雜丸 + 通菜 ( 23-JUL-2015 ) ( 禁 )

( 23-JUL-2015  THU ) 

丫   其實喉嚨好唔舒服又感冒   真係勁唔想番工   不過費事又 S/L   因為西瓜今日唔喺菇場   上次又係咁   太巧合喇 ~

咁今朝都開心嘅   因為同里奧大人一齊食早餐   之後佢就去見客喇 ~

菇場唔忙就整相喇   整下抖下   咁又 lunch time ~

又係食飯先黎落雨   不過我想食粥   行遠小小都行啦唯有 ~

皮蛋魚片粥 + 炒米粉   諗住食得哂   但食到一半米粉之後   突然好脹胃   所以唔敢再食喇 

仍然 hea 住放工   今晚唔探媽咪喇   家姐話驚我惹到佢地   呵 ~

打比媽咪   佢唔駛再聞氣   感恩呢 ~

呢幾排出街食真係好厭   所以我決定去街市買餸喇    番到屋企 6 點半   浸好菜就抹睡房   郁多兩郁反而仲精神   哈哈   所以拖埋地呢 ~

搞掂哂都 7 點半   咁我自己食先喇 ~   

是日懶餐 - 雜丸 + 通菜 

雜丸 - 最衰冰姑啦   成日講打邊爐   所以搞到我勁想食   咁唯有淥 d 丸同粟米   就當打邊爐啦   同埋我想食大量生蒜   希望感冒快 d 好番啦 ~   

通菜 - $6 有 5 扎   超抵爆   同埋我鍾意食呢 d 細細條嘅通菜呢   不過今晚食咗 3 扎   其他留番聽晚再食 ~  

里奧大人 8 點放工   等佢番黎再煮水餃丁麵佢食   搞掂哂原來都 9 點半   即刻沖涼喇 ~

平時喺菇場   我好少用手提傾電話   因為菇場靜在太靜   真係講咩都比人聽到哂   咁我頭先 whatsapp 比家姐問媽咪點樣   佢叫我 "call me"   咁我即打比佢啦   仲問佢我係咪好快   之後家姐笑喇   話諗住我第一句話佢   做乜唔直接打比我   做乜打 "call me"   嘩哈   又係喎   慣咗無計   哈哈 ~

家姐話媽咪隻眼無啦啦微絲血管爆裂   成隻眼紅哂   即話比姑娘知   好在對眼無痛   又無趺倒   咁我都無咁驚呢 ~

里奧大人今日自己買咗部 G4 手機   搞到 11 點幾先瞓   咁我都等埋佢啦   如果唔係一早瞓咗   哈 ~