馳名狗仔粉 + 煎釀三寶 (外賣) ( 24-SEP-2022 )

個皮比較厚但好軟糯   芒果餡料非常少

( 24-SEP-2022  SAT )

尋晚瞓得勁差   都係怪自己唔食止痛藥   無諗過隻牙痛咁耐呢 ~

早餐食醬占多   勁無胃口呀   食到 9 點半 ~

菇場唔忙呀   但個人好攰囉   好在無嘢做咋   咁樣可以抖下 ~

放工買埋午餐就番屋企   食完先沖涼 ~

今次好辣喎

里奧大人 4 點幾瞓晏覺   不過我又唔眼瞓   但就好攰   即係好似夜晚飲完中國茶   半夜眼光光感覺咁囉 ~

6 點出發番學   今晚都係 9 點幾先放學 ~

同學請食芒果糯米糍   怕我哋餓呀   哈哈

里奧大人話打去便當舖頭電話無人聽   咁我話買番狗仔粉算喇   反正咁夜食都唔想食飯   哈哈 ~

拿拿聲買埋晚餐就即番屋企   食完就開機洗衫   之後即沖涼 ~

睇多陣 Youtube   12 點左右都瞓了 ~

臘腸蒸排骨 + 菠菜 ( 23-SEP-2022 )

( 23-SEP-2022  FRI )

感恩一覺瞓天光   今朝 6 點半起身去廁所   之後都懶床到 7 點幾先起身   哈哈 ~

里奧大人今日放假   但要幫手整嘢   所以陪我食早餐呢 ~

菇場忙呀   實在太開心 ~

Lunch Time 出去買菜再去萬寧買嘢   買埋炒米粉就番菇場喇 ~

仍然忙呀   所以好快放工 ~

今晚有力煮飯   實在太耐無煮了 ~

是日懶餐 - 臘腸蒸排骨 + 菠菜

臘腸蒸排骨 - 想煮但懶   咁蒸排骨就好簡單喇 ~

菠菜 - 見 1 Pack 係 $8 又幾靚   所以就買嚟食呢 ~      

洗埋碗就沖涼   之後休息了 ~

睇多陣電視   11 點左右都瞓覺喇 ~

菠蘿生炒骨 + 椒絲腐乳通菜炒牛肉 (外賣) ( 22-SEP-2022 )

( 22-SEP-2022  THU )

感恩都瞓得唔錯   雖然半夜都去廁所   但好快瞓得番呢 ~

早餐食醬占多   好在有啲胃口咋 ~

菇場唔太忙   可以抖抖 ~

Lunch Time 出去一田行陣   之後買埋炒麵就番菇場喇   今日唔想行咁耐 ~

我覺得幾好味咁   所以買比 Miss 食喇

無啦啦勁忙呀   實在太開心   更加開心係可以放工前搞掂   哈哈 ~

放工諗住買菜   但里奧大人話唔好煮   咁好啦   比多自己抖一晚都好 ~

食完晚餐就開機洗衫   之後沖涼喇 ~

睇下 Youtube   里奧大人 10 點 15 分瞓覺   我今晚 10 點半都瞓覺喇   算好早啦 ~

黑蒜蔥油拌麵配滷牛展 & 炸薯條 + 椒麻醬油拌麵配炭燒雞串 & 金黃粟米 (外賣) ( 21-SEP-2022 )

黑蒜蔥油拌麵配滷牛展 & 炸薯條 - 我鍾意食乾撈   食完無咁熱嘛

椒麻醬油拌麵配炭燒雞串 & 金黃粟米 - 里奧大人話個麵好油   因為底部真係好油   佢又無撈勻食呢   哈哈 

( 21-SEP-2022  WED )

今朝瞓到 9 點左右自然醒   梳洗後就整早餐喇 ~

食完就開機洗衫   之後休息休息 ~

差唔多 1 點就食 Lunch   今日特登食飯   睇下食完會唔會眼瞓   咁我第時可以喺菇場食下飯嘛   點知食完半個鐘後就開始眼瞓   真係飯氣攻心呀   哈哈哈哈 ~

瞓咗半個鐘都醒喇   之後沖涼   抖多陣就去睇牙醫 ~

去到診所   姑娘話我個樣好熟面口   妳係邊個嘅老婆呀 ?!   我話我係阿邊個嘅老婆   之後佢即刻話上次得妳老公自己嚟睇   做咩唔陪佢呀 ?!?!?!   哈哈   估唔到佢咁好記性 ~

4 點唔夠就到我   咁我順便講埋   我上年 12 月補完隻牙又開始痺痺哋   之後醫生話我磨牙磨到蝕哂喇 ~

但我同醫生講話以前我做嘢有壓力   我夜晚磨牙直頭嘈醒咗里奧大人   但呢份工無壓力喎   之後佢睇我啲牙肉   就話其實我係全日都係磨緊牙   所以即刻教我點放鬆 ~

又發現咗個新牙窿   好在係好細咋   所以拿拿聲補咗去   之後再剥智慧牙   醫生話我智慧牙歪咗少少   咁樣反而唔駛開刀剥   實在太感恩呢 ~

約埋下個月嚟整牙套就搞掂    都已經接近 5 點   買埋包香印提子就去里奧大人公司等佢放工   之後買埋晚餐就番屋企喇 ~

沖埋涼先開餐   真係好鍾意咁呢   哈哈 ~

呢排鍾意食有水份嘅生果   但就唔敢食咁多涼嘅生果   我都鍾意食提子   不過唔可以成日食   始終糖份好高呢 ~

我真係覺得口感似波子提

睇下電視同 Youtube 又 11 點   係時候瞓覺喇 ~

韭菜鍋貼餐 + 招牌鍋貼/麵線套餐 (外賣) ( 20-SEP-2022 )

( 20-SEP-2022  TUE )

瞓晚瞓得麻麻哋   個肚有少少痛   所以沖個熱水涼  等瞓覺時候舒服啲   唔駛成日郁嚟郁去呢 ~

今朝同里奧大人一齊食早餐   食完抖陣都番工喇 ~

菇場唔忙   感恩身體只係好攰   可以坐喺度抖下 ~

朝早買定個黑椒腸仔包   今日想喺菇場休息   同埋唔想落雨出去行呀 ~

Lunch Time 諗住瞓   又瞓唔到   咁睇 Youtube 啦   點知睇到 12 點左右勁眼瞓   一瞓就瞓到 12 點半   起身有啲餓   所以又食杯裝烏冬 ~

仍然唔忙   4 點幾要食埋個包   真係好後悔買咗個包   哈哈 ~

放工即走   今晚都係里奧大人買外賣   所以我話食鍋貼   里奧大人話我真係好鍾意食   我話今晚真係好唔想食飯呢 ~

番到屋企即沖熱水涼   呢排無咁熱咁   所以沖完涼係好舒服呢 ~

食完就休息喇   真係咩嘢都唔做㗎 ~

今晚 11 點都瞓覺喇   實在太好   始終想多啲時間補眠呢 ~ 

麥蘆卡蜜糖烤雞餐 (外賣) ( 19-SEP-2022 )

感恩我今晚好有胃口呀   只係食剩 1/4 雞肉   可以比里奧大人當餸食   哈哈

里奧大人聽日嘅午餐

尋晚食剩嘅炒飯   叫里奧大人再蒸熱食   哈哈

( 19-SEP-2022  MON )

尋晚瞓得勁唔好呀   但其實今朝可以瞓到 8 點   做咩要 7 點 40 分唔再校鬧鐘呢 ~

早餐食吞拿魚治烘底   好在覺得好味   哈哈 ~

菇場忙咗陣   10 點開會傾 System   開到 11 點半   毛重問嘅問題   又係重覆又重覆   究竟佢每次開會係咪想有啲嘢發表下   等個場無咁悶呀 ~

8 卦偷影我再備註 "毛重好煩"   原來我當時係皺哂眉頭呀   唔怪得阿花話我   每次毛重發言就見我皺哂眉頭啦   哈哈   咁佢真係好煩嘛   次次問嘅都一樣   最浪費時間 ~

開完會都即番埋位出 Report   好在食飯前搞掂 ~

Lunch Time 一到即出去   同船頭阿花一齊行   佢哋都話個新 System 係廢到不能再廢   因為主要係比老闆睇佢想睇嘅嘢   上次西瓜話要問老闆   今次最後決定又話問老闆   其實老闆自己開會就可以啦   佢要嘅嘢   我哋員工可以 Say No 咩 ?!   依家成個 System 係圍住老闆轉呀   我哋全村人要做好多多餘嘅嘢呀 ~

今日要去南北行買胎菊比里奧大人   之後再去一田   見到無花果都幾靚   咁又買盒啦   比錢嘅時候居然無用到張一田卡   激死我呀 ~

買埋芝士糙米包就番菇場   我唔想食辣嘢   所以食杯裝烏冬呢 ~

個肚只係有好少嘅唔舒服   但其實瞓到覺就無問題   不過瞓唔到   哈哈哈哈 ~

唔忙就休息下喇   個人好攰呀 ~

放工買埋晚餐就番屋企   感覺個人開始無咩力   好在點都行到番屋企咋 ~

沖埋涼就開餐   感恩有胃口呀 ~

睇多陣 Youtube 就聽歌  差唔多 11 點都瞓 lu ~

咖哩魚柳飯 + 生炒牛肉飯 (外賣) ( 18-SEP-2022 )

之前同里奧大人講話好耐無食魚   依家佢幾乎每次外賣都話想食魚   以前佢一定會話驚腥唔叫魚   所以佢原來真係有聽我講嘢   哈哈

完全無食過   咁留聽聽日比里奧大人做午餐同晚餐   哈哈

( 18-SEP-2022  SUN )

今朝瞓到 9 點 45 分自然醒   感恩身體好 OK 呀   感謝神 ~

梳洗完就食早餐   抖陣就拖地   今日唔做任何大清潔喇   我要比自己身體休息下 ~

沖埋涼就抖陣   之後就番教會 ~

同阿妹傾偈   等埋佢就一齊番崇拜喇 ~

里奧大人有嘢搞   所以我去買午餐去佢公司食 ~

黑椒牛扒腸仔飯都好味   同埋估唔到咁多飯   真係好在叫一個餐咋

食完又要去整嘢   之後就去姑奶屋企探下佢 ~

無啦啦落大雨又行雷   唔怪得頭先咁鬼焗啦 ~

傾咗半個鐘都走喇   我見里奧大人眼皮塌哂落嚟呢 ~

買埋外賣就番屋企   真係放低個袋即即沖涼呀   今日焗到不得了   我係熱到頭髮都濕埋呀 ~

頂爺比嘅麻油雞麵   叻叻比我嘅佳得樂   佢哋好搞笑㗎   次次都係將啲嘢直接放入我個袋   話唔要都唔得呢

食完飯就抖陣   之後同里奧大人一齊網上敬拜   今晚聽到証道令我好沖擊   我真係要好好反思自己返崇拜嘅心靈   求主保守帶領 ~

同里奧大人傾開偈   我話我好衰格   成日鬧媽咪   之後忍唔住喊   里奧大人話鬧唔代表食衰   妳都係緊張佢   我話媽咪走當晚   我 7 點半走   媽咪 7 點 45 分醒咗問工人   做咩太太唔同佢講拜拜   所以我話媽咪係嬲我先走呢   嗚嗚 ~

今晚唔眼瞓咁呀   但 11 點幾點都要瞓啦 ～