪里奧大人行街   加上我又頭暈暈   所以最後決定睇醫生喇 ~

放工去睇   我戴住口罩入去診所   姑娘都認得我   超勁呀 ~

醫生話好在唔係流感   話可能我每月一到之後個人弱咗   咁就易病啲   哈哈   我夠知啦   原來我都係久病可成醫   呵呵 ~

睇完就番屋企喇   開機洗衫再熨衫   之後就煮嘢喇 ~

里奧大人 8 點先放工   我都係自己食先㗎喇   咁我又唔太餓   所以沖埋涼先慢慢食 lu ~   

是日懶餐 - 魚片炒銀針粉 + 腐乳通菜  

魚片炒銀針粉 - 我好鍾意加黑豉油一齋炒    次次炒完呢   個鑊都燶埋   擦到我死死下 ~  

腐乳通菜 - 有腐乳好味好多啦   加上我又口淡淡   勁想食濃味嘢呢 ~  

搞掂哂都 9 點幾   睇多陣電視就食藥   有 3 隻藥係會令人昏昏欲睡   咁都好   呢排實在瞓得太差   好想一覺瞓天光呢 ~ 

雜丸 + 通菜 ( 23-JUL-2015 ) (禁)

( 23-JUL-2015  THU ) 

其實喉嚨好唔舒服又感冒   真係勁唔想番工   不過費事又 S/L   因為西瓜今日唔喺菇場   上次又係咁   太巧合喇 ~

咁今朝都開心嘅   因為同里奧大人一齊食早餐   之後佢就去見客喇 ~

菇場唔忙就整相喇   整下抖下   咁又 Lunch Time ~

又係食飯先嚟落雨   不過我想食粥   行遠少少都行啦唯有 ~

皮蛋魚片粥 + 炒米粉   諗住食得哂   但食到一半米粉之後   突然好脹胃   所以唔敢再食喇 

仍然 Hea 住放工   今晚唔探媽咪喇   家姐話驚我惹到佢哋   呵呵 ~

打比媽咪   佢唔駛再聞氣   感恩呢 ~

呢幾排出街食真係好厭   所以我決定去街市買餸喇    番到屋企 6 點半   浸好菜就抹睡房   郁多兩郁反而仲精神   哈哈   所以拖埋地呢 ~

搞掂哂都 7 點半   咁我自己食先喇 ~   

是日懶餐 - 雜丸 + 通菜 

雜丸 - 最衰冰姑啦   成日講打邊爐   所以搞到我勁想食   咁唯有淥啲丸同粟米   就當打邊爐啦   同埋我想食大量生蒜   希望感冒快啲好番啦 ~   

通菜 - $6 有 5 扎   超抵爆   同埋我鍾意食呢啲細細條嘅通菜呢   不過今晚食咗 3 扎   其他留番聽晚再食 ~  

里奧大人 8 點放工   等佢番嚟再煮水餃丁麵佢食   搞掂哂原來都 9 點半   即刻沖涼喇 ~

平時喺菇場   我好少用手提傾電話   因為菇場靜在太靜   真係講咩都比人聽到哂   咁我頭先 Whatsapp 比家姐問媽咪點樣   佢叫我 "Call Me"   咁我即打比佢啦   仲問佢我係咪好快 ?!   之後家姐笑喇   話諗住我第一句話佢   做乜唔直接打比我   做乜打 "Call Me"   哈哈   又係喎   慣咗無計 ~

家姐話媽咪隻眼無啦啦微絲血管爆裂   成隻眼紅哂   即話比姑娘知   好在對眼無痛   又無趺倒   咁我都無咁驚呢 ~

里奧大人今日自己買咗部 G4 手機   搞到 11 點幾先瞓   咁我都等埋佢啦   如果唔係一早瞓咗   哈 ~      

大家樂 @ 九龍灣 ( 22-JUL-2015 ) (禁)

( 22-JUL-2015  WED )

自從媽咪入院之後   我都唔係瞓得咁好   半夜好多時都會醒   越諗又越激氣   所以醒咗又唔可以即刻瞓得番慘 ~

里奧大人今朝上大陸   鬧鐘響咗之後我就再瞓   7 點唔夠有人打嚟搵里奧大人   仲以為係工廠啲同事   原來係佢姐夫打嚟搵里奧大人   可能打嚟嚟報平安啦   不過我又未瞓醒   係咁問佢邊位 ?!   哈哈   之後我話佢上咗大陸   佢姐夫都唔好意思即收線   可能里奧大人飛線有問題   因為我幾次打比佢   佢又係話我無打比佢呢 ~

今朝居然 7 點 50 分出得門口   咁好啦   去食飛碟   但依家無咁好食 lu ~

好攰呀   喉嚨又痛   一咳就想死   但又費事唔番工啦   唔想比人話 ~

食喉糖飲 Hot Lemon 係指定動作   不過仍然唔係咁好   哈哈 ~

Lunch 食 K + 乳酪   其實本來可以唔食   最衰冰姑啦   無啦啦講打邊爐   又辣椒豉油又手撕雞   樣樣都咁惹味   真係搞到我好肚餓呢   所以要食嘢囉 ~

好在西瓜今日唔喺度   但其實今日都係忙下停下   只不過手腳就慢好多啦   精神唔集中   驚錯嘛 ~

今晚唔探媽咪喇   咁放工打比佢   又話要聞氣   不過佢講嘢唔清唔楚   所以都唔問佢咁多喇   一陣先再問家姐 ~

里奧大人 5 點半已經喺落馬洲落大巴番香港   所以我都喺商場行下   等埋佢一齊食飯 lu ~

諗住去麻酸樂   不過 6 點半先開始晚餐   坐唔到咁耐囉   里奧大人又唔鍾意柏檔海南雞   我又唔食得紅肉   所以我話去大家樂   因為勁想食海南雞飯嘅酸蘿蔔 ~

感恩里奧大人 6 點 15 分到九龍灣   因為我勁餓呀   想快啲食飯呢 ~

好耐無食過咁多飯   真係飽到頂住頂住   所以我番屋企要熨衫當做運動呀 ~

沖埋涼就休息   10 點就一齊瞓喇 ~ 

大快活 @ 九龍灣 ( 21-JUL-2015 ) (禁)

( 21-JUL-2015  TUE )

今朝一起身   里奧大人第一句就同我講今日可以着水靴喇   哈哈   佢話我一聽到就笑   大佬   梗係笑啦   講到我好似好恨着水靴咁 ~

早餐食魚柳包   其實唔好食   不過唔想食多士   又食唔落麵餐   咁唯有食佢囉 ~

食完就出事   喉嚨痛呀   唔夠瞓真係乜都差啲 ~

雖然 Hea 住上網   但都真係無咩 Mood 上網 ~

晏晝買車仔麵番菇場食   又係食剩一半   似乎堅唔舒服咁噃   唉 ~

媽咪轉咗去靈實   要喺官塘再轉 13 號小巴   去到都差唔多 6 點半   咁見到媽咪唔駛聞氣就實在太開心啦 ~

之後問姑娘   媽咪情況點啦   血壓心跳正常   不過血糖高   嗰下我都腦閉塞   只係諗到血壓高   諗唔到咩叫血糖高   要問番姑娘   之後話媽咪有糖尿病   血糖指數係 10   正常係 6   佢試過 15 添   依家就比藥佢食住先 ~

聽完之後我慶鬼到爆   之前一早話佢似糖尿病啦   個個都話碗糖水甜到爆   得佢一個食得哂   食燒鵝乳豬又點得好多醬   佢自己又話篤過手指無事   咁我實信佢啦   諗諗下都唔知有無篤 ~

咁家姐買咗蛋糕仔比媽咪   我話妳問姑娘食唔食得先啦   糖份咁高   之後家姐同媽咪話喎   佢無啦啦糖尿病係因為啲病撞埋   所以引發到糖尿病   咁我就問佢喇   本身有糖尿病同因為幾樣病撞埋引致糖尿病   食咗落肚件蛋糕   糖份會有分別咩 ?!   同埋咩撞埋哂引致糖尿病係妳地自己諗囉   之後我用好認真嘅語氣同媽咪講   妳食咩無問題   妳鍾意食咩就食咩    血糖高咪打針囉   喺醫院怕咩   我無氣力再理妳   妳鍾意點就點 ~

我今日已經唔舒服   攰又喉嚨痛   又作發燒   我勁想唔嚟   不過家姐又成日唔問姑娘   媽咪咩情況   尋晚問佢媽咪聞幾度都可以唔知   所以我今晚點都要探   點知又係激鬼氣   所以我同佢哋講   呢幾晚我唔嚟喇   我番屋企休息好過   反正講咗都係咁   好煩   真係唔好煩我   我好攰 ~

7 點 50 分走喇   坐小巴再轉小巴   8 點 40 分先去到九龍灣   咁今日里奧大人送水姑機   所以佢都食咗嘢   咁我話去大快活   快快趣食完番屋企呢 ~

沖埋涼   即飲杯 Hot Lemon   再睇陣電視   11 點瞓喇 ~

之前同里奧大人講   話 Chopper 攬枕好得意   所以佢買比我喇 

最搞笑佢買咗呢隻比我先囉   但我其實都無話鍾意呢隻   不過買咗就要啦   哈哈  

咁樣拚埋   其實個攬枕係好細個呢 

每個附送一包軟糖   OK 好食啦   

富記車仔麵 @ 九龍灣 ( 20-JUL-2015 ) (禁)

酸齋唔酸又乾爭爭   魚蛋又霉   唉

( 20-JUL-2015  MON )

尋晚臨瞓覺個肚有啲唔舒服   但真係唔想食藥嘛   點知都係瞓唔到   一起身原來已經 1 點半   嚇死   但又唔覺典咗咁耐喎   食完藥諗住即暈啦   又唔暈   之前幾次一食即暈家嘛   真係呢 ~

連瞓 6 個鐘都 OK 啦   不過就無咩氣力囉 ~

早餐食半件芝士治已經頂住頂住   咁唯有留番一陣再食啦 ~

做埋 Report 都 Hea 過喇   真係唔多願郁呢 ~

晏畫食件芝士治再加半杯麥皮   因為勁想食熱嘢呀 ~

條腰痛到不得了   所以今晚都唔探媽咪喇   今日媽咪轉去靈實   咁都好   探病時間可以耐啲 ~

超勁餓呀   所以放工去食車仔麵   但今次非常之難食 ~

買埋壽司比里奧大人食   之後就番屋企 lu ~

沖埋涼就抖喇   睇下電視   10 點半即瞓 ~

油雞飯 + 咕嚕肉飯 (外賣) ( 19-JUL-2015 ) (禁)

( 19-JUL-2015  SUN )

今朝里奧大人 8 點要起身喇   同埋姑奶食完早餐   就要送大伯娘上山呢   不過我都係去唔到呀 ~

沖埋熱水涼   又食埋藥就瞓喇 ~

瞓下醒下   5 點都起身喇   驚今晚瞓唔到 ~

里奧大人 6 點幾去買嘢食   感恩我都食到半盒雞飯   但其實好油膩   食到有啲反胃   所以即刻叫里奧大人沖杯黑茶消消滯呢 ~

今晚 11 點瞓喇   希望一覺瞓天光啦 ~